الأخبار
علماء فلك يحددون موعد عيد الفطر لعام 2024برلمانيون بريطانيون يطالبون بوقف توريد الأسلحة إلى إسرائيلالصحة تناشد الفلسطينيين بعدم التواجد عند دوار الكويتي والنابلسيالمنسق الأممي للسلام في الشرق الأوسط: لا غنى عن (أونروا) للوصل للاستقرار الإقليميمقررة الأمم المتحدة تتعرضت للتهديد خلال إعدادها تقرير يثبت أن إسرائيل ترتكبت جرائم حربجيش الاحتلال يشن حملة اعتقالات بمدن الضفةتركيا تكشف حقيقة توفيرها عتاد عسكري لإسرائيلإسرائيل ترفض طلباً لتركيا وقطر لتنفيذ إنزالات جوية للمساعدات بغزةشاهد: المقاومة اللبنانية تقصف مستوطنتي (شتولا) و(كريات شمونة)الصحة: حصيلة الحرب الإسرائيلية على قطاع غزة 32 ألفا و490 شهيداًبن غافير يهاجم بايدن ويتهمه بـ"الاصطفاف مع أعداء إسرائيل"الصحة: خمسة شهداء بمدن الضفة الغربيةخالد مشعل: ندير معركة شرسة في الميدان وفي المفاوضاتمفوض عام (أونروا): أموالنا تكفي لشهرين فقطأبو ردينة: الدعم العسكري والسياسي الأمريكي لإسرائيل لا يقودان لوقف الحرب على غزة
2024/3/28
جميع الأراء المنشورة تعبر عن رأي كتّابها ولا تعبر بالضرورة عن رأي دنيا الوطن

