قصيدة/عاميه
واقفين ف ضد ؟من إمتى ماشيين الطريق
وف عكس بعض ؟من إمتى يبني فيك بطل
وأخوه يهد؟من إمتى كان بِنّا الشيطان
فارد قلوع ؟من إمتى فيك واحد شبع
وأخوه يجوع ؟داحنا اللي فينا المصطفى
حاضن يسوع من إمتى كُنّا مقسومين
وما بنّا سد؟دول كام سؤال جوايا
نايمين من زمان آن الأوان أسمع بقى
لسؤالي ردمن إمتى كُنّا يا وطن
واقفين ف ضد؟دانت اللي كُنت تدوس
ولا يهمك وحوش وجنود ولادك داسوا فوق
كل العروش وكتير قُصادك إنهزم
أقوى الجيوش إياك تقول ان اللي فات
ماضي وكان إرجع وإقرا كتاب تاريخك
من زمان من كسرى فُرس
والا من قيصر رومان إزاي بقى دلوقت
سيبت الأمريكان ويّا الصهاينه ف أرضنا
ممدوده مد ؟من إمتى كُنّا يا وطن
واقفين ف ضد ؟القدس فين راحت وفين
مهد المسيح؟وف أرض هارون الرشيد
مليون دبيح إزاي قدرت تنام وفيك
الشام جريح ؟إزاي بقينا ألف ملّة
وألف دين شيعي وسُنّي أو مسيحي
مقسومين داحنا اللي عيشنا فيك
حياتنا موحدين صوت الأدان ينده قوام
جرس الكنيسه يردمن إمتى كُنّا يا وطن
واقفين ف ضد؟بقلم / سيد منيرعطيه
