غصن العمر بقلم:عبد الله البرغوثي

مشتاق شوفك ولو لمحة نظر بالعين///// واقشع حلاك ال حرقني وصعب تطنيشو

ويصير صوتك يوشوش بين كلمة وبين// كلمة وبجسمي سحر يعصر وشاويشو

ويذوب فيي مثل ما الكحل عالجفنين ///// ذاب بدموع الغلا كل ما بقوا يشيشو

يكتب ع صفحة حياتي بخرطشي حرفين/// يبدى رادار الهوى يحلّل خراطيشو

وألمح ع صدرك انا من طلّتو برجين////// كل برج مثل السجن عالباب شاويشو

ياما عليكي بفزع خافوا سوا الاثنين/////// ومنعوا دخول الهوا من دون تفتيشو

وخصرك بأرضو معسكر نشر عالميلين// يقظة جنود الحلا ولبسوا زراكيشو

تا نزل قلبي ومشى بجرأة بعد مترين////// جندي اثيوبي مشيها بأرض مقديشو

يا ريت تبقي ومعي تظلّي بهاليومين///////انتي لطير الصبا وطير الامل ريشو

قلبي وقلبك ع غصنك فرّعوا غصنين///// لو راح غصنك يا سمرة كيف بيعيشوا


A.S.T