مسابقة جرنوسبة جديدة
أحسن تعليق له مني قصيدة شعر
ولجنة فرز التعليقات والتقييم هي الصومعة الأعزاء


مهما يحصل بنحبك يا مصر
الشاعر محمد عبد الفتاح الجرنوسي الصغير



لأنك وطنَّا الجميل الحبيب باحبك يامصر
أصيلة وحبيبة .. ونورك قمرنا في كل عصر
وشمسك بتدخل ف بيت الغلابة وتدخل ف قصر
وأمرك دا واجب علينا ونصرك طريقي يا مصر
***
ركبنا معاكي المخاطر سفاين وروحنا وجينا
لأنك وطنا اللي عايش ف روحنا ومنَّا وفينا
وزيتنا ف دقيقنا وأزمة تعدي وأزمة تجينا
وبرضه نشيلك ف عينا وروحنا فداكي يا مصر
***
لا يضحك علينا شيطان الدسائس ومكره الكسيح
ف كشحك ونجعك ومنيا وأرضك سقط كام جريح
لكين اللي حبك نزيده محبة ف حب المسيح
ديانة و كنانة وكل المكانه ف حبك يا مصر
***
يطهر ترابك أبانوب كمال بدم الشهيد
معاه مينا حلمي وأيمن وبولا وإبشوي فريد
معاهم رفيق.. يعوض علينا شبابنا الفقيد
خسارة اللي ضاعوا يا ريتهم ما ضاعوا خسارة يا مصر
***