أنا بأعشقك
نص عامية – د / اميمة منير جادو
همس لي :
ياوردة طارحة فل وياسمين
ما تقوليش أنتي .. أنا اللي بقول
بأعشقك أنا وعشقي كريم
أنا راجل ..أنا فارس ... أنا فيك باهيم
أنا مجنون ولساني عاقل وحكيم
وبأعشقك بجنون
وباعترف لك يا ما حلمت بيكي كثير
إياك تاني تهربي
وتقرري تبعدي
أنا بجيبك في احلامي
أنا ساكنك وانت ساكناني
ياشجرة ريحان
يا عنبر يا مسك يا زعفران
أنا مجنون
وبأعشقك بجنون
وعشقي يهد الكون
ويبنيه من تاني
وأنتي اللي وحدك عاجباني وشاغلاني
وخيالي يا ما سافر معاكي لجزيرتك
وركب مراكب الشوق في نهرك
أنا اللي باهواك
وباعترف لك
زرت بساتينك وشجرك
وركبت في غفلة منك
موجك المرمر
وحبيتك يا سوسن ..وشميتك يا عنبر
لما عصيتيني
جبتك أنا عندي بالراحة من شعرك
ووقعتك .. قريتي لي شِعرك
وصرت غير ما كنتِ
كنت فظيعة ..كنت منيعة ..
صرت مطيعة ..
صرت بديعة
بقيت حاسك ..بقيت لامسك ..بقيت سامعك
لمستك أنا من جواكي
أنا فسرتك
من صمتك أنا خطفتك وسلبتك من نفسك
وباعترف لك ..أنا بأهواكي
اتعلقت أنا على صدقك
واتشعبطت في ذيل حرفك
وبأجري وراكي
أنت اللي فاتناني وباهراني
بأحبك ..أيوه باحبك
أنا لفيت في بستانك
وبهرني فوشيا فستانك
رميت جرحي بأحضانك
وأعلنتها بصراحة
مسئول أنا عن فرحك
سيبي لي نفسك
واتكلمي وادلعي واتمختري
وأنا أعلمك
كيف تعومي وتنزلي بحري
يابنت بلدي يا بنت عمي يابنت بحري
ارمي نفسك على شطي
ياللا معايه هاتي ايدك ياللا خطي
وخُطي دواوين حبنا المكتوب
بوحي ولا تخافي ولا تغطي
سيبي لي نفسك
عيشي معايه نبضك
أنسي أوجاعك
وامسحى في صدري دمعك
قيدي معايه شمعك
خلاص أنا من نفسك خطفتك
غمضي عينك وتعالي ابوسك وأضمك
غرقيني في بحرك
يا كوكتيل أحاسيس ومشاعر
أنا بيكي شاعر
وبيكي باتباهى وبافاخر
مني حبيبتي لا تقلقي
غردي ف عمري وشقشقي
وبوحي لي بأسرارك
مش هاسألك
ع اللي عذبك
وع اللي قبلي اوجعك
بوحي باختيارك
أنا مسئول عن نفسي
أنا مسئول عنك وعن حسي
وحاسبيني على تقصيري
وأبدا مني لا تزعلي
وباعتذر لك
لو قلت كلمة تزعلك
عمري ما هاقدر ابعدك
عمري ما هاقدر اجرحك
عمري م هاقدر اخسرك
الف مرة باعتذرلك
ومالو لما اعتذر
ان قلت كلمة تزعلك
مش هاخسرك
الف مرة باعتذر لك
والف مرة باعشقك
انا الف مرة باعشقك
فجر 5/2/2016
نص عامية – د / اميمة منير جادو
همس لي :
ياوردة طارحة فل وياسمين
ما تقوليش أنتي .. أنا اللي بقول
بأعشقك أنا وعشقي كريم
أنا راجل ..أنا فارس ... أنا فيك باهيم
أنا مجنون ولساني عاقل وحكيم
وبأعشقك بجنون
وباعترف لك يا ما حلمت بيكي كثير
إياك تاني تهربي
وتقرري تبعدي
أنا بجيبك في احلامي
أنا ساكنك وانت ساكناني
ياشجرة ريحان
يا عنبر يا مسك يا زعفران
أنا مجنون
وبأعشقك بجنون
وعشقي يهد الكون
ويبنيه من تاني
وأنتي اللي وحدك عاجباني وشاغلاني
وخيالي يا ما سافر معاكي لجزيرتك
وركب مراكب الشوق في نهرك
أنا اللي باهواك
وباعترف لك
زرت بساتينك وشجرك
وركبت في غفلة منك
موجك المرمر
وحبيتك يا سوسن ..وشميتك يا عنبر
لما عصيتيني
جبتك أنا عندي بالراحة من شعرك
ووقعتك .. قريتي لي شِعرك
وصرت غير ما كنتِ
كنت فظيعة ..كنت منيعة ..
صرت مطيعة ..
صرت بديعة
بقيت حاسك ..بقيت لامسك ..بقيت سامعك
لمستك أنا من جواكي
أنا فسرتك
من صمتك أنا خطفتك وسلبتك من نفسك
وباعترف لك ..أنا بأهواكي
اتعلقت أنا على صدقك
واتشعبطت في ذيل حرفك
وبأجري وراكي
أنت اللي فاتناني وباهراني
بأحبك ..أيوه باحبك
أنا لفيت في بستانك
وبهرني فوشيا فستانك
رميت جرحي بأحضانك
وأعلنتها بصراحة
مسئول أنا عن فرحك
سيبي لي نفسك
واتكلمي وادلعي واتمختري
وأنا أعلمك
كيف تعومي وتنزلي بحري
يابنت بلدي يا بنت عمي يابنت بحري
ارمي نفسك على شطي
ياللا معايه هاتي ايدك ياللا خطي
وخُطي دواوين حبنا المكتوب
بوحي ولا تخافي ولا تغطي
سيبي لي نفسك
عيشي معايه نبضك
أنسي أوجاعك
وامسحى في صدري دمعك
قيدي معايه شمعك
خلاص أنا من نفسك خطفتك
غمضي عينك وتعالي ابوسك وأضمك
غرقيني في بحرك
يا كوكتيل أحاسيس ومشاعر
أنا بيكي شاعر
وبيكي باتباهى وبافاخر
مني حبيبتي لا تقلقي
غردي ف عمري وشقشقي
وبوحي لي بأسرارك
مش هاسألك
ع اللي عذبك
وع اللي قبلي اوجعك
بوحي باختيارك
أنا مسئول عن نفسي
أنا مسئول عنك وعن حسي
وحاسبيني على تقصيري
وأبدا مني لا تزعلي
وباعتذر لك
لو قلت كلمة تزعلك
عمري ما هاقدر ابعدك
عمري ما هاقدر اجرحك
عمري م هاقدر اخسرك
الف مرة باعتذرلك
ومالو لما اعتذر
ان قلت كلمة تزعلك
مش هاخسرك
الف مرة باعتذر لك
والف مرة باعشقك
انا الف مرة باعشقك
فجر 5/2/2016
