الأخبار
بايدن ونتنياهو يجريان أول اتصال هاتفي منذ أكثر من شهرإعلام إسرائيلي: خلافات بين الحكومة والجيش حول صلاحيات وفد التفاوضالاحتلال يفرج عن الصحفي إسماعيل الغول بعد ساعات من اعتقاله داخل مستشفى الشفاءالاحتلال يغتال مدير عمليات الشرطة بغزة خلال اقتحام مستشفى الشفاءاشتية: لا نقبل أي وجود أجنبي بغزة.. ونحذر من مخاطر الممر المائيالقسام: نخوض اشتباكات ضارية بمحيط مستشفى الشفاءالإعلامي الحكومي يدين الانتهاكات الصارخة التي يرتكبها جيش الاحتلال بحق الطواقم الصحفيةمسؤول الشؤون الخارجية في الاتحاد الأوروبي"إسرائيل حولت غزة لمقبرة مفتوحة"تقرير أممي يتوقع تفشي مجاعة في غزةحماس: حرب الإبادة الجماعية بغزة لن تصنع لنتنياهو وجيشه النازي صورة انتصارفلاديمير بوتين رئيساً لروسيا لدورة رئاسية جديدةما مصير النازحين الذين حاصرهم الاحتلال بمدرستين قرب مستشفى الشفاء؟جيش الاحتلال يعلن عن مقتل جندي في اشتباكات مسلحة بمحيط مستشفى الشفاءتناول الشاي في رمضان.. فوائد ومضار وفئات ممنوعة من تناولهالصحة: الاحتلال ارتكب 8 مجازر راح ضحيتها 81 شهيداً
2024/3/19
جميع الأراء المنشورة تعبر عن رأي كتّابها ولا تعبر بالضرورة عن رأي دنيا الوطن

على اعتاب القدس ..نبكي بقلم:احمد لطفي شاهين

تاريخ النشر : 2015-10-13
على اعتاب القدس ..نبكي بقلم:احمد لطفي شاهين
على اعتاب القدس ...  نبكي

المدرب احمد لطفي شاهين

فلسطين المحتلة

اصوات الزغاريد ملأت الاجواء ... رصاصات الانتصار تكاد تحجب نور الشمس ...الاعلام العربية  والإسلامية ترفرف في سماء بلادنا

استيقظت على صوت امي تقول لي قوم يما قوم ولك اصحى انت ما عرفت شو صار؟؟؟ يما فلسطين تحررت وحنرجع لبلادنا واراضينا اللي راحت منا

انا يما بتزكر الحاكورة والبايكة  والحوش الكبير .... يلا يما قوم اصحى

حنرجع  للبيارات وكروم العنب واراضينا  كلها .. والله انت حظك حلو بيطلعلك من ورثتي انا وورثة ابوك اكتر من 200 دونم يلا خلينا نعوضلكم هالعمر اللي راح منا ... والبركة يما  فيكم وفي اولادكم

يما اصحى مالك مش سامعني ؟؟ انت مش سامع الدوشة بالشوارع ..

 الكل بيهتف وفرحان .. مش سامع صوت الرصاص بالهوا

انا مش عارفة انت كيف نايم.... شو هالامة النايمة ..

والله انا  مش مصدقة ان فلسطين تحررت

نظرت الى امي وقلت لها يما : شكلك  انتي  اللي نايمة وبتحلمي ؟؟

روحي خديلك حبة دوا يمكن ضغطك عالي

صرخت امي وقالت يا ولد اصحى يلا

هي ستك بتلملم بغراضها وسيدك بيودع اصحابه وابوك بيوزع حلويات

ما ظل حلويات بالبلد كلها .... الكل بيحلي بالكل

يما  بدي اسألك سؤال :

