الطُّوشِة!٠٠
***********************
{أهدي هذا العمل المتواضع لـِ (يوم الثقافة الفلسطينية) الموافق للثالث عشر من شهر مارس/ آذار من كلِّ عامْ}٠
ورَدَ في أنباء البارحة أنَّ حواراً حادَّاً ، بلْ قل صراعَاً حامِيَ الوطيسْ قد إحتدَمَ وكادَ أنْ يَنقلبَ إلى ''طُوشِةٍ'' كبيرة !، ولكنَّ الله سَلَّمْ وبقيَ الحوارُ على مستوى التَّراشُقِ بالكَلامِ فقطْ!٠٠
والمناسبةُ هي ظهورُ صورة للمرحوم العالمِ العَلامةْ محمد توفيق البجيرمي على صفحات الفيس بوك فإختلف الفُرَقاءُ إلى أيِّ النُّجوعِ منْ فلسطينَ ينّتمي!٠٠٠
يعني والحمدُ لله ، قد إنتهت المعركةُ حولَ أصول هذا الأستاذ الكريم على خير، وبدونِ ضَحايا، بين كلٍّ منَ الطناطرة [ أهالي قرية الطنطورة ] والجزامْنِة [ أهالي قرية إجزم-''بالجيم المصرية'' ] ٠
وأهل إجزم كانْ الله مِنعِمْ عليهم ومْفَضِّلْ -واللهمَّ لا حسد- بينابيعْ مَيِّة وآبار كتير٠٠٠/هسَّا ، يا حسرتي علينَا ، لا ضلْ فِي ميِّة ولا فِي شْحَارْ/ ، بسْ كان أشهرْ هالأبيار بير كانوا يسمُّوه ''البير الغربي'' ، وكانوا الجزامنة بيقولوا إنُّو إللي بيشرب مِنُّو بيكبَرْ راسُو فِهْماً وصَلابَةً ، يعني أجلَّكم الله ، راسو بيصير يابسْ٠٠٠وبشَكِلْ عام فمعظم أهالي إجزم شَرْبَانين مِنْ هاظا البِير !٠٠٠ فيقال أنَّ فُلاناً شربان من ''البير الغربي'' يعني, فهمان و عنيد كمان!٠٠وهناك مَثل جزماوي يصِفْهم (وإنشالله ما يزعلوا منِّي) بإنُّو; { لَبيبْهُمْ لَبِيبْ وتيسْهُمْ عَجِيبْ}،
يعني متِلْ ما إنتُو وأنَا شايفين ; ما فِي عنْدهُم حَلْ وسَطْ ٠٠٠٠وكَمِثال على ثَباتْ الرأي عندَهُم فأغلب الجَزَامنة يقولونَ ويؤمنونَ ويعملونَ بمبدأ; {عنزة ولو طارت} ٠٠٠
بسْ و للأمانة إحْنا [الطناطرة] وإيَّاهُمْ نَسايِب، ونِعْمَ النسَب واللهْ ( أقول هاي المَعلومة من شان هاظول اللي بِدْهُم يحُرُّوا بينَاتْنا ، يعني يتْصَيَّدوا بالمَيِّة العِكْرة ، أقولْ ; فَشَروا٠٠٠أهل إجزِم عَ راسْنا مِنْ فُوكْ) ٠٠
عَ كل حال يا إخوَانَّا وبدِّيش أطوِّل عليكو السِّيرِة ;
اللهُ العليمْ٠٠٠٠٠٠ الله العليم ،إنُّو أستاذنا الكريم - الدَّكتورمحِمَّدْ وَلْدانْ يعني ''خَلْكَانْ'' بإجزِمْ ، بس يمكنْ رَبْيانْ'' يعني بالفصحى ''ترَعرعَ أي أَكَلَ وشَرِبَ وعَاشَ'' في الطنطورة٠٠ وهاظولا الطناطرة بوزْعُوا فِهِمْ عَ البلاد كلَّيَاتها٠٠٠يا مُحَمَّدْ شُو فَهْمانِينْ!٠٠٠أمَّا فَهْمانِينْ كتِيرْ كتيرْ!٠٠٠ يعنِي مِنْ مُنجَزاتهم مثلاً ، وليسَ عَ سَبيلْ الحَصِرْ ، إنهُمْ زَرَعوا الفُستُكْ ''الفستُقْ'' !٠٠٠كَالْ مْشَان يربُّوا عندهم عبيد !٠٠٠مش إسمو ''فُسْتُكْ عَبيد''؟!٠٠٠ ويلَّلا لَعَادْ ياعينِي٠٠٠
