نفسي اكون بقلم: محمد هناء الدين

نفسي اكون........... محمد هناء الدين
نفسي يكون لي مكان ف الدنيا ميتنسيش
اموت ولا اعيش ميهمنيش بس يكون لي
نفسي اكون اي حاجه تخلي كل الكون سعيد
نفسي اكون يوم المسيح واقوم علمنا الكسيح
نفسي اكون لقمه هنيه تسد جوع المحتاجين
نفسي اكون شط الامان لكل المرعوبين
نفسي يا دنيا يكون لي مكان ميتنسيش
نفسي اكون طير وطاير فوق ف العلالي
ابعد بعيد ميهمنيش افرد جناحي وف السما اطير
اكون فوق السحاب وانام سعيد ميهمنيش
نفسي اعيش من غير شجن من غير هموم
اه لو اكون خشبه تنقذ غريق وسط البحور
ولا اكون نور ينور ف الطريق نفسي يا ناس
نفسي اشيل م البشر اسباب خضوعهم
نفسي اكون اي حاجه تخلي كل الكون سعيد
ونفسي امسح دموع المجروحين وابكي بدلهم
اه يا ناس عاوز اكون بيت يلم المحرومين
كان نفسي يوم ابقى كده من كتر ما شفت الجراح
نفسي محدش يبات جوه منه جراح ولا الم
وهتحمل عنهم كل الالم منا متعود ع الجراح
نفسي اطير واطير مع الطيور ف السما وابعد
نفسي اهاجر وابعد هناك بعد الشمس اللي غابت
لـ أنا قديس ولا راهب انا ف الدنيا زاهد
عاوز اكون سعادة لليتيم ولاّ لقمه تسد جوع
عاوز اكون ومش جنون اني احس بكل ده
وانا شفت الدموع ف عيون اليتيم بتصرخ الم
مش جنون اني احس ان الاسود بتزأر الم
الطيور لما بتهاجر بتهاجر الم وترجع الم
مش جنون ده عقل العقل بس يا رب اكون