بأرفض اكون للشاعر:أحمد حامد العزيزى

بأرفض اكون


للشاعر/أحمد حامد العزيزى

أعرف كتير اتوحدوا فى الموت

كل اللى مات منهم مات مكبوت

وانا بارفض

يا ناس

يا خلق

يا هوووه

أموت كده زيهم بداء السكوت ..

بارفض النور من اللى بيصادر الشمس

بارفض بالصوت كل لغات الهمس

بارفض احلامكم لبكره

وانا بعيش الامس ..

بارفض اكون زى غيرى ماليش لازمه

لون الشراب كل همى وبريق الجزمة

وهموم الناس حوليا ..

من رغيف العيش للميه ..

حتى الهوا فى ازمه..

[email protected]