سألتيني عن نفسي بقلم:الأسـير

سألتيني عن نفسي قلتي من تكون

خلاص تجاهلتي وصرتي ما تعرفيني

انظري وشوفي ما تقوله عني العيون

بتعرفي اللي جرا منك وصار فيني

أنا إللي أهديتك حبي وقلبي الحنون

أنا إللي رهنت لك عمري وأغلى سنيني

أنا إللي سباني رمشك وقلبي لقلبك مرهون

وانت هى عمري وإذا مرضت هواك يشفيني

أنا اللي أخذت حبك على الزمان لي عون

يا قصيدة عمري وأغنية رددتها من تلحيني

حبك وهواك داخل جوف الجوف محضون

وكل منيتي إنك تكون ملك يميني

يا أغلى من حياتي وأجمل من الؤلؤ المكنون

أترجاكي وأقولك من قسوتك ليني

يلي حياتي كلها بدونك أبد ما تكون

والعنا في بُعدك يا روح الروح ما هو ناسيني

أشوف قسوه وتكشيره في نظرات العيون

يا هل ترى وش صار بينك وبيني

حرام تقسي علي وانتي صاحبة القلب الحنون

حرام تخلي الدمع حاير وسط عيني

يا مزيون إنت الوحيد اللي على قلبي تمون

وما في احد غيرك قلب لي موازيني

يا عمري , قلبي فيك ما يقدر يخون

بتبقى روح الروح ولو صرتي تتجاهليني

بيبقى عمري لعمرك رهن ولهواك مرهون

انتي معذوره حتى انا اوقات احترت فيني