نسرين كبرت بقلم عبد الحميد بدوى

نسرين كبرت
وبقى عمرها سنتين
وزيادة كمان شهرين
كبرت نسرين
شوف كنا فين وبقينا فين
ربنا يبارك فيها ويحفظها
ويحرصها من العين


حبيبة ماما وبابا
وغالية الغاليين
حبيبة كل العيلة
ولها الاف من المعجبين
اصلها بجد حلوة الحلوين
حاجة كدا متكررتش مرتين
تفرح القلب الحزين
انا عن نفسى ببقى فرحان
قوى لما تعملى باى
بايدها الاتنين

وجدتها الدكتورة اهم انسانة عندنا وعندها
يارب باركلنا في عمرها
انا عن نفسى مشفتش
حد فى الدنيا بيعمل خير قدها
عشان كدا طوب الارض
مفروض عليه فرض
انه يحبها
اصلها مصدر اسعاد للناس كلها
ربنا ما يحرمنا من عطفها
وتسلم ويسلم قلبها
اللى كله حب وخير
يكفي الدنيا وسماها وارضها
يارب لما نسرين تكبر
تبقى فيها بس حاجة منها
ويباركلنا يارب فى عمرها
وتحضر فرح نسرين في عزها
وتسلم ويسلم ضحكتها
اللى مفيش فى الدنيا زيها


واخوها حسام باشا
بطل مصر فى السباحة
للناشئين
تحت ست سنين
حصل على الميدلية الذهيبة
مرة
والفضية مرتين

هادى ونادى وشادى
واشطر الشاطرين
كلنا لازم ندعوا ونقولوا
ربنا يبارك فى حسام ونسرين
ويحفظهم ويحرصهم من العين

الشاعر
عبد الحميد بدوى