عُشّائي المشاهدين ، مساكم عسل وبئدونس ، اليوم راح نلتئي نحنا وإنتو مع الخليفي الخارت لحتى نسألو أكم من سؤال محرج شوي ونطير معو عبساط الريح أبو الجناحين مش تاع المرحوم فريد الأترش لكنـّو تاع أناتنا .. أناة العبريّي الأولى .. والأخيرة على عناد الأنوات اللي عارفي حالها بدون زكر أسماء.
بنرحب بيك جلالة الخليفي الخارت وإزا بتحب هاي كمان بوستين ، وحدي من تيار المستئبل والتانيي من تيار الماضي .. هيء هيء .. هيء هيء .. خفيفة دم مش هيك ؟
جلالتي : إحـِمْ إحـِمْ (يعني أنا تنحنحت) .. ، شكراً ست شيسيل إنتي فعلا خفيفي بالمرة لدرجي إنك ما ببتأثري لا بالجاذبيّي الأرضيّي ولا السماويّي ، إنتي مش محسوبي لا عالأرض ولا عالسّما .
شيسيل : ندخل بالأسئلي جلالة الخليفي .. ، دخلك شو إصـتك مع إيهود باراك ؟ إنتي ليش حاطط نئرك من نئرو .. يعني عشان هوّي تحسس شوي على جثة دلال المغربي أبل تلاتين سني خلص صار وحش ؟
جلالتي : أيش اللي اتحسس شوي ست شيسيل ؟.. هذا الجزار إنتي وأنا وكل الناس على هذا الكوكب وغيرو بعرفوا شو سّـوا بحق الشهيدي دلال وغيرها .. أعذريني شو هالتخبيص من حضرتك ؟
شيسيل (ضاحكة) : خلينا نئووووول كان بين أوسين (يعاين جثة دلال ) ، يعني عشان عاينها وهيي ميتي تئوم إنتي تشطبو من سجلات درب التباني ؟ بلاش باراك ، طيب شو عِمل لك دخلك الرئيس بوش لحتى تحمل حملتك الشعوا عليه ؟ أكتر من إنـّو حرر العـرائيين من العبوديي ؟ .. وأكتر من إنـّو أعلن مشروع الدولي الفلسطينيّي ، شو بالزبط المطلوب من بوش لحتى ترضى عنـّو ؟
جلالتي (بعصبية) : إللي بسمعك ست شيسيل بقول هاي من غير مجرّا، إنتي صحيح خفيفي بس مش معقول لدرجة إنك إتطيري للسما السابعا ؟ شو هاظ ؟ كيف بدك إياني أجاوب على أسئلي إسمحي لي أقولك : ماسخه ؟ إنتو العرب على كوكب الأرض شو شفتو من أشكال باراك وبوش غير الخراب ؟
شيسيل (محتدة إنما باردة) : أنا اللي بسأل مش إنتي جلالة الخليفي ، عموماً راح ناخد فاصل إعلاني زغير وراجيعلكو عُشّـائي المشاهدين .
(الفاصل الإعلاني : بمرافقة موسيقى تصويرية ـ فاغنرية ـ وتحت نصب الحرية في الباب الشرقي من بغداد جنود أمريكيون مدججون بالأسلحة يحيطون بدبابة من نوع برادلي وبينهم مجموعة أطفال عراقيين يتدافعون للحصول على الحلوى التي راح يوزعها عليهم كولونيل مستغرق في الضحك ، وفي نهاية الإعلان تبرزعلى الشاشة كتابة بالعربية تقول : قوات التحالف الصديقة جاءت لخدمتكم .)
