رحله بالوحله ، شعر : ابو الحب

رحله بالوحله

كم يوم غبنا و قصدنا بموسم الغزلان
غابات صعبه البشر تعرف نواحيها !

من بعد ادسون نحرنا جنوب يا اخوان
برحله طويله ، ما شفنا ولا نفر فيها

مذخر باروده برصاص بيفلق الصوان
و أجمل غزاله برصاصه كنت ارديها

و ع المقود رفيقي " البطل "سرحان
بأطراف غابه عيونو بنار تغزيها

الجيب غرَّز بوحله !! و ما كنت تعبان
و الليل زاحف على الغابه و خوافيها

عصب رفيقي وقلت يا خزوة الفرسان
وين النشامه، الأشاوس، قوم ناديها

هبو الشباب بعزيمة ،و كلهم شجعان
و شقو ظلام الليالي في مطاويها !!

وصلو لعنا " بنص الليل" و الالحان
الحان ندب و حزن، و الدمع راويها

" جنزير" مدو لحتى يسحبو الغرقان
من جورة الوحل يللي الوحل ماليها

وحدو نزار بغزالة يسرق و طمعان !
طمعان فيها و ما عندو نار يشويها

كترو عليي الردود استنفرو العربان
و ما كان عندي وقت بالشعر اوفيها

عالصيد رحنا وفرحو بغيبتي الصيصان
بعدن صغار وما صارو نسورتحميها

ويونس بو صفره بعينو زايغ النيشان!
شاف الطريده و بطلقه راح يرميها

مبرد رصاصو ورطوبه بتقلق الدفيان
و كاتب (قصيدة غزل) حلوه معانيها

و متلو النصيري كأنو مضيع الميزان
بيقشع(غزاله)وما عم يعرف يناجيها

تايه بصحرا و ع شربة مي بالكثبان
و ما بين رمل الصحاري ما بلاقيها

وأفين ،صارت بحرب الشعر والاوزان
مع كل بسمه ، قوافي الشعر تحكيها

وبنك يا وضحه تجي ، و تعدلي العدان
جايي خريف الغضب تالارض يغزيها

بو الحب هاجم بسيفو من بني شعبان
ويل الأعادي ، و يا ويلو من يعاديها

=====
حكمة عمك ابو الحب:

متلي لا تروح برحلي
بأزمه النجده تستحلي
فتح عينك لما تسوق
ولاتغرق متلي بوحلي