وحتَّى مرَّة من المرَّاتْ ومِنْ كُتُرْ و زُودْ الفهِمْ عِندهُم تفاجئوا بإنٍّو الباشا ، اللِّي راحوا يتفَرَّجوا عليه لمَّا إجَا يزورْ ''الطنطورة'' بطريقو إلى ''إم خالد'' إنُّو طِلِعْ زَلَمة! ، وقامْ الطناطرَة ساعِتُها وقَلَبوا هَايْ المفَاجَئة إلى إكتشاف طنطوري بَحْتْ٠٠٠ وبالمناسبة فَــ كتيرْ من القُرى ، حَوالينْ ''الطنطورة'' مَا كَانُوشْ ،كَمانْ، يعرفوا هاي الحَكِيكَة مثلْ ''جبع'' و''عين غزال'' و''كفر لام'' و''الطيرة'' وغيرْهِن كتِيرْ ،كتِيرْ، شو بدِّو يعِدْ الوَاحَدْ لَيْعِدْ! ٠٠٠
وعلى سِيرة ''الطِّيرة'' -ولو إنِّي بَحِبِّش النَّمِنيمة أبَداً،أبدَاً- في عَليهُمْ سِمْعَة مِشْ مْلِيحَة ; كَالْ شُو إنهُمْ والله كَايْنِين حَراميّة ٠٠٠تصوَّروا إنُّو لَمَّنْ كان بوليس الإنجليز، ييجِي عَ ''الطِّيرة'' بسيَّارات الجِيبْ ''الويِللِّيزْ'' تبعَاتْهُم ،اللهْ وَكِيلْكو، كانوا دايماً يرَوْحُوا بِسيَّاراتْهمْ بدونْ دَواليب! ، بعْرِفِشْ كِيفْ ، ولا حتَّى بَعرِف شُو كَانوا هالطيارْنِة يعملوا بِـ عْجَالْ السيَّارات؟!٠٠ بسْ بالفعلْ كانْ مشهورْ عنْهُمْ إنْهُمْ معَلْمِين بِفَكْ عْجَالْ السيَّارات !!٠٠٠خَفَى الله إنْهُمْ -يمكِنْ- كانوا يستعمْلوا الجِوَّانِي تبع العْجَالْ مشَانْ يطِيشُوا في البحر ،لأنهم كانوا يحبُّوا البَلْعَطَة في المَيِّة وكَمانْ كانُوا شاطْرين بِصيدْ السمَكْ وكانوا يتْانفسُوا هُمِّي والطناطرة عَ الصِّيدْ !٠
وفي كَمانْ سِمْعَة تَانية لابِسْتْهمْ - ياحَرامْ - وبعِيدْ عنْ السَّامْعينْ، كانُوا أَصْحَابْ دَمْعة ، يَعني والعياذُ بالله كانوا يشرَبوا المُنْكَرْ!٠٠
أنا سمِعِتْ إنُّو فِي واحَدْ طِيراوي راحْ عَ الحَجْ [الله يطعمُو ، بِجَاهْ ربِّ العالمينْ ، لكُلْ مِشتْهِي] فلَمَّا رجِع إِجَتْ النَّاس تْهَنِّيهْ بالحَجْ وكانْ يظيِّفْهُم من ميِّة ''زَمْزَمْ'' بكاسَاتْ زْغِيرة كتيرْ!٠٠ إجَا واحِدْ من الحاضرين[ مِنْ كتِيرينْ الغَلَبِةْ] إنتقَدُه للحَاجْ وقالُّلو ; أَيْ كبِّر الكاسِة شوَيِّة يازلمة٠٠٠ قَامْ رَدْ عليه ضيفُ الرحمنْ وقال; طيِّبْ , ما تواخذْنِيشْ يا فْلانْ , والعَرَقاتْ تبَعوني بإيشْ بِدِّي أَكْسِرهِن!!!؟٠٠طبعاً هاي الحكايِة عَ ذمِّة الراوي و أنَا ما بَحُطِّشْ بذمتي لأنِّي ما شُفتِشْ هالشِّي بِعيوني هاذول ،اللي راح يوكِلْهِنْ الدُّودْ!٠٠
