شوق وغربة بقلم:د. ميرفت سعد

( شوق وغربة )
لمّا كان الثلج .. فوق جليد القلب
كنت دايماً تندهيلي ...
كنت ساكنة ف الرموش
في الضلوع ..
في المشاعر ..
بس دلوقتي أقولّك
إنتي ساكنة جوّه روحي
لأ .. لأ... دا إنتي ..
إنتي روحي
وأمّا أيّامي سبتني
وأمّا أحلامي فاتتني
وأمّا أنده ألقى صوتك
جوّه صوتي ....
وألقى نفس الندهة منك
مهما تبعدني البلاد ...
مهما تبعد المسافة ...
نفس حضنك !!
مشتقالك ... والشوق غالبني
محتاجالك ... تملى حضني
حضّري لي ألف صنف وصنف
م القُبل ....
عايزة أضمّك ...
عايزة أقولك شيء يهمك
وإنتى جنبي ....
حاسة إن الدم ف عروقي بيجري
حاسة إن الروح بتنبض
جوّه سدري ...
حاسة إني ملاك صُغيّر
لســـــــّه نونو
لسّاه بيحلم إنه ينطق كلمة واحده
آه ... يا أمـة
آه ....يا كل دموع عيوني
آه .... يا نبضي
آه .....يا غربة كل أيامي
لو بإيدي ...
كنت أقعد تحت رجلك
وأحتمي م الغربة عندك
كنت أضمّك !!!!!
بس وحشاني عينيك
وأرجع أكتب من جديد
مشتقالك .... محتاجالك
لأ .....
بحبّك

( تمت )
د. ميرفت سعد