حلم الغريب .... شعر شحات فكري
يا موجه المركبة عكس المراد خالص
أنا قلبي ليه حاسس
إن أنت متقصد
تاخد مصيرنا معاك
لإيدين مكان أبعد
حلو الخلاص فعلاً م العادي والسايد
والغوص فـ شيء مجهول نجهل مصير آخره
المحبطين بينا حبيبنا يتاخروا
السكة للزاهدين منا في طعم الخوف
بيشوف بنور قلبه مش بالبصر بيشوف
ويا ريت مافيش بائس على حلمنا يزايد
ويقول دي ناس مجاذيب بتشوف بنور فكره
يا عمنا الملهوف يعرف فيه إيه بكره
ما تبص م الأوكره يمكن تشوف حاجه
العبرة بصراحة/ مش مين هيكسب مين
الرك ع السامحين
يتفرجوا وخلاص
يا محلي جهل الناس
بمصيرها في الواقع
الوقت ليه ساقع
فاقع بلون الحزن
يخرب نكد بوزه
ياخي نفسنا نعوزه
يقولولنا ده سافر
الجوع صحيح كافر
واللي حاباه أكفر
لون الضمير أصفر
دا باينله لعب عيال والصورة دي تخاريف
وعشان تكون حريف
العب على الثابتة
التالتة تابته أكيد ما تخافش واتوكَّل
شَكْل صباح يشبهك ...
من غير ما تتغير ... من غير ما تتشكّل
يا موجه المركبة عكس المراد خالص
أنا قلبي ليه حاسس
إن أنت متقصد
تاخد مصيرنا معاك
لإيدين مكان أبعد
حلو الخلاص فعلاً م العادي والسايد
والغوص فـ شيء مجهول نجهل مصير آخره
المحبطين بينا حبيبنا يتاخروا
السكة للزاهدين منا في طعم الخوف
بيشوف بنور قلبه مش بالبصر بيشوف
ويا ريت مافيش بائس على حلمنا يزايد
ويقول دي ناس مجاذيب بتشوف بنور فكره
يا عمنا الملهوف يعرف فيه إيه بكره
ما تبص م الأوكره يمكن تشوف حاجه
العبرة بصراحة/ مش مين هيكسب مين
الرك ع السامحين
يتفرجوا وخلاص
يا محلي جهل الناس
بمصيرها في الواقع
الوقت ليه ساقع
فاقع بلون الحزن
يخرب نكد بوزه
ياخي نفسنا نعوزه
يقولولنا ده سافر
الجوع صحيح كافر
واللي حاباه أكفر
لون الضمير أصفر
دا باينله لعب عيال والصورة دي تخاريف
وعشان تكون حريف
العب على الثابتة
التالتة تابته أكيد ما تخافش واتوكَّل
شَكْل صباح يشبهك ...
من غير ما تتغير ... من غير ما تتشكّل
