* لُطْفْ وْعُنْفْ * للشاعر: سيمون عيلوطي

* لُطْفْ وْعُنْفْ *

للشاعر: سيمون عيلوطي

* مرار *

سْنين تُمْرُق عا فَراقِكْ

بِالمَرارْ

مَرَّه بُكا مَرَّه ألَمْ

مَرَّّّّّه دَمارْ

يِرْحَمْني طيفِك ...

عِنْد ما يِطْوي النَّوى

أقْضي معاكي الليل

بِاسْرار الهَوى

تاري الحِلِمْ ...

ماخِذْني في

موجات نارْ !!.

***

* ليش *

مِشْتاقْ أضُمِّّّّكْ ...

مِثِلْ ما كُنَّا زَمانْ

هَمْسات حِلْوِه ..

مْباوَسِه ، حُب وْحَنان

وِانْ غِبْتْ مَرَّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّه

تْجِننِّّي مِنْ دون الغَزَلْ

ما تِهْدي إلاَّّ انْ عُدْت

مَع كُل القُبَلْ

واليوم شو الي صارْ

يَ عْيوني وْجَرى

ما عادْ يِجْمَعْنا زَمان

وْلا مَكان ؟؟؟!!!.

***

* لُطْفْ وْعُنْفْ *

ناعِمْ كَلامِكْ ...

كان يُعْبُقْ بِالعِطِرْ

مِشْ مِثْلو بوساتِكْ

وَلا سِحْر الصِّّّّّدِرْ

يوخِذْني في موجاتو

عَ جْناح الحِلِمْ

في العالي أتْعَشْبَقْ *

شَبابيكْ النِّجِمْ

تيجي تْزوريني ...

أزِحْلِكْ كْوام العَتِم

تِتْشَلْقَحي * عا صِدَري

لَ طْلوع الفَجِرْ .

***

شو تْرَيِّّّّّّّّّّّحيني

وِانْتي تِقْريلي شِعِرْ

وِتْهَلِّليلي ..

نَغَمْ يِسْكِرْني سِحِرْ

إهْدى حَبيبي نامْ

عا ضيِّّ البَدِرْ

لِمْخَدِّّي صِدْري... وِالغَطا

خُصَل الشَّّّّّّّّّّّّّّّّّّّّّّّّّّّّّّعِرْ .

***

شو صارْ

جُنونِكْ دار

موجْ وْعاصِفِه ؟!

يُجْرُفْ وُعودي وِالهَنا ..

والعاطِفِه

وْيِنْعَفْني ...

عا مَدِّ البَحِرْ ؟؟؟!!!.