لا..لا يا يونس !! ، شعر : ابو الحب

لا . لا يا يونس

لا.. لا يا يونس لا زلنا في رحى الميدان
حتى النصيري خصيمي يراجع حسابو

و باقي عريني ملاذ الصحب و الأخوان
و البيت باقي لصحبي مشرعه بوابو

بالجود نقري الضيوف، و نكرم الخلان
و ننحر ذبايح لأهل الجود ، ع عتابو

و لا تظن فينا جفا ، و لا تتعب الوجدان
و يا الف مرحى و هلا بأحبابنا الغابو

لا يكون عندك عتب يا صاحبي العتبان
كثار قبل النصيري اللي اعتدو و تابو

والرمح" رمحي يماني "حط بالحسبان
و بتَّار سيفي ، ما نام السيف في قرابو

نحنا رجال الوغى ، نحنا بني شعبان
اسأل تاريخ اليمن ، مذكور في كتابو

من فرع "حِمْيَّرْ"اجينا والأصل همذان
و كتاب " عقد الفريد " مسطر حرابو

و عنا شرايع وفا و ايثار للعربان
وشرف القبيله ما هان و بعدنا صحابو

(وضحه) البنيه اللطيفه غنت الالحان
و قالت :"يا ولفي قليبي حن لحبابو"

انت الوليف الحبيب و شاعر القصدان
شوف النصيري خفى أوراق في جيابو

مبارح رماني برمشو بواحة العطشان
وما شاف قلبي وقع والرمش ما صابو

و يم الرعية سقت نعاج، و الشجعان
"نواف" بويا، و أخويا السيف ضرابو

ما طاح فينا الزمن ، عنا الوفا ما هان
و ابن العشيره " لنهر الدم " شرابو

ومن بعد شرحي يا يونس قابل بحلان
القادود قاضي ، ثقتنا اليوم في خطابو

يحكم عميد القوافي و بالحكم قنعان
لو كان ضدي اذا بيكون في جوابو

و لا تحط لومك ع جوزفين من لبنان
لسان البنيه صاروخ بيعرف صوابو

=====

يا قادود العندك جود
جود علينا باقوالك
قاضينا معنا موجود
وما بننسالك افضالك