ينتهي الفاصل الإعلاني فتطل علينا شيسيل بوجهها المتصابي إنما الإكسباير :
عُشـّائي بؤبؤ عيني المشاهدييييين بنكمل معكو حوارنا الساخن متل الأحداس مع الخليفي الخارت .. ، كنت سألتك أبل الفاصـل عن سر كراهيتك لشخصيات متل الوزير باراك والرئيس بوش والوائع إنتي ما جاوبت بصراحا . خليني أعيد عليك السؤال بطريئا تانيي : إزا كان الناس في تل أبيب وواشنطون كل ما إتئدموا بخطوي عالسلام بيئوموا الجماعة بغزي والضّفي وغير غزي والضّفي يفتعلوا المشاكل ، طب كيف دخلك بدّو يعم السلام ؟ مش بس هيك : كمان بيصيروا يتباكوا عالكهربا والشرب والأكل والدوا والشوكولاتا ماركة تويكس اللي بحبها موت ومعبر رفح ، يعني برأيك كيف بدها تزبط هيك معادلي ؟
جلالتي : شوفي ست شيسيل ، أنا لو كنت أعرف إنك راح تشطحي لهاي الدرجي كان ماجيت عهالبرنامج الزفت ، ينعل الساعة اللي خلتني أستجيب لرأي مستشاري للشؤون السخافية وأوافق عالإشتراك معك بهاي المسخرة .. أنا منسحب .
( إنسحبت فعلا ) لكنهم عرضوا الحلقة المسجلة في موعدها الإسبوعي وهذه تكملتها :
شيسيل (مرتبكة إنما وقحة) : جلالة الخليفي ليش بتزعل من الحئيئا ؟ .. إصبعك جلالتك ما ممكن يغطـّي عالشمس ، شمس الحئيئا ساطعة والطئس ياي محلى الطئس عُشّائي المشاهدين ، بجنن مووووت موت وفيكو تتفضلوا معي نروح نسبح مع بعض ونلعب على كورنيش السلام والوئام في الشرء الأوسط الموديرن آخر موديل ، ياي شو دموّا خفيف ستايل الشرء الأوسط الموديرن وهوي لابس مَـيـو العولمي .... ياي ، هنا بالضبط قمت أنا بتكسير التلفاز بعد أن قررت مقاطعة وسائل إعلام كوكب الأرض كلها بفضل شيسيل غوري وقناة شيسيل غوري وزمن شيسيل غوري .. ، غوري عن سماي .
الخارط
خليفة الموحدين في درب التبانة
كتب للتو أمام باب المحكمة الكونية لجرائم الحرب التلفزيونية الكائنة في برج الثور
بنرحب بيك جلالة الخليفي الخارت وإزا بتحب هاي كمان بوستين ، وحدي من تيار المستئبل والتانيي من تيار الماضي .. هيء هيء .. هيء هيء .. خفيفة دم مش هيك ؟
جلالتي : إحـِمْ إحـِمْ (يعني أنا تنحنحت) .. ، شكراً ست شيسيل إنتي فعلا خفيفي بالمرة لدرجي إنك ما ببتأثري لا بالجاذبيّي الأرضيّي ولا السماويّي ، إنتي مش محسوبي لا عالأرض ولا عالسّما .
شيسيل : ندخل بالأسئلي جلالة الخليفي .. ، دخلك شو إصـتك مع إيهود باراك ؟ إنتي ليش حاطط نئرك من نئرو .. يعني عشان هوّي تحسس شوي على جثة دلال المغربي أبل تلاتين سني خلص صار وحش ؟
جلالتي : أيش اللي اتحسس شوي ست شيسيل ؟.. هذا الجزار إنتي وأنا وكل الناس على هذا الكوكب وغيرو بعرفوا شو سّـوا بحق الشهيدي دلال وغيرها .. أعذريني شو هالتخبيص من حضرتك ؟
شيسيل (ضاحكة) : خلينا نئووووول كان بين أوسين (يعاين جثة دلال ) ، يعني عشان عاينها وهيي ميتي تئوم إنتي تشطبو من سجلات درب التباني ؟ بلاش باراك ، طيب شو عِمل لك دخلك الرئيس بوش لحتى تحمل حملتك الشعوا عليه ؟ أكتر من إنـّو حرر العـرائيين من العبوديي ؟ .. وأكتر من إنـّو أعلن مشروع الدولي الفلسطينيّي ، شو بالزبط المطلوب من بوش لحتى ترضى عنـّو ؟
جلالتي (بعصبية) : إللي بسمعك ست شيسيل بقول هاي من غير مجرّا، إنتي صحيح خفيفي بس مش معقول لدرجة إنك إتطيري للسما السابعا ؟ شو هاظ ؟ كيف بدك إياني أجاوب على أسئلي إسمحي لي أقولك : ماسخه ؟ إنتو العرب على كوكب الأرض شو شفتو من أشكال باراك وبوش غير الخراب ؟
شيسيل (محتدة إنما باردة) : أنا اللي بسأل مش إنتي جلالة الخليفي ، عموماً راح ناخد فاصل إعلاني زغير وراجيعلكو عُشّـائي المشاهدين .
