للشاعر جمعة عبد العال ..كتبتها بعد قراءة خبر اعتقاله فك الله أسر وقيد أسرانا اللهم آمين ...

يا فسطيني

جمعة يا حامل همي وطيني

أهي دي أسودي ..,اهو دا عريني

تحمل ايدك ألف غلال

وبأحلامك تبقى هلال

يكبر يوم عن يوم وتجيني

تكشف ستر الظلم بايدك

تبني المجد بكلمة تعيدك

عمر بحالو

قلها ومالو

واسمع نبض الحلم الجاي

تكتب.. تشجب.. تنكر.. تعلن.. ألف إزاي

اصبر صبرك شوكه ف.دينهم

اصبر سجنك حر ف.عينهم

أنت الحر

ولحمك مر

علقم طعم الحق ما بينهم

أيوه يا خويا :

لو طال جسمك لفحة برد

وانت أسير الخير والعرض

ارفع راسك

واشرب كاسك

قدره توفي صدق الوعد


أيوه يا خويا بشربة ميه

ذرة ملح ولقمة طرية

تشبع

تقلع

كل بذور الشر الجاية


أيوه يا خويا لو حسيت جسمك مهدود

وابن الجن عايش مسنود

قوم واتوضى ربك هالك عاد وثمود

اسجد

واسكت

شوف أيوب لما تصاب بالموعود

ايوه يا خويا :

بكره هترجع نجنى حروف العز ما بينا

نمسح دمعة ونشرب شهد الصبر فى دينا

إيدي على ايدك وفوق الإيد رب يعينا