الوصيه


صدقنى يا بنى....

الناس فاكرنى خلاص اتجنيت.....!

أكمنى بكتبلك وصيتى

قبل مايشوفوك فى الحياة هليت

ما يعرفوش إن الحياة .. ملفوفه بخط عنكبوت

وإن الوصية مش عشان تعيش أنت


لأ لأنى بموت...

من كل كلمة رديه’.... من كل نظرة غبية..

من فلسفة... ووعود...

وأصحاب .. بس بالكلام

أخوات .. عشان زمااااان

كنا مع بعض بنباتاب بس بالكلام..

ولون عنينا وأسمنا من نفس بطن الذات

وأب ماهموش غير أنه يحس أنه موجود

وأم شايله الهم .. تفوق من هم على تل هموم..

ومستغربين ليه ما فكرتش انى اتجوز..

فاكرنى هعنس..

واللى بيته من قزاز .. جه يحدفنى بالطوب

كتبت لك وصيتى ونا عقلى بيفكر .. ف الهروب

ازاى أجيبك وأنا..

لسه فى الحياة … مغلوب..وعشان أختارلك أم

لازملى تل ذنوب..

أسرق .. أغش .. أنافق ..

أكدب وأقول موهوب..

وأيديا مستعجله تكتب حروف الخوف من المكتوب

وعنيه بتبحلق.. ياترى..

هتكون ولا مش هتكون..

ولا كل اللى كتبته قضى.. وهموت..

قبل من تكون مولود..؟

ماهو ما حدش عارف نصيبه.!

ولا يعلم سر الوجود... غير رب الوجود

وإيمانى بكده خلانى أصمم.. أكتب وصيتى

يمكن فى يوم تقراها.. ويمكن منها أهتدى!

أو تنفع أب تانى .. بيعانى

من نفس وحدتى...

وفكر أكيد فى الموت..

كلمات الفنان التشكيلى / حسين راشد

أمين لجنة اعلام حزب مصر الفتاه