رئيس الديوان
وحساباته
في كل زمان ومكان
خرم الاوزون
وفتح جيوبه
ورضينا بعيوبه
وهوراضي بذنوبه
-------------------------------
قصدي اقول
يا سامعين الصوت
اللهم صلي على النبي المصطفى
ان رئيس الديوان
عند السلطان
فاكر ايام زمان
كان بيشتغل شمعدان
ينور ويطفي
ويمسك طفاية السجاير
وينحني
وهو بيلمع الاماكن
عشان في الاخر يتقال
انه رئيس ديوان
---------------
واحنا كنا بنحسده
ان مكانته جنب ريسنا
وريسه
اتاريه ياعيني
ماسك مقشه وبيلف فيها
طول النهار
ماحدش يبص له
ولا حد يهدهده
خصوصا لما تبقى حفله
او يكون صوان
ثور في الساقيه
ولا يحكم على اهل بيته
ولا يقدر يقول الاه
تعبان ياعيني
والناس حاسدينه
انه اترقى
وصار رئيس الديوان