يا ثورتنا شدّي- أغنية شعر : نصير أحمد الريماوي

أغنية
يا ثورتنا شدّي

شعر الكاتب : نصير أحمد الريماوي

يا ثورتنا شدّي.. شدّي
وصوتك عالي لا تتهدي
بكرة الأمل بيعلا ويكبر..
طيري...طيري لفوق وهدّي
بأرض فلسطين المعمورة
دايما تبقى بأحلى صورة
يا ثورتنا شدّي.. شدّي
لا تتهدي
***********
مثلك ما شافت عيوني
حلوة وعلى أبنائك حنونة
غارت منك كل الدّنيا
وروحي في سماك مرهونة
يا ثورتنا شدّي.. شدّي
لا تتهدي
*********
زيّنوا جبينك بالغار
بالورد ودم الثّوار
بألم السّجن ووجع الأسر
وآهات الأسرى الأحرار
يا ثورتنا شدّي.. شدّي
لا تتهدي
**********
هذا منا وعد وعهد
مسجل في كتاب التّاريخ
ما راح نهدا ولا نرتد
حتى يزهر فيكي الورد
يا ثورتنا شدّي.. شدّي
لا تتهدي
*********
أنت الحر وصخرك مُرّ
يا ثائر بعزمك تنهد
أسوار الهجمة الوحشيّة
ويطلع فجرك يا حرّيّة
يا ثورتنا شدّي.. شدّي
لا تتهدي
************
يا غاصب ارحل عن أرضي
حقوق ووطن ما إلك عندي
من جبروتك ومن ظلمك
ذقنا الذّل على إيد الجندي
يا ثورتنا شدّي.. شدّي
لا تتهدي
***********
ثورة حجر بإيدين أطفال
بساحتنا صنعوا الأبطال
وردوا عنّا الاحتلال
اللي اغتصب الأرض والمال
يا ثورتنا شدّي.. شدّي
لا تتهدي
***********
والأم الثّكلى بتنادي
وين ألقاكم يا أولادي
اصحوا من غفلة النّوم
بدها الأرض اللي يزرعها
ومنها أشواك العدو يقلعها
يا ثورتنا شدّي.. شدّي
لا تتهدي
*******
أنت البسمة
وانت الزّهرة
وانت الدمعة وانت الكلمة
اسمك في التاريخ "الحرّة"
يا ثورتنا شدّي.. شدّي
لا تتهدي
**********
انهض يا شعبي ولا تهون
وخلّي القلم يغني ويثور
ويكتب بالدّم النّازف من جرحك
أجمل غنوة وأحلى سطور
يا ثورتنا شدي.. شدي
لا تتهدي
***********
خلي صوت الثورة يِعلّي
ويملا الكون... سهل وتلة
نصنع لبلدنا فلسطين الحرّة
مجد وعزة وأمل وثورة
ويطلع بعد الليل نهار
ويرجع لينا البيت والدّار
______

[email protected]