مدد ياسيدي البعيد... شعر شحاتة فكري
كل المواقف اللي مرت بيه زمان
استحضرت دمعتها فيه
والكون في عز الحزن دا كان وقتها أعمى البصر
عيل صغير كان صحيح بس كان عشقه الخطر
عشش في عينه أحلام كتير ملهاش عدد
سمع في روحه المجذوبين قالوا المدد قال المدد
غمض عيونه وساب طفولته الطيبة تطير في البراح
مداح
في نور سيدنا النبي
عاشق لكل اللي بيمسك إيد عجوزه يعدي بيها السكه ويسب الزحام
ويتف ع الفعل الغبي
ويبل ريقه بضحكة حلوه بتجري على شفة يتيم
ويقول لأوجاعه اشربي
كل المشاهد فجأه تبهت جوا منه
تتبدل الدنيا فعنيه
الكون يغير جلده فجأه بجلد مش هادي وبديع
ويحس إنه حد كان ماسك إيديه
وفـ الزحمه سابوا عشان يضيع
كل المواقف اللي مرت بيه زمان
استحضرت دمعتها فيه
والكون في عز الحزن دا كان وقتها أعمى البصر
عيل صغير كان صحيح بس كان عشقه الخطر
عشش في عينه أحلام كتير ملهاش عدد
سمع في روحه المجذوبين قالوا المدد قال المدد
غمض عيونه وساب طفولته الطيبة تطير في البراح
مداح
في نور سيدنا النبي
عاشق لكل اللي بيمسك إيد عجوزه يعدي بيها السكه ويسب الزحام
ويتف ع الفعل الغبي
ويبل ريقه بضحكة حلوه بتجري على شفة يتيم
ويقول لأوجاعه اشربي
كل المشاهد فجأه تبهت جوا منه
تتبدل الدنيا فعنيه
الكون يغير جلده فجأه بجلد مش هادي وبديع
ويحس إنه حد كان ماسك إيديه
وفـ الزحمه سابوا عشان يضيع
