الوداع بقلم: شاعر الدمعة

دخيلك يا فراشة اعذريني ///// وعلى هيكي حكي لا تواخذيني

ما زال الجرح دامي بنزف دمي/ كيف الجرح لو ينزف سنيني

انا طفل وعم بنادي يا امي////// يا ريتك ولو لحظة تحظنيني

انا من حقل ورد العمر ضمي/// يا دنيا من الحقل لا تقطفيني

انسكب عمري عطر ع شفاف كمي/ يا نسمة مع الف شمي احمليني

لمحبوبي وياريت تظل شمي///// معو ذكرى بعد ما تهجريني

انا بحّار عم صارع بيمي//////// بموجاتك خذيني ورجعيني

واذا بفشل معك بأول مهمي///// بمهمي ثانية ما بتهزميني

يا سمرة بدمع عينيي استحمي/// ال عم بتذرف بشهقتها حنيني

بطيفك التقيت وصار همي///// يكتبني وبثمك تمسحيني

انا شمعة عليكي مستهمي//// / برقة لمس ايدك لمستيني

وحرقتيني بليلك تا تلمي////// دموع النور من وهجة حزيني

وتركتيني وقلت يا بنت عمي//// قبلتي تشعليني وما قبلتي

تطفيني بعد ما تشعليني