لم تظهر سعاد
مساجلة (من فن الواو- مربعات شعرية)
بين ثلاثة شعراء:
شعيب أحمد
العمدة الشطوري
حمدي كوكب
----------
---------- العمده الشطورى: ----------
شاعر وفى الفن قوال
ولافيش أبدًا مثيلك
أستاذ مربع وموال
ياما نفسى أسافر وأجيلك
---------- الشاعر حمدي كوكب: ----------
أرد عليك وأقول
كل سنة وأنت طيب
كلامك يملى العقول
يا راجل مأصل وطيب
---------- العمده الشطورى: ----------
في القول شاعر ومعروف
والكل عارف كلامك
دايمًا ترد المعروف
ياما نفسي أتعلم علامك
---------- الشاعر حمدي كوكب: ----------
من يومك عمده وشطّوري
في الفن وليك علامه
شطرتك تغلب شِطوري
تحتاج الناس لعلامه
---------- العمده الشطورى: ----------
أستاذ فصحى وعمى ..... (عامي)
وقولك يهز المشاعر
كلامك يسرى في دمى
وخلاني بروحي مشاعر .... (ما شاعر)
---------- الشاعر حمدي كوكب: ----------
في القول أنت فصيح
مربعك عامل عمايل
أسمعه أفرح فصيح ....... (فأصيح)
مليانه بلاغة وجمايل ......(جمال)
---------- شعيب احمد----------
أستاذ عامي وفصيح
والفرح فقولك عادة
دايمًا بكلامك بصيح
ويتملي قلبي سعادة
---------- الشاعر حمدي كوكب ----------
دكتور وأستاذ تحاليل
فـ العلم مفيش زيك ياما
دويت كذا جريح وعليل
وعاش فـ مليون سلامة
---------- شعيب احمد----------
أستاذ فصحي وعمي
خدني طالب ف فصلك
ف الشعر أستاذي وعمي
ومعروف يا حمدي أصلك
----------الشاعر حمدي كوكب ----------
مشهور بالقول والطب
وليك من الأحبة جرايح
وأستاذ في شعر الحب
لمست وجعي جرايح ..... (جه رايح)
----------العمده الشطورى----------
في الأدب باين وظاهر
والكل عارف مقامك
فيه ناس وخداها مظاهر
وللخلق معروف احترامك
----------الشاعر حمدي كوكب ----------
مربعاتك مليانه جمال
قلت اكتب تمام مثلك
كتبت واحد جمال ......(جه مال)
معرفتش طريق مسلك ...... (مسلك: مخرج، طريق)
---------- العمده الشطورى----------
سعاد نشفت بريقنا
ساكنه في أي حاره
دور وتعب فريقنا
اديني لوصفها أماره
---------- الشاعر حمدي كوكب ----------
الوصف باين في الحكايه
وأنت عارف طريقك
باين أصلها فـ الروايه
بلاش تتعب فريقك
---------- شعيب احمد----------
اوعي توصفها يا خالي
لأحسن يعجب بيها
عماد دارة خالي
يسبك ويروح لبيها ..... (لأبيها)
---------- الشاعر حمدي كوكب ----------
ولا عمره يوصل بداريها ..... (بدارها)
حتى لو الوصف عجبه
أبوها مـ العيون بيداريها
ولو صبر ياما على عتبه
---------- العمده الشطورى----------
اوعى توصفها يا خالى
شعيب طبعه العناد
في قلبه مكان خالى
ولا يفرق معاه عماد
---------- الشاعر حمدي كوكب ----------
مين اللي قال أوصفها له
وأكشف سرها وأعيد
حتى لو قلبي صفاله .... (صفى.. له)
دا احنا في أيام عيد
---------- شعيب احمد----------
الضحك مــ يفارق فيك
والأدب عندك والذوق
والكبر حمدي ما فيك
ف القلب حبك ملذوق
---------- الشاعر حمدي كوكب ----------
مرسوم فـ وشك البسمة
والتحليل عندك أنا ساحبه
مش عيب أذكره باسمه
شعيب دا راجل وصاحبه
---------- العمده الشطورى----------
اوعى تغرك سعاد
ولا يضحك عليك شيطانك