وبالنسبة للتَّنافس عَ صيدْ السَّمكْ بين أهل الطنطورة وأهل الطيرة فالواحد لازمْ يحكِّم ضَميرو : ''الطيارنة'' كانوا -والحقُّ يُقال- أولْ من إستعمَل الديناميت لَصيدْ السَّمكْ وخاصَّة بالليل فكانوا يصيدوا سمك أكْوامْ أكوام , ويروْحُوا والشَبَك تبعْ الصيد - ماشالله وألف صلاة عَ النَّبي - رح يتقطَّع من كُثْر السمَكْ٠٠٠تظايَقْ ''الطناطرة'' منهُمْ وغَارُوا فَأَلَّفوا عليهُم حكايِّة ، وطَلَّعُوا عليهم دِعاية إنُّو بعض السُكَرجِّية من ''الطيارنة'' لمَّا سِمعوا صوت موجْ البحر العَالِي إنهُم قَالوا لبعضهم ; { قَرْقَعْ البَحَرْ، قُوموا لَنقَوْصُوا !٠٠٠} وثَبَّتُوهَا - ياحرام - عليهُمْ٠
هسَّا ما عَلينَا من كُلْ هَالحَكي وإللي ما إِلُو جِنْسْ الطَّعْمة ولا بيوَدِّي ولا بيجِيبْ ،
بيرْجَعْ مرْجُوعنا للمَرحومْ الدكتور محِمَّدْ إبنْ تُوفِيكْ ''تَوْفيقْ'' البجيرمي !٠٠٠
الجزامنة بيقولوا إنُّو جزماوي بِحُكمْ ''الوِلادة'' ، والطناطرة بيدِّعوا إنُّو طنطوري بِحُكمْ ''التِّربايِّة'' وبيدعموا حِجَجْهم بإنُّو مَقَامْ جدُّو للدكتور موجود لَحَدْ إِسَّا بالطنطورة , وحِتَّى تحوَّل لَـ مَزَارْ!٠٠
وأنا من عِنْدي - ويا خُوفي من كِلمةْ أنا- أقترِحْ ، مشَانْ حسمْ الخِلافْ ومَنعَاً لمخَاطِر نُشوبْ حربْ ثَقافية ، لا يعلمْ مَدَاها إلَّا الله ، أقترح أنْ نقول عن الأستاذ البجيرمي إنُّو; ''حيفاوِي'' فهذا أوتوماتيكياً بيشملْ القَريتينْ و حتَّى كُلْ قرى حيفا و إذا قلنا إنُّو ; ''فلسطيني'' بيكون أَحْسَنْ و أَحْسَنْ لإنُّو كلمة ''فلسطيني'' بتشْمَلْ حيفا والقدس، اللِّي دَرَسْ فِيهنْ! وكَمان بتِشمَل كُلْ مدن وقرى فلسطين ، وهيك بيطلَعِلْهَا ،( كُلْ فلسطين) فيه نَصيبْ٠ وليش حتَّى ما نقول ; إنُّو ''فلسطيني من بلاد الشَّام'' وهذا بيشمل فلسطين وسوريا وحتى العراق/ ويلعنْ أبو ''سايكس'' على أبو ''بيكو''/ ، واللي مو عاجبو يُطرقْ راسو بالحيط !٠٠٠
وبالمناسبة فإنَّ الدكتور العلَّامة درَّس في جامعتي دمشق وبغداد مواد تتعلَّق بالأدب العربي والإنكليزي ، وغيرْ هيكْ كانْ -الله يرحمو- من أعمدة الإعلام في كلٍّ من البلدين ; سوريا والعراق ، وهيك وبكلِمَةٍ أشْمَلُ وأعَمُّ فينا ، ياجماعة الخير، إنُّو نقولُ و بكلِّ الفَخْر والإعْتِزازْ بأنَّ ; الدكتور الجامعي والإعلامي الكبير محمد توفيق البجيرمي هو; ''عربي فلسطيني'' والسلامْ !٠٠٠فما رأيكم ''يا رَعَاكُم الله''!؟٠٠
(ملحوظة كان المرحوم يستعمل في برامجه ومن باب التَّحبُب عبارة ''يا رَعَاكُم الله''!٠٠٠)
تحيَّاتي وتقدِيري إلى كلِّ مُدنِ و قُرى فلسطينْ وأهالِيها الكِرام ودامَ الفلسطينيُّ شُعلةً تضيئُ الفِكرَ والثقافةَ والحَضارةَ والإنسانيةْ٠
رحِمَ الله فقيدَنا الجَليلْ وأسْكنَهُ فسيح جنَّاتِه٠
د٠ محمد طرزان العيق
صوفيا /17.03.2014
