حمام البال (( على حيطان سجــّاني )) بقلم: أسماء أبوالرب

هذه الأغنية كتبتها أنا(( أسماء)) ، ولحنها : نبيل .... وغنــّاها : غسان الشيخ ابراهيم...

***********************

(( الموّال ))

رفرف حمام البال وجابـِكْ على بالي ...

واشعل جرح ما نام وضل صاحي بعظامي ....

ورجعني للموال .... والهب حنين اشعار

ودغدغ جرح ما نام وضل ينحت اضلاعي ....

روح يا حمام البال

وخذلي معك مرسال

وضملي من الأحضان حضن امي الدافي ...

روح يا حمام البال واوقف عشباكي

وسلملي عالختيار

الناطر ع ميعادي

وقله أنا ما نسيت وبعدي ع ميعادي

وان كنت انا ضحيت

قبلي إنت ضحيت

ماشي أنا بدربك

وبدرب رفقاتي ....

ما يهم العمر لو ضاع لان العمر فاني

بس الوطن لو ضاع ما في وطن ثاني ....

===================

(( الأغنيـــــــة ))

على حيطان سجّاني

كْتَبِتْ هالأرض حرة

وما منبيع ولا نهادن

لانْ جُوّه القلـِبْ ثورة

على حيطان سجاني

رْسَمِتْ وردتي بْدمعة

اتشمت فيّا سجاني

وقال مْن الألم دمعَه ْ

*************

صوتِكْ في القلب جمرة

صحّت ليلـِيْ الغافي

وحُضنِك لمه يتخبى بْصدري

تِطرب شفافي

واغنيكي ،، فلسطينا

فلسطيني أنا فداكي

على حيطان سجاني

رْسمتك يا أرض حرة

وما منبيع و لا نهادن

وبرضى بعيشِتي مرة

وما منبيع بالمرة...

===================