اصحى لنفسك عاد
وعول هم غيطانك
---------- الشاعر حمدي كوكب ----------
عمرها ما تغر حد
معروفة بالأدب والرزانه
يقام عليها حد
لو غرت واحد مثلي أنا
---------- شعيب احمد----------
من يوم ما حبيت يا حمدي
عقلك بالفكر سارح
كبرت في يومين كجدي
وحزنك عم المطارح
---------- الشاعر حمدي كوكب ----------
معندكشي تحاليل للحب
دا الحب متشعب تشعيب
فيه قلب وقع وطب
سألت قالوا: دا شعيب
---------- شعيب احمد----------
بتحب سعاد يا حمدي
وقلبك فيها دايب
حاسب يا ولدي وهدي
ولا تكنش ف الحب خايب
---------- الشاعر حمدي كوكب ----------
دا لما (بانت سعاد)
قلت عندنا لم تظهر
فاسكت و هُس عاد
أحسن الكلام دا يكبر
---------- شعيب احمد----------
سعاد اوعي تجاريها
ماشية تتلوي كحيه
ولا تسكن جار ليها
تبن من تحته ميه
---------- الشاعر حمدي كوكب ----------
سعاد مش هي ديه
ولا عمره حد كشف ليها
مربيها أبوها كهديه
لا مريضة ولا كشف ليها
---------- شعيب احمد----------
سعاد ماشية تتني
وشعرها ع الكتف سايح
حاسب حمدي استني
لتخليك شايب وشايخ
---------- الشاعر حمدي كوكب ----------
سعاد دي لو بانت
زي ما بانت زمان
كانت بيوت اتبنت
ولا تتزود الأثمان
---------- شعيب احمد----------
سعاد فارده شعورها
وبتاكل لبانة فــ بوزها
اوعي تجرح شعورها
ولا يوم تكون جوزها
---------- الشاعر حمدي كوكب ----------
سعاد حافظة أشعارها
ولا عمرها مدغت لبانه
في الأدب رافعة شعارها
ولا عمرها كانت جبانة
---------- العمده الشطورى----------
سعاد ساكنه ف سباتات
والجمال فيها مغشوش
خلتك في الهم بتبات
ولا حد عنك هيحوش
---------- الشاعر حمدي كوكب ----------
في عيشة كرامة وساكنة
مفروش الأدب بمن فيها
هادية دايماً وساكتة
الغلطة متطلع من فيها
---------- العمده الشطورى----------
سعاد عايقه بجمالها
وبترسم علينا الكباره
فى الحب فارده حبالها
وعلى المعايش خساره
---------- الشاعر حمدي كوكب ----------
مدارية عن الناس جمالها
والناس تدور عليها
اللي عايزها وجمالها..... (وجه لمالها)
ما قدر يوصل إليها
---------- شعيب احمد ----------
دور ع سعاد زين
وبص وافرز كويس
واوعي تبات حزين
خليك عاقل وكيس
---------- الشاعر حمدي كوكب ----------
ما بتخطف قلب واحد
سعاد دي غداة البين
لو كنت بقلب واحد
سعاد دي كانت بقلبين
---------- شعيب احمد----------
بلدنا ما فيها سعادات
ولا فيها عنتر وقيس
بلدنا مليانه عادات
اوزن كلامك وقيس
---------- الشاعر حمدي كوكب ----------
عايز تشوفها كل دقيقة
وتتمنى تريدها وتريدك
رؤيتها تحوشك من الضيقة
وفـ نار الحب تزيدك
---------- شعيب احمد ----------
لبلدنا عيون بتبص
وتسأل مين سعاد
سعاد لو ساكنة فخص
خدها وبلاش عناد
---------- الشاعر حمدي كوكب ----------
اسأل عليها اللي قبلي
قال دي بانت ووصفها
لا هي من بحري وقبلي
سطّر كلام ونَصَفها
---------- العمده الشطورى----------
بيقولو مين سعاد
والعقل فى الفكر سارح
دا خالي حمدي عاد
وقوله في الفن طارح
---------- الشاعر حمدي كوكب ----------
مش أول من ذكرها
قالوا عنها ياما غيري
محبوبة وحابة ذكرها
يا عاشقة بصي وغِيِري
