سلامه سلام بقلم سوزان وهبي

سلاما سلامه ..
هو فيه ايه بعد الملاما
الدنيا رايحه ومش جايه
والبلد تايها بلا راجعه
اروح لمين واشكي لمين؟
لما بقي الهرم مقلوب
والكل بقي علي أمره مغلوب
ومفيش غير الكلام في الهايفه
ونسينا اصل اصولنا
وتوهنا مع التايهيين
اللي رايحين في سكه ومش راجعين
الكل بقا واقف علي راسه
واتقلب الحال
وأصبح محال
وكل واحد بيدور علي حاله
وياريت لاقيها !!
وتاهت املنا و توهنا معاها
وبقينا زي الغرقانين اللي بيدوروا علي قشه ومش لاقيين
طب هنتعلق في مين ؟!
واحنا غرقانين حتي القشه مش لاقيين !!
تايهيين في صحرا وعطشانين
حتي الميه مش لاقيين !!
ما خلاص !! الدنيا بقت مش دنيا !!
وانتهي عيشنا في بلد بقي عليها غراب
طول ما فيها عِش الغراب
اللي واقف جنب ألبومه
هيفضل الخراب معشش في المقابر
وتسأل كل واحد اتصرف .. يقولك مش قادر
لا نافع فيها شهادات ..
ولا نافع فيها خبرات
.. ولا صنيعي ولا شفعات !!
هي ليه بقت دالمه ؟!
ومين طفي نورها ؟!
ومين نشف في ميتها ؟!
هتقولوا ده واحد وبيخرف !!
مهي الدنيا كده ؟!
مايحسش ب النار الا اللي كابشها !!
واللي قبلنا قالوا :
يسيبوا الحمار ويمسكوا في البردعة !!
وايش ياخد الريح من البلاط !!
وتجري يابن آدم جري الوحوش
ومش هتاخد غير رزقك ..
والسرقة بقت علي ودنه. !!
واللي بيسرق مهوش شبعاااااان !!
وقالوا زمااااان : ما يملي عينك يابن آدم غير التراب !!
وأخرتك في الاخر هيردموا عليك شوية تراب !!بقلم سوزان وهبي