المترو غيران م التوكتوك.
...
المترو غيران م التوكتوك يادي العيبه
عايزله خمسه جنيه زيه شفتوا الخيبه؟
يامترو ده التوكتوك غلبان و وراه مساكين
ولا فيش وراه شلة مديريين م الهليبه
توكتوك فقير وبتاع فقرا سيبه ف حاله
ده القسط طلع ميتينه و ذل عياله
تاكسي الغلابه اللي بيدخل ايها حاره
باصينله ليه ده لا مرسيدس ولا طياره؟
قاعد يداوي ف بلاويكو يحل مشاكل
ولم ياما شباب عاطل كان بتشاكل
دي الوقتي بعد البكالرويس يتعينوا فيه
سيبك يا مترو من التوكتوك الله يقويه
بعد اما قفلم مصانعها وضاعوا العمال
مبقاش في مصر الا التوكتوك حلم اﻷجيال
ايه اللي جري للبشرية انا جالي ذهول
مطعم يغيير من طبليه وعربية فول ؟
حسدوا الغلابه علي جوعهم
و مفيش فرامل لطمعهم...شيئ مش معقول !!
الحقد كان من تحت زمان طالع علي فوق..
دي الوقتي تلقي الكونتينار غار م الصندوق
دي الوقتي تلقي اصحاب المال حسدوا الزبال
علي الشقا وعلي وقف الحال...قلالات الذوق
قالوا الزباله وتدويرها يحتاج ماكينات
وده منظره وسط الشارع عامل ديفوهات
ديفوهات دي خالتك ياروح امك بطل تهجيص
حتيهص علينا ...هوه احنا ناقصين تفاهات
آه يا زمن فيك البطال بقي باشا بضهر
واللي بيمشي علي بطنه حسدوه ع الفقر ¡¡
زمن الجنيه اللي اتمسخر زمن التعويم
والدق علي راس الفقرا ارحم يا رحيم
داخلوا علينا بحنيه وخبوا الخوازيق
عملوا ضريبة الطعميه وجاعوا المخاليق
ضاقت علينا ارزاقنا ويوماتي تضيق
بكره يقولوا اتنفستوا والهوا بفلوس
وكل ما نخاف نتكلم حيزيد الدوس
اياك تجيلك علي قلبك مايبانلك عيد
يامترو يابن الحراميه يابو قلب حديد
...
سمير الامير
...
المترو غيران م التوكتوك يادي العيبه
عايزله خمسه جنيه زيه شفتوا الخيبه؟
يامترو ده التوكتوك غلبان و وراه مساكين
ولا فيش وراه شلة مديريين م الهليبه
توكتوك فقير وبتاع فقرا سيبه ف حاله
ده القسط طلع ميتينه و ذل عياله
تاكسي الغلابه اللي بيدخل ايها حاره
باصينله ليه ده لا مرسيدس ولا طياره؟
قاعد يداوي ف بلاويكو يحل مشاكل
ولم ياما شباب عاطل كان بتشاكل
دي الوقتي بعد البكالرويس يتعينوا فيه
سيبك يا مترو من التوكتوك الله يقويه
بعد اما قفلم مصانعها وضاعوا العمال
مبقاش في مصر الا التوكتوك حلم اﻷجيال
ايه اللي جري للبشرية انا جالي ذهول
مطعم يغيير من طبليه وعربية فول ؟
حسدوا الغلابه علي جوعهم
و مفيش فرامل لطمعهم...شيئ مش معقول !!
الحقد كان من تحت زمان طالع علي فوق..
دي الوقتي تلقي الكونتينار غار م الصندوق
دي الوقتي تلقي اصحاب المال حسدوا الزبال
علي الشقا وعلي وقف الحال...قلالات الذوق
قالوا الزباله وتدويرها يحتاج ماكينات
وده منظره وسط الشارع عامل ديفوهات
ديفوهات دي خالتك ياروح امك بطل تهجيص
حتيهص علينا ...هوه احنا ناقصين تفاهات
آه يا زمن فيك البطال بقي باشا بضهر
واللي بيمشي علي بطنه حسدوه ع الفقر ¡¡
زمن الجنيه اللي اتمسخر زمن التعويم
والدق علي راس الفقرا ارحم يا رحيم
داخلوا علينا بحنيه وخبوا الخوازيق
عملوا ضريبة الطعميه وجاعوا المخاليق
ضاقت علينا ارزاقنا ويوماتي تضيق
بكره يقولوا اتنفستوا والهوا بفلوس
وكل ما نخاف نتكلم حيزيد الدوس
اياك تجيلك علي قلبك مايبانلك عيد
يامترو يابن الحراميه يابو قلب حديد
...
سمير الامير
