حلم الوطن الواحد بقلم:فايز عمر بديع

حلم الوطن الواحد

بقلم: فايز عمر بديع

حلمت حلم يا ريته يتحقق

قلت أسجله يمكن في يوم يتحقق

حلمت بعلم واحد لوطن واحد

مش محتاج لجامعة تجمعه

ولا لرسام لاعلامه يرسمه

ولا لعازف لكل بلد يعزفه

جامعة الدول العربية قفلوها

لانها شهادات بلا مجموع

ودخولها كان بلا تقدير

وكبيرها من العلم أمية

مش معترف بها

عند الصبي ولا حتى عند الولية

اجتماعات ومشاورات

وقرارات تحتاج لأدوية

ومال ضايع لو وفروه

ليتيم أو مريض عندهم هدية

أمتى تكون يا وطن

بلا فيزة ولا إقامة

مش مهم اللبس

إن كان جلابية أو بجامة

ولا حدود وسلوك

ولا مدفع ودبابة

وتبقى العملة واحدة

وقتها منقلش للخير زم

ولا نلاقي عانس ولا بطالة

ولا سيد وخدامة

وفهمنا مش محتاج لفهامة

دا إحنا عددنا يا ناس

أقل من الصين وسكانه

والخير لو وزع بينا

هايفيض ويروح لأجيالنا

وأسألوا عن بئر زمزم

لما كان الدعاء لإسماعيل من أم

واعتصموا بحبل الله

كلمة وقالها إللي خالقنا

إن القوة في الوحدة للعدو تصم

مش بترول ولا نووي

ولا حماية أميركي أو روسي تهم

دا حلم يا ريته يتحقق

قلت أسجله يمكن لغيري يتحقق