ببص في المرايا بقلم:رشا حمزة

ببص في المرايا فكرتها

واحده واقفه ورايا

سكت وفي النوايا

بحمد ربنا إنه

زاح عني البلايا

سيبتها وكلى أمل ورجايا

بدور ع. النتيجة

في كل الزوايا

لاقيت ايد خفيه

مسكاني من قفايا

بتقول لى يا حلاكي

.. يا حلايا

أنا عمرك اللي ضاع ..

وسنينك اللي جايه

أنا أنت وأنت أنا

كلنا للحزن راية

أنا حلمك اللى انكتب

في الظلم آية

أنا صوتك اللي

اتنبح من أول الحكاية

أنت آخر فصل

في القصة و الرواية
********************************************

جريت ع. الجنينه بدور

علي شجرة زرعتها بايدي

بدور على وردة اشمها

في يوم عيدي

لاقيت الايد الخفية

مسكاني بحنية

(إنتى ليه بتعيدي وبتزيدي)!!!!!
*******************************************

رجعت للمرايا....وفتحت عنيا

لاقيتني هى أنا وأنا هيا!!!!!

لقيتها شوية سنين

بعضها ماتت وبعضها حية

شوية مرارة بعضها خلصت

وبعضها جاية
*******************************************
رجعت للجنينة

للشجرة الحزينه

لاقيتها شرآانة مايه

وشمعتي فتيلها


ووردتي دبلانة ومرمية

كل ده وعمري بعد التلاتين

بشوية

*******************************************
********************************************
تحياتي

كل سنة وانا طيبة عيد ميلادي بعد يومين
كل سنة والخير بيعم قلوبنا وقلوب الناس الطيبين
كل سنة ووطنا واخد حقنا ومحناش مقهورين
كل سنة وكفنا نفصلة من جلدنا ومن جلود الشهداء الميتين
كل سنة وحكامنا واخدين بالهم من كراسيهم وقصورهم والطين
كل سنة والعراق بخير هي وفلسطين
كل سنة واحنا كلنا مبسوطين وفرحانين