الأخبار
ما هي الخطة التي تعمل عليها حكومة الاحتلال لاجتياح رفح؟علماء فلك يحددون موعد عيد الفطر لعام 2024برلمانيون بريطانيون يطالبون بوقف توريد الأسلحة إلى إسرائيلالصحة تناشد الفلسطينيين بعدم التواجد عند دوار الكويتي والنابلسيالمنسق الأممي للسلام في الشرق الأوسط: لا غنى عن (أونروا) للوصل للاستقرار الإقليميمقررة الأمم المتحدة تتعرضت للتهديد خلال إعدادها تقرير يثبت أن إسرائيل ترتكبت جرائم حربجيش الاحتلال يشن حملة اعتقالات بمدن الضفةتركيا تكشف حقيقة توفيرها عتاد عسكري لإسرائيلإسرائيل ترفض طلباً لتركيا وقطر لتنفيذ إنزالات جوية للمساعدات بغزةشاهد: المقاومة اللبنانية تقصف مستوطنتي (شتولا) و(كريات شمونة)الصحة: حصيلة الحرب الإسرائيلية على قطاع غزة 32 ألفا و490 شهيداًبن غافير يهاجم بايدن ويتهمه بـ"الاصطفاف مع أعداء إسرائيل"الصحة: خمسة شهداء بمدن الضفة الغربيةخالد مشعل: ندير معركة شرسة في الميدان وفي المفاوضاتمفوض عام (أونروا): أموالنا تكفي لشهرين فقط
2024/3/28
جميع الأراء المنشورة تعبر عن رأي كتّابها ولا تعبر بالضرورة عن رأي دنيا الوطن

فضفضة رسالة لكل متطفل بقلم:رضوى ابراهيم

تاريخ النشر : 2016-02-11
فضفضة رسالة لكل متطفل بقلم:رضوى ابراهيم
 فضفضه ...رساله لكل متطفل  
المتطفل ده غالبا يا إما بيكون شديد الحب ( وده نادرا) ... يا إما شديد الكره والحسد والحقد للشخص المتطفل عليه (ودول الغالبيه العظمي)!!!!! تلاقي أشخاص حاشرين نفسهم في كل حاجه في حياتك ... إنت أكلت إيه النهارده! خرجت فين! عنستي ! القطر فاتك ! اتجوزتي ولا متجوزتيش! خلفتي ولا لسة مخلفتيش! إيه سبب طلاقك ! متخانق مع مراتك ليه! متخانقه مع جوزك ليه ! طيب ايه اللي بيحصل في بيتك ! في شغلك ! في حياتك ! ودي النوعيه الأولي من المتطفلين... ومبيكنش غرضهم حب ... اطلاقا ... عايزين يشمتوا ! أو يلاقوا حاجه يتكلموا فيها ! وغالبا دول مش بيتسموا متطفلين بس ! خالص ... بيطلق عليهم كمان لفظ ... اللباخين... وتعني كلمة لباخين باللغه المصريه الشخص الذي لديه القدره علي توقيع واثاره الفتن في بلد بأكملها .... والنوع ده ... عامل زي الوباء منتشر انتشار غير عادي في حياتنا ... لا بينفع معاه رش ولا بودرة ولا شبشب ... لكن ينفع معاه الاجتناب ... وإنك تحرجه ومتعرفهوش أي حاجه عنك ... لانك بالطريقه دي إنت بتموتوا ... علشان مبيقدرش يوصل لغرضه! وبيصبح لا علي حامي ولا علي بارد ...النوعيه دي رخمه وبتجيب مشاكل بس مشاكلها أقل بكتير من النوع التاني اللي هنتكلم عنه ...كبير النوع الأول في الكلام بيكون الشماته و نقل الكلام من شخص لشخص ... تناول سيرة الناس في كل المجالس ...
أما النوع التاني ... بيكون في معظم الأحيان خفي ... مش ظاهر شره...عامل نفسه حبيبك ... بيخاف علي مصلحتك... بيكون عمال يدعبس وراك طول الوقت عايز يعرف كل صغيره وكبيره عن حياتك ... قاعد يدور في الفيس بوك بتاعك وفي الاصدقاء اللي بيعلقوا ليك واللي بيعملوا إعجاب .. و مش بس كده دول بيدوروا فى تفاصيل تفاصيل حياتك .. قرايبك .. اخواتك .. اصحابك .. نقط قوتك  ، نقط ضعفك  ... يمكن يطلع بمعلومه ... دايما عايز يعيشك داخل نظرية المؤامره ... وانه حامي الحمى ليك وهو المنقذ الوحيد ليك ...ممكن يوصلك لمرحله إنك بتفقد الثقه في كل اللي حواليك ... ما بتكونش عارف وقتها مين بيحبك ومين بيكرهك ... دا ممكن يشككك حتي في نفسك .... ومبيوصلش المتطفل الخفي للتشكيك ونظرية المؤامره فقط ... لا ... دا ممكن وغالبا بتوصل للأذيه الفعليه ... ماهو عارف عنك كل حاجه ... المتطفل من النوعيه دي بيكون حاقد ... والحقد بيولد الغل ...  والمتطفل لو بيتمتع بذكاء حاد ... بيعمل نفسه حبيبك وبيساعدك وخايف عليك ... وبيجمع من خلاللك ومن خلال الناس اللي حواليك بأكبركم من  المعلومات عنك ... تلاقي هوب ضربه جايالك مش عارف دي جتلك منين وفين وإزاي ... ويظهر هو علشان يطبطب ويعمل حبيبك !!! وفي نفس الوقت هو بيكون من جواه سعاده غير عاديه وهو شايفك عامل زي الفرخه المدبوحه .... النوع ده بقى صعب  القضاء عليه ولكن ممكن ناخد حرصنا  بشوية حاجات :
*أسرارك تبقى جواك محدش هيعرف يحافظ علي أسرارك غير نفسك  لو مقدرتش !!!! يبقى متلومش غير نفسك ...
*تدعي ربنا دايما إنه يبعد عنك ولاد الحرام وأي أذي ممكن يمسك
فيه رساله عايزه أوجها لكل شخص حصل معاه كدا :
من فضلك إوعي تقع وتشمت فيك حد ... أوعي توصل إنك تحس بالوحده وبخذلانك من الناس ... أوعي تسمح لحد أنه يخلق جواك كلاكيع
وفي الأخر نفسي أوجه رساله لكل متطفل :
من فضلك أيها المتطفل الفضولي الحاقودي :
متحاولش تخلي عقدك تسيطر عليك  لو مش هتقدر تساعد حد يبقي بلاش تكون سبب في أذيته ...لو إنت مش عارف تكون سعيد بلاش تكون سبب في تعاسه حد ... وأعرف أن الحياه داين تدان ....
 
لا يوجد تعليقات!
اضف تعليق

التعليق الذي يحتوي على تجريح أو تخوين أو إتهامات لأشخاص أو مؤسسات لا ينشر ونرجو من الأخوة القراء توخي الموضوعية والنقد البناء من أجل حوار هادف