***********************
{أهدي هذا العمل المتواضع لـِ (يوم الثقافة الفلسطينية) الموافق للثالث عشر من شهر مارس/ آذار من كلِّ عامْ}٠
ورَدَ في أنباء البارحة أنَّ حواراً حادَّاً ، بلْ قل صراعَاً حامِيَ الوطيسْ قد إحتدَمَ وكادَ أنْ يَنقلبَ إلى ''طُوشِةٍ'' كبيرة !، ولكنَّ الله سَلَّمْ وبقيَ الحوارُ على مستوى التَّراشُقِ بالكَلامِ فقطْ!٠٠
والمناسبةُ هي ظهورُ صورة للمرحوم العالمِ العَلامةْ محمد توفيق البجيرمي على صفحات الفيس بوك فإختلف الفُرَقاءُ إلى أيِّ النُّجوعِ منْ فلسطينَ ينّتمي!٠٠٠
يعني والحمدُ لله ، قد إنتهت المعركةُ حولَ أصول هذا الأستاذ الكريم على خير، وبدونِ ضَحايا، بين كلٍّ منَ الطناطرة [ أهالي قرية الطنطورة ] والجزامْنِة [ أهالي قرية إجزم-''بالجيم المصرية'' ] ٠
وأهل إجزم كانْ الله مِنعِمْ عليهم ومْفَضِّلْ -واللهمَّ لا حسد- بينابيعْ مَيِّة وآبار كتير٠٠٠/هسَّا ، يا حسرتي علينَا ، لا ضلْ فِي ميِّة ولا فِي شْحَارْ/ ، بسْ كان أشهرْ هالأبيار بير كانوا يسمُّوه ''البير الغربي'' ، وكانوا الجزامنة بيقولوا إنُّو إللي بيشرب مِنُّو بيكبَرْ راسُو فِهْماً وصَلابَةً ، يعني أجلَّكم الله ، راسو بيصير يابسْ٠٠٠وبشَكِلْ عام فمعظم أهالي إجزم شَرْبَانين مِنْ هاظا البِير !٠٠٠ فيقال أنَّ فُلاناً شربان من ''البير الغربي'' يعني, فهمان و عنيد كمان!٠٠وهناك مَثل جزماوي يصِفْهم (وإنشالله ما يزعلوا منِّي) بإنُّو; { لَبيبْهُمْ لَبِيبْ وتيسْهُمْ عَجِيبْ}،
يعني متِلْ ما إنتُو وأنَا شايفين ; ما فِي عنْدهُم حَلْ وسَطْ ٠٠٠٠وكَمِثال على ثَباتْ الرأي عندَهُم فأغلب الجَزَامنة يقولونَ ويؤمنونَ ويعملونَ بمبدأ; {عنزة ولو طارت} ٠٠٠
بسْ و للأمانة إحْنا [الطناطرة] وإيَّاهُمْ نَسايِب، ونِعْمَ النسَب واللهْ ( أقول هاي المَعلومة من شان هاظول اللي بِدْهُم يحُرُّوا بينَاتْنا ، يعني يتْصَيَّدوا بالمَيِّة العِكْرة ، أقولْ ; فَشَروا٠٠٠أهل إجزِم عَ راسْنا مِنْ فُوكْ) ٠٠
عَ كل حال يا إخوَانَّا وبدِّيش أطوِّل عليكو السِّيرِة ;
اللهُ العليمْ٠٠٠٠٠٠ الله العليم ،إنُّو أستاذنا الكريم - الدَّكتورمحِمَّدْ وَلْدانْ يعني ''خَلْكَانْ'' بإجزِمْ ، بس يمكنْ رَبْيانْ'' يعني بالفصحى ''ترَعرعَ أي أَكَلَ وشَرِبَ وعَاشَ'' في الطنطورة٠٠ وهاظولا الطناطرة بوزْعُوا فِهِمْ عَ البلاد كلَّيَاتها٠٠٠يا مُحَمَّدْ شُو فَهْمانِينْ!٠٠٠أمَّا فَهْمانِينْ كتِيرْ كتيرْ!٠٠٠ يعنِي مِنْ مُنجَزاتهم مثلاً ، وليسَ عَ سَبيلْ الحَصِرْ ، إنهُمْ زَرَعوا الفُستُكْ ''الفستُقْ'' !٠٠٠كَالْ مْشَان يربُّوا عندهم عبيد !٠٠٠مش إسمو ''فُسْتُكْ عَبيد''؟!٠٠٠ ويلَّلا لَعَادْ ياعينِي٠٠٠
