موليا سوريا

موليا سوريا..


هيهات يا بو الزلف ... حرّة يا سوريا

ناديت ردّ المدى.. والصوت حريّة

عمر البلاد ابتدا .. ولاد البلد قاموا

كشر ع نابوا الردى.. وإخواتنا انضاموا

والسوري لبّا الندى.. تـَ عيد إيامو

ع الأرض وسع المدى.. وللسما غنية

***

ع العين يا أم الزلف.. حرة يا سوريا

ناديت ردّ المدى.. والصوت حريّة

***

ونريديها تحلا .. ونريدها تحلا

وتضوي لسابع سما.. وع نجومها تعلا

يا بلاد فاض القهر .. ع جبالها وسهلا

حلّك تزيحي العتم .. وتشعشعي بضيّا

***

احنّا الـ الجسر والنهر.. من صدرنا ينبع

احنّا طلوع الفجر.. وإلنا الفجر يرجع

مهما يمحلنا الدهر.. مهما العطش جوّع

نسقي السنابل شِعر .. وميّة فراتية

***

ودهور عمر الحجر .. بعدو الحجر مبني

وقلوب شدت وتر.. لخواتها تغني

صبية أخت القمر .. مدّت كف تحنّي

وتجبّر ضلع انكسر .. وتفيض حنية

***

وإن زاد حد الظلم.. وإن ليلنا طوّل

مرجوعنا للشمس.. أحرار مـِ الأول

من عروقنا خيطها.. وزنودنا مغزل

ونحيك توب الوطن.. والدقّة سوريّة

***

سهلين قمح وقطن .. منجلنا أزادي

نحصد سنابل، زهر.. والوطن زوادة

يا صوت ما أطيبك.. يا ابن البلد نادي

ونقوم كرد وعرب .. برواح نفديّا

***

ما دام بحرِك هدر .. ورح تعلا موجاتو

أصوات تودي خبر.. والخير جواتو

إلا ما يكفّ السفر.. عن أهلي دياتو

ونعود متل المطر.. ع الشام نرويا

***

يا خيّ صار دمّي فوق كفّي

عليك العمَد إنت الدرب كفّي

بكفة الأرض وبلادك بكفّة

لا ترضى تعيش عيشة ذل مكسور

ويا خوف الـ كان جوا صبح مكسور

إلك ناسك، إلك أهلك، إلك سور

تـَ يحمي روحك الحرّة وبيكفّي

***

هيهات يا بو الزلف ... حرّة يا سوريا

ناديت ردّ المدى.. والصوت حريّة