مساجلة (من فن الواو- مربعات شعرية)
بين ثلاثة شعراء:
شعيب أحمد
العمدة الشطوري
حمدي كوكب
----------
---------- العمده الشطورى: ----------
شاعر وفى الفن قوال
ولافيش أبدًا مثيلك
أستاذ مربع وموال
ياما نفسى أسافر وأجيلك
---------- الشاعر حمدي كوكب: ----------
أرد عليك وأقول
كل سنة وأنت طيب
كلامك يملى العقول
يا راجل مأصل وطيب
---------- العمده الشطورى: ----------
في القول شاعر ومعروف
والكل عارف كلامك
دايمًا ترد المعروف
ياما نفسي أتعلم علامك
---------- الشاعر حمدي كوكب: ----------
من يومك عمده وشطّوري
في الفن وليك علامه
شطرتك تغلب شِطوري
تحتاج الناس لعلامه
---------- العمده الشطورى: ----------
أستاذ فصحى وعمى ..... (عامي)
وقولك يهز المشاعر
كلامك يسرى في دمى
وخلاني بروحي مشاعر .... (ما شاعر)
---------- الشاعر حمدي كوكب: ----------
في القول أنت فصيح
مربعك عامل عمايل
أسمعه أفرح فصيح ....... (فأصيح)
مليانه بلاغة وجمايل ......(جمال)
---------- شعيب احمد----------
أستاذ عامي وفصيح
والفرح فقولك عادة
دايمًا بكلامك بصيح
ويتملي قلبي سعادة
---------- الشاعر حمدي كوكب ----------
دكتور وأستاذ تحاليل
فـ العلم مفيش زيك ياما
دويت كذا جريح وعليل
وعاش فـ مليون سلامة
---------- شعيب احمد----------
أستاذ فصحي وعمي
خدني طالب ف فصلك
ف الشعر أستاذي وعمي
ومعروف يا حمدي أصلك
----------الشاعر حمدي كوكب ----------
مشهور بالقول والطب
وليك من الأحبة جرايح
وأستاذ في شعر الحب
لمست وجعي جرايح ..... (جه رايح)
----------العمده الشطورى----------
في الأدب باين وظاهر
والكل عارف مقامك
فيه ناس وخداها مظاهر
وللخلق معروف احترامك
----------الشاعر حمدي كوكب ----------
مربعاتك مليانه جمال
قلت اكتب تمام مثلك
كتبت واحد جمال ......(جه مال)
معرفتش طريق مسلك ...... (مسلك: مخرج، طريق)
---------- العمده الشطورى----------
سعاد نشفت بريقنا
ساكنه في أي حاره
دور وتعب فريقنا
اديني لوصفها أماره
---------- الشاعر حمدي كوكب ----------
الوصف باين في الحكايه
وأنت عارف طريقك
باين أصلها فـ الروايه
بلاش تتعب فريقك
---------- شعيب احمد----------
اوعي توصفها يا خالي
لأحسن يعجب بيها
عماد دارة خالي
يسبك ويروح لبيها ..... (لأبيها)
---------- الشاعر حمدي كوكب ----------
ولا عمره يوصل بداريها ..... (بدارها)
حتى لو الوصف عجبه
أبوها مـ العيون بيداريها
ولو صبر ياما على عتبه
---------- العمده الشطورى----------
اوعى توصفها يا خالى
شعيب طبعه العناد
في قلبه مكان خالى
ولا يفرق معاه عماد
---------- الشاعر حمدي كوكب ----------
مين اللي قال أوصفها له
وأكشف سرها وأعيد
حتى لو قلبي صفاله .... (صفى.. له)
دا احنا في أيام عيد
---------- شعيب احمد----------
الضحك مــ يفارق فيك
والأدب عندك والذوق
والكبر حمدي ما فيك
ف القلب حبك ملذوق
---------- الشاعر حمدي كوكب ----------
مرسوم فـ وشك البسمة
والتحليل عندك أنا ساحبه
مش عيب أذكره باسمه
شعيب دا راجل وصاحبه
---------- العمده الشطورى----------
اوعى تغرك سعاد
ولا يضحك عليك شيطانك