وحتَّى مرَّة من المرَّاتْ ومِنْ كُتُرْ و زُودْ الفهِمْ عِندهُم تفاجئوا بإنٍّو الباشا ، اللِّي راحوا يتفَرَّجوا عليه لمَّا إجَا يزورْ ''الطنطورة'' بطريقو إلى ''إم خالد'' إنُّو طِلِعْ زَلَمة! ، وقامْ الطناطرَة ساعِتُها وقَلَبوا هَايْ المفَاجَئة إلى إكتشاف طنطوري بَحْتْ٠٠٠ وبالمناسبة فَــ كتيرْ من القُرى ، حَوالينْ ''الطنطورة'' مَا كَانُوشْ ،كَمانْ، يعرفوا هاي الحَكِيكَة مثلْ ''جبع'' و''عين غزال'' و''كفر لام'' و''الطيرة'' وغيرْهِن كتِيرْ ،كتِيرْ، شو بدِّو يعِدْ الوَاحَدْ لَيْعِدْ! ٠٠٠
وعلى سِيرة ''الطِّيرة'' -ولو إنِّي بَحِبِّش النَّمِنيمة أبَداً،أبدَاً- في عَليهُمْ سِمْعَة مِشْ مْلِيحَة ; كَالْ شُو إنهُمْ والله كَايْنِين حَراميّة ٠٠٠تصوَّروا إنُّو لَمَّنْ كان بوليس الإنجليز، ييجِي عَ ''الطِّيرة'' بسيَّارات الجِيبْ ''الويِللِّيزْ'' تبعَاتْهُم ،اللهْ وَكِيلْكو، كانوا دايماً يرَوْحُوا بِسيَّاراتْهمْ بدونْ دَواليب! ، بعْرِفِشْ كِيفْ ، ولا حتَّى بَعرِف شُو كَانوا هالطيارْنِة يعملوا بِـ عْجَالْ السيَّارات؟!٠٠ بسْ بالفعلْ كانْ مشهورْ عنْهُمْ إنْهُمْ معَلْمِين بِفَكْ عْجَالْ السيَّارات !!٠٠٠خَفَى الله إنْهُمْ -يمكِنْ- كانوا يستعمْلوا الجِوَّانِي تبع العْجَالْ مشَانْ يطِيشُوا في البحر ،لأنهم كانوا يحبُّوا البَلْعَطَة في المَيِّة وكَمانْ كانُوا شاطْرين بِصيدْ السمَكْ وكانوا يتْانفسُوا هُمِّي والطناطرة عَ الصِّيدْ !٠
وفي كَمانْ سِمْعَة تَانية لابِسْتْهمْ - ياحَرامْ - وبعِيدْ عنْ السَّامْعينْ، كانُوا أَصْحَابْ دَمْعة ، يَعني والعياذُ بالله كانوا يشرَبوا المُنْكَرْ!٠٠
أنا سمِعِتْ إنُّو فِي واحَدْ طِيراوي راحْ عَ الحَجْ [الله يطعمُو ، بِجَاهْ ربِّ العالمينْ ، لكُلْ مِشتْهِي] فلَمَّا رجِع إِجَتْ النَّاس تْهَنِّيهْ بالحَجْ وكانْ يظيِّفْهُم من ميِّة ''زَمْزَمْ'' بكاسَاتْ زْغِيرة كتيرْ!٠٠ إجَا واحِدْ من الحاضرين[ مِنْ كتِيرينْ الغَلَبِةْ] إنتقَدُه للحَاجْ وقالُّلو ; أَيْ كبِّر الكاسِة شوَيِّة يازلمة٠٠٠ قَامْ رَدْ عليه ضيفُ الرحمنْ وقال; طيِّبْ , ما تواخذْنِيشْ يا فْلانْ , والعَرَقاتْ تبَعوني بإيشْ بِدِّي أَكْسِرهِن!!!؟٠٠طبعاً هاي الحكايِة عَ ذمِّة الراوي و أنَا ما بَحُطِّشْ بذمتي لأنِّي ما شُفتِشْ هالشِّي بِعيوني هاذول ،اللي راح يوكِلْهِنْ الدُّودْ!٠٠
