انا متأكد إنّك راجعه لى..
وهنقعد مع بعض الصبح.. ونشرب شاى
مش هاحتاج اسمع مزيكا..
ولا هاحتاج اسمع صوت عصافي ولا هاحتاج لشموع
وهابيع الورد لأول واحد يقابلنى
وهاجرّب امشى معاكى تحت الأمطار
وأحاول اكون متفائل.. زيّك
وافطر فى اماكن شيك
وهاجرّب اخدك قدامى على عجله..
والف شوارع روحى..
مش محتاج لخرايط للطرقات
هالغى المواعيد اللى ورايا
ونقضى ساعات مع بعض فى رحله نيليه
وبلاش تلومينى..
انى بابص لستات تانيه!
انا بس بأكد لعينيّه.. إنك اجمل
وانك هتبطلى تهربى من احساسِك
وهاراجع كل الأشعار..
اللى كتبها نزار قبانى
وهاحاول ادوّر تانى على خاتم الماظ
احِس انه يليق على كفّك
واتعلم انواع الرقص الهادى
واشرب شاى اخضر اكتر..
يمكن ابقى رشيق!
ونعيد تفنيط الكوتشينه..
وندوّر ع الألعاب اللى بتنفع بإتنين
مش عاوز اعيش فى جزيره معاكى..
انا اصلا مش شايف غيرك
وهافاجئك كل شويه..
بخبطه على الهانش
وساعتها نقدر نتحكم فى عقارب الساعه..
بإيدينا
مش محتاج مساحات خضرا..
ممكن نفتح مواضيع.. عن اى كلام
فياريت تقولى لى..
هترجعى امتى؟
......................
شعر: حسام العقدة
وهنقعد مع بعض الصبح.. ونشرب شاى
مش هاحتاج اسمع مزيكا..
ولا هاحتاج اسمع صوت عصافي ولا هاحتاج لشموع
وهابيع الورد لأول واحد يقابلنى
وهاجرّب امشى معاكى تحت الأمطار
وأحاول اكون متفائل.. زيّك
وافطر فى اماكن شيك
وهاجرّب اخدك قدامى على عجله..
والف شوارع روحى..
مش محتاج لخرايط للطرقات
هالغى المواعيد اللى ورايا
ونقضى ساعات مع بعض فى رحله نيليه
وبلاش تلومينى..
انى بابص لستات تانيه!
انا بس بأكد لعينيّه.. إنك اجمل
وانك هتبطلى تهربى من احساسِك
وهاراجع كل الأشعار..
اللى كتبها نزار قبانى
وهاحاول ادوّر تانى على خاتم الماظ
احِس انه يليق على كفّك
واتعلم انواع الرقص الهادى
واشرب شاى اخضر اكتر..
يمكن ابقى رشيق!
ونعيد تفنيط الكوتشينه..
وندوّر ع الألعاب اللى بتنفع بإتنين
مش عاوز اعيش فى جزيره معاكى..
انا اصلا مش شايف غيرك
وهافاجئك كل شويه..
بخبطه على الهانش
وساعتها نقدر نتحكم فى عقارب الساعه..
بإيدينا
مش محتاج مساحات خضرا..
ممكن نفتح مواضيع.. عن اى كلام
فياريت تقولى لى..
هترجعى امتى؟
......................
شعر: حسام العقدة