اصحى لنفسك عاد
وعول هم غيطانك
---------- الشاعر حمدي كوكب ----------
عمرها ما تغر حد
معروفة بالأدب والرزانه
يقام عليها حد
لو غرت واحد مثلي أنا
---------- شعيب احمد----------
من يوم ما حبيت يا حمدي
عقلك بالفكر سارح
كبرت في يومين كجدي
وحزنك عم المطارح
---------- الشاعر حمدي كوكب ----------
معندكشي تحاليل للحب
دا الحب متشعب تشعيب
فيه قلب وقع وطب
سألت قالوا: دا شعيب
---------- شعيب احمد----------
بتحب سعاد يا حمدي
وقلبك فيها دايب
حاسب يا ولدي وهدي
ولا تكنش ف الحب خايب
---------- الشاعر حمدي كوكب ----------
دا لما (بانت سعاد)
قلت عندنا لم تظهر
فاسكت و هُس عاد
أحسن الكلام دا يكبر
---------- شعيب احمد----------
سعاد اوعي تجاريها
ماشية تتلوي كحيه
ولا تسكن جار ليها
تبن من تحته ميه
---------- الشاعر حمدي كوكب ----------
سعاد مش هي ديه
ولا عمره حد كشف ليها
مربيها أبوها كهديه
لا مريضة ولا كشف ليها
---------- شعيب احمد----------
سعاد ماشية تتني
وشعرها ع الكتف سايح
حاسب حمدي استني
لتخليك شايب وشايخ
---------- الشاعر حمدي كوكب ----------
سعاد دي لو بانت
زي ما بانت زمان
كانت بيوت اتبنت
ولا تتزود الأثمان
---------- شعيب احمد----------
سعاد فارده شعورها
وبتاكل لبانة فــ بوزها
اوعي تجرح شعورها
ولا يوم تكون جوزها
---------- الشاعر حمدي كوكب ----------
سعاد حافظة أشعارها
ولا عمرها مدغت لبانه
في الأدب رافعة شعارها
ولا عمرها كانت جبانة
---------- العمده الشطورى----------
سعاد ساكنه ف سباتات
والجمال فيها مغشوش
خلتك في الهم بتبات
ولا حد عنك هيحوش
---------- الشاعر حمدي كوكب ----------
في عيشة كرامة وساكنة
مفروش الأدب بمن فيها
هادية دايماً وساكتة
الغلطة متطلع من فيها
---------- العمده الشطورى----------
سعاد عايقه بجمالها
وبترسم علينا الكباره
فى الحب فارده حبالها
وعلى المعايش خساره
---------- الشاعر حمدي كوكب ----------
مدارية عن الناس جمالها
والناس تدور عليها
اللي عايزها وجمالها..... (وجه لمالها)
ما قدر يوصل إليها
---------- شعيب احمد ----------
دور ع سعاد زين
وبص وافرز كويس
واوعي تبات حزين
خليك عاقل وكيس
---------- الشاعر حمدي كوكب ----------
ما بتخطف قلب واحد
سعاد دي غداة البين
لو كنت بقلب واحد
سعاد دي كانت بقلبين
---------- شعيب احمد----------
بلدنا ما فيها سعادات
ولا فيها عنتر وقيس
بلدنا مليانه عادات
اوزن كلامك وقيس
---------- الشاعر حمدي كوكب ----------
عايز تشوفها كل دقيقة
وتتمنى تريدها وتريدك
رؤيتها تحوشك من الضيقة
وفـ نار الحب تزيدك
---------- شعيب احمد ----------
لبلدنا عيون بتبص
وتسأل مين سعاد
سعاد لو ساكنة فخص
خدها وبلاش عناد
---------- الشاعر حمدي كوكب ----------
اسأل عليها اللي قبلي
قال دي بانت ووصفها
لا هي من بحري وقبلي
سطّر كلام ونَصَفها
---------- العمده الشطورى----------
بيقولو مين سعاد
والعقل فى الفكر سارح
دا خالي حمدي عاد
وقوله في الفن طارح
---------- الشاعر حمدي كوكب ----------
مش أول من ذكرها
قالوا عنها ياما غيري
محبوبة وحابة ذكرها
يا عاشقة بصي وغِيِري