يا سمره ..، شعر: ابو الحب

يا سمره

يا ( سمره) غيبتك الها مَعاني
اذا ما كان الها "عذر تاني "

صمتي شهر ، ايمانك تجلى
صوم الشهر واجب بالدياني

القلب ما صام ، في حبو تحلى
و انا بحكي الحقيقه للأماني

قلبي بمسجد الاخلاص صلى
وصباح العيد ما قبلت التهاني

البعض قالو : زمان الحب ولَّى
وما في لزوم تغرق بالأماني

قلت يا ناس ، ع قلبي تولى
الهوى و بغيبة السمره مٌعاني

*****

ما بين قلوبنا همس و حكايا
و سهم من رمشها قال البقايا

خيالي دغدغ و صارت فكاري
تنقي حروف ترفقها بهدايا

بحلاها ، ترغل النغمه كناري
و باسما الشعر حافل بالمزايا

عَ ألحان الهوى ترقص وتاري
و أنامل ع الوتر يمشو حفايا

و اذا ليل الملل مل اصطباري
زجرتو و قلت لا تفشي قضايا

انا بضلوع صدري حم ناري
وانت و البدر ع قلبي قسايا

****
وانا يا ناسنا كرهت السياسي
فيها ، ما شفت غير التعاسي

بصفقه بعد صفقه استعمرونا
حتى خفت ( تتكلس) حواسي

باذاعة و تلفزه عم ينحرونا
و شعب غرقان ايامو مآسي

جيوش الأطلسي عم يقصفونا
بذريعه ما رح بتخفي النجاسي

بيقولوالحرب حتى (يحررونا)
القصد سرقة نفط و الكل ناسي

وعن ( التاريخ ) انتو خبرونا
و فلسطين الذبيحه عم تقاسي

بمجلس أمن صارو يحكمونا
تا اجرع سم ( اوباما ) بكاسي

وبـ (استعمار) راجع يذبحونا
متل شلعة غنم حلف الخساسي

و بمدن الغرب حتى يعرضونا
عبيد الأطلسي بسوق النخاسي

====

حكمة عمك ابو الحب:

وجهك اخفي ع ولادك
يا بايع ارض بلادك
راضي انك تصبح عبد
و خاين بتراب جدادك