عنجد بدك فيزا؟
لم أعتد أن أكتب باللغة العامية كثيراً، بس اللي بسمعه وبشوفه اشي بجلط. نصف صحابي اللي كانوا معي في الجامعة صاروا بالسعودية، قطر، دبي، الأردن، ويمكن في منهم بأفريقيا الوسطى! بدك فيزا؟ عنجد... أه طبعاً بده فيزا، طبعاً بده يسافر ويطلع من كل هالبلد وعمره ما يرجع!
شو اللي عم بصير؟ سألت صديق لإلي مرة.. قال ولا إشي، بس بتمشي بالشارع بتنخنق، مش من دخان السيارات بس بتنخنق من حالك ومن الناس، وبتزهق وبتروّح. بترجع عالبيت كمان بتنخنق بس مش من عيلتك، من جيرانك اللي مفكرين حالهم عايشين في صحراء وبنفع يزعجوا كل الناس ايمتا ما بدهم ووقت ما بدهم. بتطلع على مطعم ولا قهوة، كمان بتنخنق، مش من الأرجيلة ولا السجائر ولا الدخان، هالمرة بتنخنق وانت تسمع في الناس وشو عم يحكوا!!! كل حكيهم انه بدهم فيزا! ولكم عنجد كلكم بدكم فيزا؟؟
صديق ثاني بدون ما اسأله قال: أنا بفكر جدياً أترك البلد... ولك يا زلمة ليش، ما انت ما شاء الله عائلة وشغل وبيت محترم.... بعدين وين راحت وطنيتك.... قال يا زلمة وطنية مين؟ الوطنية لما بدها تخنقك وتشلحك أواعيك (عفواً منكم) بديش اياها!! ولك بعدين... حتى انت بدك فيزا؟؟
إجاني الدور وقلت لحالي، طيب ما أنا كمان مخنوق.... بس أنا مخنوق أغلب الوقت من دخان السيارات ومن كثر العمارات اللي عم تنبنى في البلد... من مرة مش مخنوق من الشب اللي شغلته وعملته يخزق عينيه في أي بنت ماشية بالشارع حتى لو معها زلمة، ولا مخنوق من هذا اللي مبارح سواقته كانت بتخزي ومع هيك مسك محرمته وكبها بالشارع، ولا من جيرانا، عشان ما بزعجوناش إلا لما يصير عندهم عرس، ولا من هذا الشب اللي عمره بس 30 وصار عنده عمارات وسيارات ما شاء الله بتعرفش وين! ولا أنا من مرة مش مخنوق من المدارس والمعلمين وعدم احترام النظام، وقلة الثقافة، والوسخ اللي بالشوارع، وكثير اشياء.... أقلكم... شكلي أنا مخنوق حالي!.
طيب وآه بعدين اسألوني بدك فيزا!؟ يللا اسألوا.... بدك فيزا؟؟ بدك فيزا؟ بدك فيزا؟
أحمد ياسين
لم أعتد أن أكتب باللغة العامية كثيراً، بس اللي بسمعه وبشوفه اشي بجلط. نصف صحابي اللي كانوا معي في الجامعة صاروا بالسعودية، قطر، دبي، الأردن، ويمكن في منهم بأفريقيا الوسطى! بدك فيزا؟ عنجد... أه طبعاً بده فيزا، طبعاً بده يسافر ويطلع من كل هالبلد وعمره ما يرجع!
شو اللي عم بصير؟ سألت صديق لإلي مرة.. قال ولا إشي، بس بتمشي بالشارع بتنخنق، مش من دخان السيارات بس بتنخنق من حالك ومن الناس، وبتزهق وبتروّح. بترجع عالبيت كمان بتنخنق بس مش من عيلتك، من جيرانك اللي مفكرين حالهم عايشين في صحراء وبنفع يزعجوا كل الناس ايمتا ما بدهم ووقت ما بدهم. بتطلع على مطعم ولا قهوة، كمان بتنخنق، مش من الأرجيلة ولا السجائر ولا الدخان، هالمرة بتنخنق وانت تسمع في الناس وشو عم يحكوا!!! كل حكيهم انه بدهم فيزا! ولكم عنجد كلكم بدكم فيزا؟؟
صديق ثاني بدون ما اسأله قال: أنا بفكر جدياً أترك البلد... ولك يا زلمة ليش، ما انت ما شاء الله عائلة وشغل وبيت محترم.... بعدين وين راحت وطنيتك.... قال يا زلمة وطنية مين؟ الوطنية لما بدها تخنقك وتشلحك أواعيك (عفواً منكم) بديش اياها!! ولك بعدين... حتى انت بدك فيزا؟؟
إجاني الدور وقلت لحالي، طيب ما أنا كمان مخنوق.... بس أنا مخنوق أغلب الوقت من دخان السيارات ومن كثر العمارات اللي عم تنبنى في البلد... من مرة مش مخنوق من الشب اللي شغلته وعملته يخزق عينيه في أي بنت ماشية بالشارع حتى لو معها زلمة، ولا مخنوق من هذا اللي مبارح سواقته كانت بتخزي ومع هيك مسك محرمته وكبها بالشارع، ولا من جيرانا، عشان ما بزعجوناش إلا لما يصير عندهم عرس، ولا من هذا الشب اللي عمره بس 30 وصار عنده عمارات وسيارات ما شاء الله بتعرفش وين! ولا أنا من مرة مش مخنوق من المدارس والمعلمين وعدم احترام النظام، وقلة الثقافة، والوسخ اللي بالشوارع، وكثير اشياء.... أقلكم... شكلي أنا مخنوق حالي!.
طيب وآه بعدين اسألوني بدك فيزا!؟ يللا اسألوا.... بدك فيزا؟؟ بدك فيزا؟ بدك فيزا؟
أحمد ياسين
