يافال الخير ياوجه السعد
أقشع البدر بوجهك قشع
انت الحسن والدلال
الغنج يتددل على الدلع
حسن الخصال فيك منهج
وطيبة القلب عندك طبع
انا فيك الراس والميراس
المخ والعقل بحبك انصرع
بحبك يا حبيب الروح
جدار القلب صار فيه صدع
خفة الظل تلبسك على مقاسك
ربي فيك الفتنة والجمال وضع
يالغزال خفف قطعت النفس
شريان القلب من ركضي انقطع
إلك انا بحر انت فيه الشط والمي
مد وجز وموج يتمرجح
على صدرك ياطير البجع
شبعان من يومي ماجعت
الا منك ماعرفت الشبع
قبل ما اشوفك ماعرفت الاسى
مع كل فكرة بصدك يجيني الهلع
مهما رماني واخذني الهوى
مصيري الك ارجع رجع
انت الحزن والفرح
الجود اللي منح
الخيال اللي سرح
السم والترياق
انت الداء والدواء
لما ياحبيبي يغافلني الوجع
انت لي الشجر وانا لك الاغصان
لمايحملها ويدندلها الفرع
بؤبؤ عيوني يالحلو انت
خد وسال بمروجوا الدمع
اخمد لهيبي وناري بالجوا
وهج الهوى يلسع لسع
انا الجار والمجرور فيك
وانت لنصبي الرفع
احبك وما اخجل اقول احبك
جايب سنابل ود جفت بسهولي
بينابيع ودك تاانقعها نقع
عمري
حياتي
حبي
قليبي
اجمعهم واخزنهم بصدف البحر
واخليهه يستوا بنار الغرام
ولما يتنهنهو اعلقهم عقد على صدرك
تايظل عليه يلمع لمع
هذا عهدي اللي قطعتوا الك
يومن بكيت وقلتلي ماحدا
غيرك لقليبي نفع
واذا ماكفاك قلي تا اربعلك
او اكعبلك على الأس الدفع
وازيد عليه شوقي الي اندفع
بس اصدق ياحبيبي مره
وخللي اللي ماسمع يسمع
هذي مصاريع قلبي مشّرعة إلك
تدخل بدون ماتقرع قرع
انت الضوء اللي يضوي عتمتي
بدون ما اشعل قناديل الشمع
واخللي الحروف تصفّق لبعضها
والكلام بحبروا يلسع لسع
ارحمني وارحم فؤادك
بدال ماتخلي الثغر يجف
بعد ما للريق يبلع بلع
اوتار تغني اجمل الالحان
على ابواب الحبيب تاعند
قاضي الهوى إلي يشفع شفع.
10102008
الشاعر الامي.
(كتبتها قبل عام تقريبا ولم انشرها)