فضفضة .... قصيدة لـ رفعت المرصفى
-------------------------------------
مدخل :
إوعى تصدّقْ إن الحلم جنان فــ جنانْ
واللا تصدقْ إنه هروب أو حدّوته فــ التوَهانْ
واللاّ تصدّق بعض الناس لمّا تقول ....
إن الحلِّيم واد متخصّصْ فى الهَذيانْ
إوعى تصدّقْ ...
لكن صدّق إن الحلم هوّ الشاحنْ
هوّ الدافعْ للأنسانْ
لكن صدّق إن الحلم ...
هوّ السر اللىّ مخليك ديما فرحان
لكن صدّق طول مــ بتحلمْ...
إنكْ معزوفةْ فنانْ
واحمدْ ربّكْ ...
إن مفيش عــ الحلم ضرايبْ واللاّ جماركْ ...
كنّا ساعتها نُمنعْ قطعا مــ الأحلامْ
القصيدة:
إحلمْ ياطيرى
------------
" ِقف ... على ناصيةِ الحلم ... وقاتل" محمود درويش
---------------------------------------------------
إحلمْ ياطيرى
إحلم بكل اللى انت مش قادر... تقولهْ
إحلمْ بكل اللى انت مش طايلْ ... تطولهْ
دا الحلم فيه مليون ملاذْ
والحلم فيه مليون خلاصْ
لكل من تِقلتْ حمولهْ
إحلم ياطيرى ....
إحلم فى نومكْ أو فى قومكْ
إحلمْ فى موتكْ أو سكوتكْ
غمّضْ عينيك... واحلمْ
فتّحْ عينيكْ ... واحلمْ
مين اللى قال ...
إن اللى بيغمّضْ مبيشوفشى ؟
إحلم ومتخافشى
إوعاك يضيع الحلم دا
دا الحلم طوبه فى جدار المُبتدا
والحلم أول رحلة المليون فضا
والحلم هوّ الفضفضةْ
فضفضْ ياطيرى
من حظّكْ ان الحلم من حقكْ لدلوقتى
من غير طابورْ ...
أو حتى تأشيرة مرورْ
من غير لوايحْ أو طوارئ أو قانونْ
فضفضْ ياطيرى
طيّرْ همومكْ للبراحْ
إحلمْ ... ولملِمْ من روابى الحلم
مليون مُستباحْ
مين اللى من حقّهْ...
يصد الحلم فى لحظة بواحْ ؟
مين اللى من حقّهْ...
يحوشْ الشمس عن حُضن الصباح ؟
إوعاك يضيع الحلم دا
دا الحلم طوبه فى جدار المُبتدا
والحلم أول رحلة المليون فضا
والحلم هوّ الفضفضهْ....
فضفضْ ياطيرى
-------------------------------------
مدخل :
إوعى تصدّقْ إن الحلم جنان فــ جنانْ
واللا تصدقْ إنه هروب أو حدّوته فــ التوَهانْ
واللاّ تصدّق بعض الناس لمّا تقول ....
إن الحلِّيم واد متخصّصْ فى الهَذيانْ
إوعى تصدّقْ ...
لكن صدّق إن الحلم هوّ الشاحنْ
هوّ الدافعْ للأنسانْ
لكن صدّق إن الحلم ...
هوّ السر اللىّ مخليك ديما فرحان
لكن صدّق طول مــ بتحلمْ...
إنكْ معزوفةْ فنانْ
واحمدْ ربّكْ ...
إن مفيش عــ الحلم ضرايبْ واللاّ جماركْ ...
كنّا ساعتها نُمنعْ قطعا مــ الأحلامْ
القصيدة:
إحلمْ ياطيرى
------------
" ِقف ... على ناصيةِ الحلم ... وقاتل" محمود درويش
---------------------------------------------------
إحلمْ ياطيرى
إحلم بكل اللى انت مش قادر... تقولهْ
إحلمْ بكل اللى انت مش طايلْ ... تطولهْ
دا الحلم فيه مليون ملاذْ
والحلم فيه مليون خلاصْ
لكل من تِقلتْ حمولهْ
إحلم ياطيرى ....
إحلم فى نومكْ أو فى قومكْ
إحلمْ فى موتكْ أو سكوتكْ
غمّضْ عينيك... واحلمْ
فتّحْ عينيكْ ... واحلمْ
مين اللى قال ...
إن اللى بيغمّضْ مبيشوفشى ؟
إحلم ومتخافشى
إوعاك يضيع الحلم دا
دا الحلم طوبه فى جدار المُبتدا
والحلم أول رحلة المليون فضا
والحلم هوّ الفضفضةْ
فضفضْ ياطيرى
من حظّكْ ان الحلم من حقكْ لدلوقتى
من غير طابورْ ...
أو حتى تأشيرة مرورْ
من غير لوايحْ أو طوارئ أو قانونْ
فضفضْ ياطيرى
طيّرْ همومكْ للبراحْ
إحلمْ ... ولملِمْ من روابى الحلم
مليون مُستباحْ
مين اللى من حقّهْ...
يصد الحلم فى لحظة بواحْ ؟
مين اللى من حقّهْ...
يحوشْ الشمس عن حُضن الصباح ؟
إوعاك يضيع الحلم دا
دا الحلم طوبه فى جدار المُبتدا
والحلم أول رحلة المليون فضا
والحلم هوّ الفضفضهْ....
فضفضْ ياطيرى
