الساده يشورون...
القسم الثالث ــ 3 ـــ
يا اولاد الچذب بيكم صدگيمه
وما نشدنه الدرب ويامن مشينه
نلطم على جنازة عمرنه
وفوگ كل الصار بينه
زنجلينه ـــ وطبرينه
وفقر دمنه
نزف من يافوخنه
ليش يا ولد الحرام
تضحكون سكتاوي علينه
... والبارحه
صرح وزير العائله
اللحية من دمع اليتامه مبلله
بسوگ ذاك الصوب
باع الموش اله
وقبض حصة العائله
سافر يمثل الدوله المهزله
ورجع طياره بكبرهه محمله
بيهه مسواگ الحريم
نزعن الّخيمه العليهن
لبسن الضيگ عليهن
بدن العطر العتيگ
وسبحن بعطر الجديد
وگعدن بصف الوزير
والرابعه بحضن الوزير
فرشت الليه ... وغفت
شيصير بالدنيه بعد
من زغر بدرية تتبخر سعد
بدريه ريحتهه بگلبهه
بدريه چرغدهه وشيلتهه عطر
بدريه للديره ذخر
وحنه مثل صبر المگابر
گبر ما يدري بگبر
ــــــــــــ برلين / 10 / 2016
القسم الثالث ــ 3 ـــ
يا اولاد الچذب بيكم صدگيمه
وما نشدنه الدرب ويامن مشينه
نلطم على جنازة عمرنه
وفوگ كل الصار بينه
زنجلينه ـــ وطبرينه
وفقر دمنه
نزف من يافوخنه
ليش يا ولد الحرام
تضحكون سكتاوي علينه
... والبارحه
صرح وزير العائله
اللحية من دمع اليتامه مبلله
بسوگ ذاك الصوب
باع الموش اله
وقبض حصة العائله
سافر يمثل الدوله المهزله
ورجع طياره بكبرهه محمله
بيهه مسواگ الحريم
نزعن الّخيمه العليهن
لبسن الضيگ عليهن
بدن العطر العتيگ
وسبحن بعطر الجديد
وگعدن بصف الوزير
والرابعه بحضن الوزير
فرشت الليه ... وغفت
شيصير بالدنيه بعد
من زغر بدرية تتبخر سعد
بدريه ريحتهه بگلبهه
بدريه چرغدهه وشيلتهه عطر
بدريه للديره ذخر
وحنه مثل صبر المگابر
گبر ما يدري بگبر
ــــــــــــ برلين / 10 / 2016
