أبو عبد الله الفلسطيني...هو سبب غرق العبارة المصرية بقلم:منذرارشيد

أبو عبد الله الفلسطيني...هو سبب غرق العبارة المصرية

منذرارشيد


ملاحظة .....
للتذكير فقط .....شخصية أبو عبد الله ابو العبد ابو محمد أبو علي أسماء ممكن ان تكون جامعة وتمثلاي فلسطيني تعبر عن كل شرائح المجتمع الفلسطيني حيث يمكن ان يكون عامل فلاح موظف جندي شرطي كادر قائد اكاديمي عامل أي شيء يخطر على البال وفيكل حلقة نتحدث من خلال نموذج من النماذج التي نعرفها وهي موجودة بيننا مثل أنا وانت وهو وهي ...........

كلنا عشنا خبر كارثة العبارة المصرية قضى خلالها ألف وما يزيد من اخواننا المصريين الذين كانوا على ظهرها .....وبالأمس أصدرت المحكمة في مصر حكما ببرائة صاحب العبارة المصرية والذي فر هاربا هو وابنه خارج مصر بعد أن قضى أكثر من ألف مصري من الغلابا والمساكين الذين كانوا عائدين الى الوطن بعد كدهم وعذابهم في العمل طلباً للرزق
وأمام هذا الخبر المأساوي الذي زاد مأساة الأهالي الذين فقدوا أبنائهم وكان المشهد محزنا ومريعا والكل يشاهد الحزن والصراخ من المواطنين أمام المحكمة المصرية
جراء الغبن والظلم الذي وقع بحقهم في مقاضاة من اهملوا ولم يراعوا حق الله وحقوق خلقه من بني البش في أبسط متطلبات الأمن ولأمان لرعاية البشر على ظهر عبارة عائمة على البحر
يجلس أبو عبدالله في بيته وهويتابع الأخبار عبر التلفاز ويرى هذا الأنفجار المريع الذي حصد أبناء الوطن على شواطيء غزة و يضرب كفاً بكف و قد صُدت نفسه عن الطعام الذي وضعته أم عبدالله أمامه "
وهي وتقول له: مالك يا ابو عبدالله هس َ بيبرد الأكل يا زلمة خلصنا عاد وفكها وبلش كول " صار الك يومين بدون زاد يا زلمة ........
أبو عبدالله : أي يا مرة بعد اللي شفناه ظل في نفس لحدا يوكل عاد...
أم عبدالله : والله على رايك ما هو كل يوم مصيبة
ابو عبدالله : ولك شو نعمل يا مرة ..! اي يعني الي صار على شاطيء غزة قليل ..!!

والله اشي بيسمم البدن " الله اكبر على البحر يا مرة ..!! قتل وموت..... إنفجارات ..! شو اللي بيصير يا ام عبدالله .! شو اللي بيصير انا بطلت افهم..!
مين أولاد الحرام اللي عملوها .... مين بس يا رب..!

أم عبدالله : يعني هس إنت بطلت تفهم يا زلمة ..!! ما هي مبينه جواسيس يا زلمة جواسيس البلد مليانه الله يقطع اليهود ما أشيطنهم "
ابو عبدالله : صحيح اليهود بس الي العن من اليهود الجواسيس
اللي ما بنعرف الهم وجه ممكن يكونوا بينا واحنا مش عارفينهم "
شو مالك هذا الشيء اللي بيجنن الواحد" يعني هس إنت زوجتي وعايشه معي طول العمر شو بديريني ولا إن كنت جاسوسه ...!!
أم العبد: الله يقطع شرك ول عليك أنا ... أنا جاسوسة يا ابو العبد ..! إنشاء الله انت ِ
أبو عبدالله : ول عليكي انشاء الله انا هيك الواحدة بتتمنى لزوجها وحبيبها ..!
أم عبدالله : خلاص عاد إنت اللي بديت وجاي تلومني .!
يُسمع طرق الباب وتفتح أم العبد واذا أبو علي يدخل قائلا: السلام عليكم يا جماعة
أبو عبدالله :حياك الله وعليكم السلام وينك يا رجل صار الك اسبوع ما طليت علي ..!!

