حروفي بقلم: محمد هناء الدين

حروفي .................محمد هناء الدين

كلماتي تاهت من سطري
الكلمة بتهرب من معناها
والحرف اتمرد ع الكلمات
مهما حاولت بتهرب مني
الكلمة بترفض تخرج مني
وانا تاهت جوايا الكلمات
ياما حاولت احايل فيها
تكتب حرف وحرف كمان
بردوا سبتني وهربت تاني
وانا اصلي بحب الكلمات
بكتب حب.. بتكتب هجر
بكتب جنه.. بتكتب نار
مالك ياحروفي مش فاهمك؟!
جوبيني كنتي ملك يميني
مين عصاكي عليه وانا عشقك؟!
انت كل ماليه وانا محبوبك
مالك يا حروفي بتهربي ليه؟!
انا اللي كتبتك اشعار تتغنى
انا اللي بنيت بيكي بيوت
مالك قولي ايه عصاكي عليه؟!
عارف ان الكلمة بقت تتباع
عارف ان الكلمة امل خداع
بس ياعمري كنا لبعض عشنا لبعض
ايه عصاكي على الغنوة وهربتي بعيد
ياما كتبنا فحب بلادي اناشيد
ياما كتبنا فكل الوادي مواويل حب
ايه عصاكي.. ومين قساكي.. وخلاكي بعيد؟!
ردي عليه..! حروفك ليه عصيه عليه
كرهت سكوتك ردي اوام كرهت الصمت
انا اللي عشقتي حبر كتبته.. انا نبضك
تهربي مني.. تفلتي مني.. وانا اصلي حبيبك
ليه يا حروفي فين الكلمة اللي بترويني؟!
اللي بتبني.. واللي تهد.. واللي تعلي جدار!
اللي بتسعد كل حزين وتطفي النار!
فاكره زمان لما كتبنا اغاني وشعر؟!
مالك ردي.. هربتِ لفين انا محبوبك؟