(الفاصل الإعلاني : بمرافقة موسيقى تصويرية ـ فاغنرية ـ وتحت نصب الحرية في الباب الشرقي من بغداد جنود أمريكيون مدججون بالأسلحة يحيطون بدبابة من نوع برادلي وبينهم مجموعة أطفال عراقيين يتدافعون للحصول على الحلوى التي راح يوزعها عليهم كولونيل مستغرق في الضحك ، وفي نهاية الإعلان تبرزعلى الشاشة كتابة بالعربية تقول : قوات التحالف الصديقة جاءت لخدمتكم .)
ينتهي الفاصل الإعلاني فتطل علينا شيسيل بوجهها المتصابي إنما الإكسباير :
عُشـّائي بؤبؤ عيني المشاهدييييين بنكمل معكو حوارنا الساخن متل الأحداس مع الخليفي الخارت .. ، كنت سألتك أبل الفاصـل عن سر كراهيتك لشخصيات متل الوزير باراك والرئيس بوش والوائع إنتي ما جاوبت بصراحا . خليني أعيد عليك السؤال بطريئا تانيي : إزا كان الناس في تل أبيب وواشنطون كل ما إتئدموا بخطوي عالسلام بيئوموا الجماعة بغزي والضّفي وغير غزي والضّفي يفتعلوا المشاكل ، طب كيف دخلك بدّو يعم السلام ؟ مش بس هيك : كمان بيصيروا يتباكوا عالكهربا والشرب والأكل والدوا والشوكولاتا ماركة تويكس اللي بحبها موت ومعبر رفح ، يعني برأيك كيف بدها تزبط هيك معادلي ؟
جلالتي : شوفي ست شيسيل ، أنا لو كنت أعرف إنك راح تشطحي لهاي الدرجي كان ماجيت عهالبرنامج الزفت ، ينعل الساعة اللي خلتني أستجيب لرأي مستشاري للشؤون السخافية وأوافق عالإشتراك معك بهاي المسخرة .. أنا منسحب .
( إنسحبت فعلا ) لكنهم عرضوا الحلقة المسجلة في موعدها الإسبوعي وهذه تكملتها :
شيسيل (مرتبكة إنما وقحة) : جلالة الخليفي ليش بتزعل من الحئيئا ؟ .. إصبعك جلالتك ما ممكن يغطـّي عالشمس ، شمس الحئيئا ساطعة والطئس ياي محلى الطئس عُشّائي المشاهدين ، بجنن مووووت موت وفيكو تتفضلوا معي نروح نسبح مع بعض ونلعب على كورنيش السلام والوئام في الشرء الأوسط الموديرن آخر موديل ، ياي شو دموّا خفيف ستايل الشرء الأوسط الموديرن وهوي لابس مَـيـو العولمي .... ياي ، هنا بالضبط قمت أنا بتكسير التلفاز بعد أن قررت مقاطعة وسائل إعلام كوكب الأرض كلها بفضل شيسيل غوري وقناة شيسيل غوري وزمن شيسيل غوري .. ، غوري عن سماي .
الخارط
خليفة الموحدين في درب التبانة
كتب للتو أمام باب المحكمة الكونية لجرائم الحرب التلفزيونية الكائنة في برج الثور
- رتب حسب
- الأحدث
- الأقدم
التعليقات: 3