ع درب المحبة .. شعر : الأميرة وضحه

ع درب المحبة ..

بو الحب وقف تا قلك

و عا احسن درب بدلك

بمخاطر لا تتحجج

قلبي بتربح أحسنلك



يا نصيري بأحلى الاشعار

عرفتك سيد عالشعار

النصر بنصنع با نصيري

لما الساحه تولع تار



يا جوجو يا همسة روح

بلسم بتداوي المجروح

بكر و فر بساح الحرب

بلسانك بتهزي صروح



و نبض قلبي يا افين

و عا حالتنا المولى يعين

بتعطينا رقه و احساس

من القلب الصافي تحنين



ليلى يا اعز الخيات

وجودك زينه بالشهرات

و حنى تكوني مرتاحه

مالك بيجلي الجليات



عنا بصومعة الاحباب

اطيب اخوه و الأصحاب

منهم عنا أحلى شعر

و رح نفتح للشعر كتاب



و يونس كاتب بالصفحه

شعر هديه لوضحه

بنكمل مشوار العمر

لما بتهدينا لمحه



القادود بشعرو قلي

عا رأيك وضحه ظلي

بنرسم قلب على الورقه

و غيري واحد لا تخلي



و ما بنسى نديم عبود

بخيره و اشعارو بيجود

مقامو عنا موجود

و طيبة قلبو فالها حدود



و اصل المحبة حليم

عا اهل المنبر كريم

بنعزك يا ابو الياس

و الله بشعوري عليم



نور المنبر يا غاده

روحك حلوه بزياده

منك بدنا نفحة عطر

و فنجان القهوه ساده



قلنا احلى من السكر

كريمه لسانا معطر

بتسحرنا بأجمل تعليق

و عا الصفحات بتتمخطر



لبيبه عطر الازهار

نورك خلا الليل نهار

لما تزوري منبرنا

طيبك بيجري انهار



و نعمت نعمه عا محمود

يللي بأخلاقو بيجود

نعمت ورده و ست الدار

و منو العطر لطيب العود