أم عبدالله : يا هلا بابو علي يا هلا..... مليح اللي جيت يا زلمة " أقعد هاي الأكل حاضر بلكي إنفتحت نفسه اخوك ابو العبد .! ترى إنت الوحيد اللي بتفتح نفسه باخبارك الطيبة
أبو عبدالله : والله بتحكي صحيح يا مرة وهاي نفسي انفتحت لما شفته ما هو اخوي وحبيبي ..... دور جاي وخذ رغيف خبز خلينا نوكل ....والله إني جيعان
أبو علي : اي والله يا ابو علي ما إلي نفس ترى انا جاييك بخبر مش ولا بد ترى
أبو عبدالله : خير يا زلمة خير انشاء الله .!
أبو علي : سمعت عن العبارة اللي غرقت وراحوا فيها أهلنا من المصريين
أبو عبدالله : اي والله اسمعت واساسا انا متنكد من إيش ..!!
ابو علي : بس سمعت مين السبب ...!!
أبو عبدالله : حطوها برقبة القبطان الي راح فيها مش هيك ..!
ابو علي : أيوا صحيح بس مين السبب ..ما عرفت مين السبب..!!
ابو عبدالله : لا والله ما عرفت ليش إنت عرفت..!
أبو علي: يا سيدي قريت لك خبر إبني شافو على الأنتر نت بيقولوا فيه انك أنت يا ابو العبد السبب
أبو عبدالله : يخرب شرك يا أبو علي انا ...الله لا يوجسلك يا زلمة شو الي علاقه في الموضوع
أبو علي : يا ابو العبد : مش إنت قبل مدة بعثت رسالة للقبطان وقلت له انك انت السبب وبتحمل ركاب كثير في العبارة وبتزيد في الحمولة" وكل واحد بيجي بطريقك بتحمله معاك وانت ما بتعرف اصله ولا فصله ..!
أبو عبدالله : صحيح انا بعتت هيك إشي وانا بنصحه دايما إنه يدير باله على العبارة
وما يحط فيها ركاب زيادة خاصة ثقيلين الدم لأنها ما بتعود تتوازن وممكن تقلب على اللي فيها ....يعني مثل ما بيقولوا ...( خلي الشختورة مستورة ) طيب شو الغلط ..!!
أبو علي : يا عمي قال انت من مدة باعث رسالة قوية وفيها كلام رزيل وقالل ادبك كثير
أبو عبدالله : له يا رجل كلام رزيل كيف ..!! هس إنت بتصدق هالحكي يا ابو علي ..!
أبو علي : لا والله ما بصدق إنت طول عمرك نشمي بس اقول لك وما تزعل ...
انت مرات بتزيدها شوي ..يعني كلامك قاسي وجارح بيني وبينك وأبصر شو حاكي .!
أبو عبدالله : يا عمي صحيح بس والله ما بقصد الا كل خير وبعدين انا بحبه للزلمة وبحترمة يا أبو علي وبغار على مصلحته أي مهيي مصلحتنا كلنا يا زلمة كيف لعاد.!
أبو علي : شوف هي لو ظلت عليه انا متأكد انه قلبه كبير بس يا عمي شو بدك تعمل في الملاعين اللي بيتصيدوا في المي العكره ما بيهدوا ولا بيهدوا البال ..!! بيبهروا وبيكبروا المسائل وبيشعللوها نار ما انت عارف يا زلمة قلت لك في ناس بينتظروا الك
غلطة والمصيبة في النحيحة ...آه ما هو في نحيحة يا ابو عبدالله ومنهم أصحابك كمان" أي هضول كمان بيزيدوا الطين بله بدون ما يدروا

أبو عبدالله : آه إنت قصدك أصحابي وحبايبي مش هيك ..!! يا خوي هظول هدفهم يلطفوا الجو وما بدهم مشاكل انا بعرفهم ناس طيبين وما عندهم خبث ولا نوايا سيئه
أبو علي: هس إحنا في المصيبة اللي صارت للعبارة "
أبو عبدالله : يا عمي انا شو دخلني يا ابو علي ما تصلي على النبي ... يعني انا عصبت
شوي صحيح بس والله والله يا ابو علي إنو ما قصدي الا كل خير يا راجل

أبو علي : أيوا ما هم بيقولوا انك أنت رحت فجيتها وما خليت ستر مغطى وبهدلات على الطالع والنازل حتى بطل القبطان يشوف الضو وفلت الدركسوين تاع السفينة
أبو عبدالله : شو الدركسيون يا عمي أي هي سيارة يا زلمة ..!!
أبو علي : يا عمي ما هي الها عجل لقيادتها يا زلمة كيف لعاد ..!وصارت العبارة تغرب وتشرق حتى إنقلبت على اللي فيها
أبو عبدالله : يا زلمة أي عبارة هاي اللي بتحكي عنها ..!!!
ابو علي : العبارة المصرية اللي غرقوا فيها الناس
أبو عبدالله : يخرب بيتك يا ابو علي "ولك شو دخلني في العبارة المصرية
أبو علي : كيف شو دخلك يا زلمة ..! مش إنت اللي أزعلت القبطان

ياعمي القبطان القبطان علي الضمان هذا القبطان الي انتو بتقولوا عنه أنه قلبوا اكبر من البحر بس انتو اللي عاملينها قصة يا عمي
أم عبدالله : بتعرف يا ابو علي بدي اقولك هالشغلة
إحنا لو نخلص منك ومن لقاقيين الحكي اللي مثلك ومثل إبنك كان الدنيا بألف خير

الى اللقاء ....منذر ارشيد