وبالنسبة للتَّنافس عَ صيدْ السَّمكْ بين أهل الطنطورة وأهل الطيرة فالواحد لازمْ يحكِّم ضَميرو : ''الطيارنة'' كانوا -والحقُّ يُقال- أولْ من إستعمَل الديناميت لَصيدْ السَّمكْ وخاصَّة بالليل فكانوا يصيدوا سمك أكْوامْ أكوام , ويروْحُوا والشَبَك تبعْ الصيد - ماشالله وألف صلاة عَ النَّبي - رح يتقطَّع من كُثْر السمَكْ٠٠٠تظايَقْ ''الطناطرة'' منهُمْ وغَارُوا فَأَلَّفوا عليهُم حكايِّة ، وطَلَّعُوا عليهم دِعاية إنُّو بعض السُكَرجِّية من ''الطيارنة'' لمَّا سِمعوا صوت موجْ البحر العَالِي إنهُم قَالوا لبعضهم ; { قَرْقَعْ البَحَرْ، قُوموا لَنقَوْصُوا !٠٠٠} وثَبَّتُوهَا - ياحرام - عليهُمْ٠
هسَّا ما عَلينَا من كُلْ هَالحَكي وإللي ما إِلُو جِنْسْ الطَّعْمة ولا بيوَدِّي ولا بيجِيبْ ،
بيرْجَعْ مرْجُوعنا للمَرحومْ الدكتور محِمَّدْ إبنْ تُوفِيكْ ''تَوْفيقْ'' البجيرمي !٠٠٠
الجزامنة بيقولوا إنُّو جزماوي بِحُكمْ ''الوِلادة'' ، والطناطرة بيدِّعوا إنُّو طنطوري بِحُكمْ ''التِّربايِّة'' وبيدعموا حِجَجْهم بإنُّو مَقَامْ جدُّو للدكتور موجود لَحَدْ إِسَّا بالطنطورة , وحِتَّى تحوَّل لَـ مَزَارْ!٠٠
وأنا من عِنْدي - ويا خُوفي من كِلمةْ أنا- أقترِحْ ، مشَانْ حسمْ الخِلافْ ومَنعَاً لمخَاطِر نُشوبْ حربْ ثَقافية ، لا يعلمْ مَدَاها إلَّا الله ، أقترح أنْ نقول عن الأستاذ البجيرمي إنُّو; ''حيفاوِي'' فهذا أوتوماتيكياً بيشملْ القَريتينْ و حتَّى كُلْ قرى حيفا و إذا قلنا إنُّو ; ''فلسطيني'' بيكون أَحْسَنْ و أَحْسَنْ لإنُّو كلمة ''فلسطيني'' بتشْمَلْ حيفا والقدس، اللِّي دَرَسْ فِيهنْ! وكَمان بتِشمَل كُلْ مدن وقرى فلسطين ، وهيك بيطلَعِلْهَا ،( كُلْ فلسطين) فيه نَصيبْ٠ وليش حتَّى ما نقول ; إنُّو ''فلسطيني من بلاد الشَّام'' وهذا بيشمل فلسطين وسوريا وحتى العراق/ ويلعنْ أبو ''سايكس'' على أبو ''بيكو''/ ، واللي مو عاجبو يُطرقْ راسو بالحيط !٠٠٠
وبالمناسبة فإنَّ الدكتور العلَّامة درَّس في جامعتي دمشق وبغداد مواد تتعلَّق بالأدب العربي والإنكليزي ، وغيرْ هيكْ كانْ -الله يرحمو- من أعمدة الإعلام في كلٍّ من البلدين ; سوريا والعراق ، وهيك وبكلِمَةٍ أشْمَلُ وأعَمُّ فينا ، ياجماعة الخير، إنُّو نقولُ و بكلِّ الفَخْر والإعْتِزازْ بأنَّ ; الدكتور الجامعي والإعلامي الكبير محمد توفيق البجيرمي هو; ''عربي فلسطيني'' والسلامْ !٠٠٠فما رأيكم ''يا رَعَاكُم الله''!؟٠٠
(ملحوظة كان المرحوم يستعمل في برامجه ومن باب التَّحبُب عبارة ''يا رَعَاكُم الله''!٠٠٠)
تحيَّاتي وتقدِيري إلى كلِّ مُدنِ و قُرى فلسطينْ وأهالِيها الكِرام ودامَ الفلسطينيُّ شُعلةً تضيئُ الفِكرَ والثقافةَ والحَضارةَ والإنسانيةْ٠
رحِمَ الله فقيدَنا الجَليلْ وأسْكنَهُ فسيح جنَّاتِه٠
د٠ محمد طرزان العيق
صوفيا /17.03.2014
