اليوسف أفندي حقيقي ابن عم البرتقان والقمر الدين والتين والأراسيا غاليين حبتين , من هنا استغلت شهر زاد شهريار وطلبت تشرب قمر الدين لزوم الحدوته والراجل طلع كريم وحاول يصالحها وغني لها أغنية حليم زي الهوي يا حبيبي ...وشوقي ليكي عظيم , وشهر ما صدقتش ودانها وردت وقالت : متي ستعلم كم أهواك يا أملا ..باحبك وحبك شئ في الصميم...جلست شهرزاد في فرحة غامرة وشهر شعر بأنها الليلة امرأة ساحرة...اعتدلت شهر وتنهدت وقالت : بلغني أيها الملك السعيد إن الناس كلها اتجمعت حوالين المسلسلات وكله وحياتك عشان ملابس البطلات والألوان والعنين الملونة بفضل العدسات وكل واحدة اتفننت ازاي تسرق الزباين لما خلت كل شئ في جسمها مكشوف وباين والصراحة ولا واحد فاهم أي حاجة عمال يجري من محطة لمحطة واكلك منين يابطة وبنات مولعين زي الشطة من نيللي وشريهان لغادة وإلهام وليالي الحلمية ويا عيني عليكي يا صفية ايه اللي رجعك الرجعة الهباب دية ماكنت قاعدة محترمة نازك ست الهوانم وجبتي لنفسك خيبة شديدة قوية , أرجع للمسلسلات وليلي علوي والمضروبة خست وصغرت واحلوت...فجأة بلا مقدمات هب شهريار ونادي مسرور وقال في عنجهية وغرور : عليه الطلاق الولية دي ماهي صابحة علي دنيا وما طالع عليها الفجر , يار جل دي جابت لي القهر عمال أحايلها واغنيلها مفيش فايدة نسوان المسلسلات جابوالها الهبل من حلاوتهم من أول يوم ف الشهر خلاص تاهت مش مركزة نهائي بتجيب كلمة من الشرق وكلمة من الغرب وكلها ساعة ويإدن عليها الفجر , با قولك ايه يا فار الششم والششم هي الماء العفن الراكد...باقولك ايه ياولية عايز أسألك سؤال في ليلتك السودا ديه : هوه محمد رمضان نجم رمضان أحلي مني , أغني مني كل يوم حاضن واحدة ملكة جمال يعني أنا اللي حظي مال ولا كنت عرة الرجالولا مش شغال ؟ ما تردي يا بنت الحلال , مش ها تبطلي لبس العباية وحاطة عليها الشال أنا متجوز غفير ولا الريس متقال ؟ , حواديتك كانت تمشي زمان قبل المسلسلات وقبل البناطيل والباديهات اللي لابساها البنات وأنا راجل برضه ليا مشاعر مش بالعب ف الحارة ويا العيال
قالت شهر ف دلال : باقولك ايه يا ابو الحواديت ما تلم نفسك ولم العفاريت ..آه مش نقصاك ولا ناقصة قعدتك ف البيت أيوه محمد رمضان أحلي منك وراجل شغال بياخد الملايين ومعيش مراته أميرة الأميرات من المسلسلات وبيصيف ف مارينا وشاري لها أجمل الشاليهات وعربيات وف البنوك خد وهات , لكن انت حزين عامل فيها الواد المخلص الدباح وماحد معاك مرتاح روح يالله قوام انزاح من بكره هاتصل بالمخرجين وارميلك كل المجوهرات انا عايزة موضة وأحدث الصيحات , مش ملك هم نايم ف الدار زي الستات دك هم تقيل ويجعل مملكتك اكتر ما هيه شتات ومن النهارده مفيش سكات...قال ايه بيسألوني المانجة ولا الكرات ؟ ههه ويا حلاوتك يا استفندي يا ابن عم البرتقان
قالت شهر ف دلال : باقولك ايه يا ابو الحواديت ما تلم نفسك ولم العفاريت ..آه مش نقصاك ولا ناقصة قعدتك ف البيت أيوه محمد رمضان أحلي منك وراجل شغال بياخد الملايين ومعيش مراته أميرة الأميرات من المسلسلات وبيصيف ف مارينا وشاري لها أجمل الشاليهات وعربيات وف البنوك خد وهات , لكن انت حزين عامل فيها الواد المخلص الدباح وماحد معاك مرتاح روح يالله قوام انزاح من بكره هاتصل بالمخرجين وارميلك كل المجوهرات انا عايزة موضة وأحدث الصيحات , مش ملك هم نايم ف الدار زي الستات دك هم تقيل ويجعل مملكتك اكتر ما هيه شتات ومن النهارده مفيش سكات...قال ايه بيسألوني المانجة ولا الكرات ؟ ههه ويا حلاوتك يا استفندي يا ابن عم البرتقان
