دار الفلك شعر:احمد ابوحج

دار الفلك

والندل فى الحاره امتلك

وابن الهفيه صار مدير

ميهمهوش اتخن وزير

أبن الهفيه صار بياخد فى القرار

ويسوق دلاله كأنه سايق فى الحمار

هوا اللى كتب الأسئله

واصبح كمان ا بيسألك

أبن الخسيس خلوه يهيص

حبه حبه يصير رأيس

ما احنا فى الزمن التعيس

أصل الهفيه يابشر

دخل البوليس

لو يوم شكيت أو يوم بكيت

هيبهدلك 0000

دار الفلك

شفنا العجب

والكوسه وصلت للركب

ما عدشى يفرق عندهم

لحم البتلو من الرطب

اوكان بطاطس أو دهب

كله أدب 00

اللى بيكتب فبركه

عاوز يخش المعركه

يحسبها فته أو طبيخ او فزلكه

قلة ادب 00

أحنا كده صنف العرب0000

دار الفلك 000

والدار سكنها المهوسيين 0

ما احنا فى الزمن الحزين

ها تقول لمين تشكى لمين

انت السبب 000

جبت الهفيه يمثلك 0000

دار الفلك 000

وانت تاريك ملكاش طلب

لو يوم ساووك بين الرؤوس 0

أو علقوا فى ديلك فانوس 000

ملكاش طلب 000

انت كده طبعك كده

زى الصغار 000

بتحب تمضغ فى الحوار 00

انت السبب

جبت الهفيه يمثلك 000

دار الفلك

00000

شعر احمد ابوحج

شاعر صحفى

من سيناء