شخصيات خالدة من زمان الطيبين
1- خالى يوسف - صور شعرية لـ رفعت المرصفى
------------------
خالى يوسف ... أو نقول عمى يوسف
القَرابة بينا كانت تتّسع للكلمتين
خالى يوسف اضر كل يوم
الدنيا ضلمة الدنيا عوصة .. الدنيا برد
لو بتُنطر حتى تلج
خالى يوسف
كان يصلى الفجر حاضر كل يوم
كنت ديما با بئى نايم
بس ودنى اتعودت
تسمع أدان الفجر
من صوت خطوته فوق السلالم
كنت ديما بابئى نايم
بس ودنى اتعودت
تسمع أدان الفجر
من سُقّاطة الباب الكبير
لمّا تنعس من جديد
واللى كانت من حديد
كنت ديما بابئى نايم
بس سامع كُحته اللى بتهز السُّباط
هوّ ا مـات !!
ما اعتقدشى لحظة والله العظيم إنّه مات
لسه سامع خطوته بين السُّكاتْ
لسه سامع كُحته اللى بترُج السُباط
لسه شايفه فـ قعدته بعد الصلاة
منقدُه لسّـاه مولّع والشاى عليه
والمشنة جنبهُ كانت فيها إيه ؟
عيش مقمّر ..
عيش محمص
والغموس ... جبنة بيضا
وفول مدمس
والختام الحلو
كان حبة لبن
ملْو العيار
هو دا كان الفطار
كانت قلوب الناس عمـار
والله عليك يا زمان الطيّبين
يا للّى انتهيت
وما عادشى منك
إلا كنز الذكريات
وما عادشى منك إلا حرف بنرسمه
زى السُّكاتْ
يمكن يعيش يمكن يموت
يمكن فـ يوم ينطلق
بره التابوت ويقول ... حاجات
1- خالى يوسف - صور شعرية لـ رفعت المرصفى
------------------
خالى يوسف ... أو نقول عمى يوسف
القَرابة بينا كانت تتّسع للكلمتين
خالى يوسف اضر كل يوم
الدنيا ضلمة الدنيا عوصة .. الدنيا برد
لو بتُنطر حتى تلج
خالى يوسف
كان يصلى الفجر حاضر كل يوم
كنت ديما با بئى نايم
بس ودنى اتعودت
تسمع أدان الفجر
من صوت خطوته فوق السلالم
كنت ديما بابئى نايم
بس ودنى اتعودت
تسمع أدان الفجر
من سُقّاطة الباب الكبير
لمّا تنعس من جديد
واللى كانت من حديد
كنت ديما بابئى نايم
بس سامع كُحته اللى بتهز السُّباط
هوّ ا مـات !!
ما اعتقدشى لحظة والله العظيم إنّه مات
لسه سامع خطوته بين السُّكاتْ
لسه سامع كُحته اللى بترُج السُباط
لسه شايفه فـ قعدته بعد الصلاة
منقدُه لسّـاه مولّع والشاى عليه
والمشنة جنبهُ كانت فيها إيه ؟
عيش مقمّر ..
عيش محمص
والغموس ... جبنة بيضا
وفول مدمس
والختام الحلو
كان حبة لبن
ملْو العيار
هو دا كان الفطار
كانت قلوب الناس عمـار
والله عليك يا زمان الطيّبين
يا للّى انتهيت
وما عادشى منك
إلا كنز الذكريات
وما عادشى منك إلا حرف بنرسمه
زى السُّكاتْ
يمكن يعيش يمكن يموت
يمكن فـ يوم ينطلق
بره التابوت ويقول ... حاجات
