آه يــا ألــــم بقلم:حسن زايد

آه يــا ألــــم
حسن زايد .. يكتب :

آه يا ألم .... آه يا ألم
يمكن بنضحك نبتسم
يمكن بنجري ما نرتطم
يمكن فرحنا بيترسم
يمكن قرارنا ما ينهزم
نجري نهزر نبتسم
امور حياتنا بتتحسم
آه يا ألم .... آه يا ألم
قلوبنا بتعاني الهرم
حياتنا من جوا عدم
من تقل زخات الألم
من كتمها بقت ورم
ضلوعنا منه بتتقسم
ودموعنا منه بتتكتم
آه يا ألم ... آه يا ألم
جرح الفراق ماله ألم
مع إنه جرح ما يتلئم
جرح مزقه بيبتسم
ما قلنا إنه بيتكتم
من جوا قلب بيتهدم
آه يا ألم ... آه يا ألم