حرمان بقلم مجدي شلبي

حرمان: بقلم/ مجدي شلبي
ـــــــــــــــــــــــــــــــــــــــــــــــــــ
الأمل الجاي بيعيش حواديت
عاوزينه ينام
على صدر الخوف بأمان!
الطفل جبان
اتربه زمان على ليل مليان عفاريت و غيلان
غمضتوا عنيه
الرعب يسرسب بين رجليه
و إيديه بتكلبش في الغطيان
خايف ليبان
****
ننوس عين أمه
اتشغلت عنه
عيط بدموع
يمسحها بكمه
تقرصه براغيت لدغة تعبان
كتفتوا إيديه؛ الحيلة ما فيش
يصرخ مفزوح
يا بتوع ممنوع
الجوع
مش بس للقمة عيش
الجوع مش بس للقمة عيش.