حِوارٌ بينَ رُوحَيْن بقلم:د٠محمد طرزان العيق

تاريخ النشر : 2016-05-29
حِوارٌ بينَ رُوحَيْن بقلم:د٠محمد طرزان العيق
حِوارٌ بينَ رُوحَيْن
*****************
كنتْ كَاعِدْ وعمْ أظَبْظِبْ خَلَكَاتِي بهالشَّنطَة٠٠٠٠ تنهَّدِتْ وأنا ساكِتْ وفي دمعَة مِتحَجرِة في عيوني وعَمْ أحاوِلْ أخبِيها
كَامَتْ الطنطورة كطعَتْ صَمتِي و سَألَتْنِي
-وَكْ هالكَدْ إنْتِ بتحبْني؟!٠٠٠
كُلْتِلهَا ;
- أي والله هالكَدْ وأكثر من هالكَدْ٠
سَبّلَتْ عِينيها و إحْمَرَّت شَواطِيها من الخَجَل وكَالَتْ ;
-وأنَا كمَانْ بَحبَّك وبَموتْ عليكْ يا مْشحَرْ٠
كُلْتِلهَا ;
- بَعْرِفْ ومْشَانْ هيكْ أنَا مَبسوطْ و مْعَرِّم ، بَسْ واللهِ اني حَزِينْ ، زَعلانْ ونِفسِي مَكبُوظَة
- عزَّيينْ عليِّي ، ليش خيَّا ، أنَا بِإيشْ أزْعَلْتَكْ؟!!!٠٠٠
- لأ خَيْتَا ، ما عاشْ اللِّي بِدّو يزعل منّك..... انا زَعْلانْ عَليكِي٠٠٠
- آاااخْ ، وانا مِشْ عارفة شُو أكولَّكْ ، حَاسّة بغصَّة بِـ حَلْكِي و كَلْبِي بيِنْغُزْنِي!٠٠٠
- ليشْ يا حَشِيشِةْ كَلْبِي ، أنَا كَصَّرِتْ -لا سمحَ الله- بِـ شِي مَعَاكِي؟!٠٠
- لأ يا سَنَدِي , يَا تَلَدِي ، حَاشَاكْ ، بَسْ شَايْفَك عمْ بِتْظُبّ أَواَعِيكْ وتْحَزِّم شنِتَكْ٠٠٠٠انتِ عم بتشِدْ عليهَا منْ هُونْ ، وأنَا كَلْبِي عَمْ ينعِصِرْ عَصِرْ٠٠
- مَا هُو هَاظَا اللِّي كَاهِرْنِي وهادِدْ حيلِي!٠٠٠
- طيِّبْ هَسَّا شُو أَسَوِّي أنَا بِحَالِي؟٠٠٠
- آاخْ ، يا ربِّي ، والله يابِنْت الحَلالْ ، مِشْ طَالِعْ بإيِدي شِي ٠٠٠
- كِتْبِة وإِنْكتْبَتْ عَلينا!٠٠٠
- الله يلعَنْ ابُو اللِّي كَانْ السَّبَبْ٠
- خَلَصْ ، خَلَصْ٠٠٠تِكْهَرِشْ بِحَالَكْ يا زَلَمِةْ ، رُوحْ الله يسَهِّلَكْ ، بسْ مَا تْطَّوِّلِشْ الغِيبِة٠٠٠
- لأ ، انْشَاالله ، العُودِة كَرِيبِةْ!٠٠٠
- يَامَا اسْتَنِّيتَكْ ، ورَحْ ارْجَعْ أَسْتَناكْ ياحَبيبي
- مْشَانْ الله عِيدِيِهَا لِهَايْ الكِلْمة٠٠٠سايِكْ عليكِي الله ، تعِيدِيِهَا٠
- وَلَكْ خَلصْ عَادْ خَجَّلْتنِي ، مَا انْتِ عَارِفْ اللِّي في كَلْبِي أَكْثَرْ منِّي٠
- عَارِفْ واللهِ عَارِفْ ، بسْ رُوحِي بِتْنعْنِشْ لمَّا أسْمَعَها منَّكْ٠٠
مَسْحَتْ دَمْعِتْها وكَالَتْلِي;
- بَحبَّكْ اكثَرْ مِنْ مَا بتْحِبْنِي٠٠٠ وَلَكْ انتِ رُوحِي وحَياتِي!٠٠٠
- أيوَهْ هِيكْ كُولِيهَا ، بَسْ دَمْعَاتِكْ بْيِكُتْلُونِي ، طَنِيبْ عَليكِي تُصُبْرِي ، مَا بِقِي الَّا الكَلِيلْ ، رَاجِعلِكْ مَهْما طَالْ الزَّمَانْ٠٠٠ أَتْخَافِيش علَيِّي!٠٠
- رُوحْ الله يسهِّل عَليكْ ويصبِّرْنِي ، بَسْ مَا تْطَّولِشْ بِالغيبة!٠٠٠
- ليشْ أنَا بَأكْدَرْ أَطوِّلْها ، خلَصْ أنَا عْرِفتْ الطَّرِيكْ وما عُدِتْ أتُوهْ ولا أَخافْ٠٠٠والله حُبِّكْ هُوِّ الِّلي بِيكَوِّينِي٠
- رُوحْ الله يسَهِلَّكْ !٠٠٠
- خُذِي هَايْ رُوُحِي خَلِّيِها عِندِكْ أَمانِةْ ، عَ بينْ مَا ارجَعْ٠
- هايْنِي سَلَّمْتَك لله و أنَا مِتِّكْلِة عليه ٠٠٠ومِسْتَنْيِّة الزيارة٠٠٠و٠٠٠
- لأ ، شُوْ ''زيَارَةُ'' كُوُلِي الرَّجْعَة ، أَتْعِيدِيهاشْ عَادْ ، إنْشَالله ، بِتْكُونْ ''عُودِة'' هالمَرَّةْ ، مِشْ رَحْ انْسَاكِي ومِشْ رَحْ يِهْدَالِي بَالْ لَحتَّى ارجَعلِكْ٠
- انْ شاءَاللهْ بِتْكُونْ الرَّجْعَة كَرِيبِة!٠٠
- ويلَّلا لَعَادْ٠٠٠طبْعاً ، وبِإِذنِ الله ، كَرِيبِة٠٠٠٠وأَنا عَ فْرَاكِكْ ما عَادْ عِنْدي حيلْ٠٠٠٠انَا منّي وعَلَيْ ما بدِّي أفَارْكِكْ ولوْ حتَّى لِلَحظَةْ ، بَسْ مِشْ طَالِعْ بِإيدِي٠٠٠٠يلَّلا ، الله يخلِّيكِي إِدْعِيلِي
- رُوحْ الله يْوَفكَّكْ ويْسَهِّلْ أمْرَكْ٠٠٠٠هيَاتْنِي كَاعْدِة أستَنَّاكْ
- لا إلَهَ إلا الله
- مُحمَّد رُسولُ الله
- مع ألْف ألْف سَلامِة ، تْرُوحْ وتِرجَعْلي بالسَّلامِة ٠

د٠محمد طرزان العيق
صوفيا / 26.05.2016
 
لا يوجد تعليقات!
اضف تعليق

التعليق الذي يحتوي على تجريح أو تخوين أو إتهامات لأشخاص أو مؤسسات لا ينشر ونرجو من الأخوة القراء توخي الموضوعية والنقد البناء من أجل حوار هادف