ع الكورنيش
من زمان صورة ف خيالي
النهاردة جت في بالي
ماشي ع الكورنيش لوحدي
نط م الأتوبيس وجالي
قال يا ريس عدي بينا
يا مراكبي ف السفينة
كلنا واقفين معاك
ف الفرافرة شفت قمحي
عبى قلبي الشوق هناك
واتملت كل الزكايب
شيل وستف ع الركايب
ع الشِوَن كوِّم يا خايب
والطيور نازلة هلاك
الصوامع قافلة بدري
والديوك ما تصحي غجري
ألف حسرة ع اللي بينا
هو دا أصل الحكاية
كسروا المقاديف ورايا
واحرقوا برضو السفينة
والأعادي منَّا فينا
يا صباح الفل عطَّر
وازرع الكورنيش جنينة
صحوا مارد جوة قلبي
ينسف الضعف اللي فينا
سامح لطف الله
من زمان صورة ف خيالي
النهاردة جت في بالي
ماشي ع الكورنيش لوحدي
نط م الأتوبيس وجالي
قال يا ريس عدي بينا
يا مراكبي ف السفينة
كلنا واقفين معاك
ف الفرافرة شفت قمحي
عبى قلبي الشوق هناك
واتملت كل الزكايب
شيل وستف ع الركايب
ع الشِوَن كوِّم يا خايب
والطيور نازلة هلاك
الصوامع قافلة بدري
والديوك ما تصحي غجري
ألف حسرة ع اللي بينا
هو دا أصل الحكاية
كسروا المقاديف ورايا
واحرقوا برضو السفينة
والأعادي منَّا فينا
يا صباح الفل عطَّر
وازرع الكورنيش جنينة
صحوا مارد جوة قلبي
ينسف الضعف اللي فينا
سامح لطف الله
