الأخبار
التواصل الجماهيري لـ"الجهاد" يزور المتفوقين في الثانوية العامةصندوق النقد العربي ينظم اجتماع استثنائي عن بعد بعنوان سلامة صناعة التقنيات الماليةلبنان: اللجنه الشعبية لمخيم عين الحلوه تلتقي لجنة قاطع البركساتمباحث خان يونس تنجز قضية سطو وسرقة مصاغاً ذهبياًمديرية شمال غزة تكرّم طلبتها المتفوقين في الثانوية العامةالحية عن مقتل (القيق): لا مكان في بلدنا إلا للقانون والمقاومة"الثقافة" تبحث مع "بلدية غزة" تنفيذ أنشطة ثقافية مشتركةأربع مرشحات يتنافسن على لقب "ملكة جمال الدمى 2020"جراء انتشار (كورونا) فيها.. الصحة الإسرائيلية تُطالب بتشديد الإجراءات بالسجونبلدية خانيونس تزور طلبة الثانوية العامة وتكرمهم على تفوقهم"العمل": مركز الامام الشافعي يفتتح دورة بلاط الإنترلوك"بال ثينك" تنظم جلسة مع عريب الرنتاوي حول "الاردن وخطة الضم الإسرائيليةالصحة تتابع سير وتنظيم الامتحانات المحوسبةأسعار اللحوم والدواجن والأسماك في أسواق غزة اليوم الثلاثاء"حماية" يستنكر اقتحام قوات الاحتلال معتقل عوفر
2020/7/14
جميع الأراء المنشورة تعبر عن رأي كتّابها ولا تعبر بالضرورة عن رأي دنيا الوطن

خريويش ( الرقم 350) ! - ميسون كحيل

تاريخ النشر : 2016-11-23
خريويش ( الرقم 350) ! - ميسون كحيل
خريويش ( الرقم 350) !
خريويش صاحب محل بنشر لتصليح إطارات السيارات وعلى غير العادة كان لابس بدلة على سنكة عشرة صحيح ان القميص مش متناسق مع البدلة بس ربطة العنق عاملة عملتها وواصلة تقريبا لــ الركبة . رآه منصور أحد سكان المنطقة.
- شو يا خريويش اليوم عرسك ؟
- فال الله ولا فالك يا منصور لهـ لهـ لهـ انا شو عملتلك عشان تفول عليً أنا من وحدة ومش خالص  أصلا من يوم ما أخذتها وهي عايشة معاي يوم نكد ونق ويوم بتحضر للنكد والنق لليوم التالي!
ـ طيب ليش هادا الجعص بدلة ولا في الاحلام
ـ هاااا يعني انت هادا اللي محيرك .. لا تحتار يا منصور أنا
ـ مسافر لـــ .. رام الله !
ـ إف...مرة وحدة! ليش؟
ـ هاي ليش ما بقدر اقولك الحين لأنه سر
ـ سر ايش يا خريويش؟ هي بلادنا فيها اسرار ! إذا الناس كلها جوة البلد وبرة البلد عرفو كل أسماء اعضاء مؤتمر فتح وبتقول سر ..الوحيدين اللي تاخروا بالمعرفة بس من اعضاء المؤتمر !
ـ لا يا حبيبي كلهم بعرفوا او صاروا يعرفوا والدليل هيني قدامك أنا بعرف!
ـ شو بتعرف الله ياخدك وانت مالك ؟
 ضحك خريويش هههههههههه
 ـ لا يا حبيبي اليوم اتصلوا وبلغوني ولازم اذهب للمشاركة
ـ ولك بدك اتجنني هو انت عضو في المؤتمر ؟
ـ ها كيف عاد بقولك اتصلوا وقالولي رح نيجي ناخدك
ـ شو انت اهبل وكيف بدك تروح عملت تنسيق ؟
ـ مع مين اعمل تنسيق ؟ قالولي جهز حالك وبس
ـ طيب مين اللي اتصل فيك شو اسمه ؟
ـ ما قال اسمه وهو بس قال لي رح نيجيك وناخدك . قولتلو وين قالي على المؤتمر !
ـ إيه والله حيرتني يا خريويش أنا مش عارف منك هو مين اللي حكى معك ؟
ـ ما بعرف قالولي في الأخر كون جاهز رح نيجي ناخدك وهيني قاعد بستنا !
ـ ولك يا خريوش هادا بتمسخر عليك
ـ لا شو بتمسخر مش معقول .
فجأة وصلت السيارة والسائق صرخ وينك يا خريويش ؟
ـ هيني
ـ يخرب بيتك وليش لابس بدلة ؟
ـ ها ولا شو البس ؟
ـ انت حر طيب وين العدة ؟
ـ عدة ايش
ـ شو عدة ايش؟
ـ ولك انا اللي اتصلت فيك علشان عجال سيارة ريس البلدية على الارض وبدك تصلحهم!
ـ يا الله عليكم هادا وقته ؟ هيك رح أتأخر عن المؤتمر !
ـ ولك يا خريويش أي مؤتمر ؟
ـ كيف عاد انتم ما بتعرفوا انو أنا في المؤتمر الكفاءة رقم 350

# إحتجاجا على بند الكفاءات ! ربع المؤتمر !

 
اضف تعليق

التعليق الذي يحتوي على تجريح أو تخوين أو إتهامات لأشخاص أو مؤسسات لا ينشر ونرجو من الأخوة القراء توخي الموضوعية والنقد البناء من أجل حوار هادف