كيف بدنا نرجع ونترك القبور هنا ؟؟ والا حننقل قبور  شهدائنا واحبابنا معنا

والله يما انا حظي حلو ابوي استشهد في البلاد وبرجع بلاقي قبره مكانه انا عارفة مكان قبره بالزبط ؟؟؟ سيدك يما استشهد في بلد جنب بلدنا  سنة الهجرة في سنة 48 كنت صغيرة يما  ولكن متزكرة كل شي منيح .. هو الأسى بينتسى ؟؟؟  متزكرة كتير من قرايبنا استشهدوا بالقيزان كان يوقع عالارض ويحرق كل شي ... ولما كبرت عملنا تصريح من اليهود ( لما كانوا محتلين ارضنا )

 ورحت يما على قبر سيدك دعيتله ولما حجيت كمان دعيتله

انا يما بحكي مع حالي ؟؟

 انت لسة نايم يما ومش مصدق انه تحررنا ..؟؟

 اصحى يما اصحى بيكفي نوم

صارلك اكتر من ستين سنة نايم .. ما شبعت نوم .. دخيلك اصحى

والله يما النوم بيقطع الرزق ولو كل شعبنا متلك نايم كان عمرنا ما تحررنا

البركة بالشباب اللي بيصحوا بدري ...  بيصلوا  الفجر حاضر

الشباب اللي حافظين القرآن وبيخافوا من الله وعندهم دين عنجد

شباب كبار وصغار استخدموا كل شي في طريق الحرية

حجار وسكاكين وسلاح  بسيط قدام اقوى قوة في الارض

لكن الله ناصرهم  لانه قذف في قلوب اليهود الرعب

احنا يما شعب بيخافش من الموت ابدا وصار الموت عندنا عادي

كل الغوالي استشهدوا وخسرنا ارضنا وما ظل النا الا كرامتنا وبس

عشان هيك يما الموت بطل يخوفنا لانه بإذن الله رايحين عالجنة

هدول الشباب  يما بيعملوا عشان الله ...مش عشان تنظيماتهم وبس

انت ما معك خبر انه كل تنظيماتنا تفاهمت واتفقت عملت جيش موحد

جيش زي جيش التحرير الفلسطيني تبع زمان

والا يما كيف حننتصر لو ظلينا منقسمين ؟؟؟

يلا يما قوم .. اصحى ... اصحى

خلي بالك ...بدنا نميل على القدس ونصلي بالأقصى وقبة الصخرة

بدي الف فيهم براحتي وما حد يوقفني على حواجز

بدي اشبع من كل معالم القدس العتيقة

واحنا راجعين يما على بلدنا بتكون الخليل في طريقنا بنصلي العصر بالحرم الابراهيمي صارلي سنين ما رحت هناك

والله يما اهل الخليل رجال .. واهل الضفة كلهم ابطال.. وما بنسى اهلنا في نابلس جبل النار ... يما احنا النا قرايب في نابلس بنسير نزورهم ويزورونا زي زمان قبل الهجرة.. عارف يما..  اهل القدس اكتر ناس بطولة ورجولة في العالم كله صار لهم  اكتر من ستين  سنة يما بينحتوا بالصخر ومحافظين على بيوتهم وجنسيتهم وبيعاندوا في اليهود وصامدين وصابرين... منيح اللي ما انجنوا ... لكن في الآخر فقعت معهم وبدأوها بحرب السكاكين ما شاء الله

اييييه ذكريات حلوة ...  خلص يما الله  ريحنا وريحهم من اليهود وتطهرت القدس كلها من تدنيس اليهود الله لا يرجعهم

التفلزيون بيحكي كلام كتير كتير  والعالم كله فرحان

وانت لسة نايم ؟؟؟؟ اصحى بيكفي نوم

صار لك ستين سنة نايم اصحى

وجعتلي قلبي وانا بحكي وانت مش سامعني

قتلتني بنومتك .. انت سامعني لكن كلامي ما حرك ضميرك

اصحى وتحرك .. اعمل شي .. قوم شارك

بيكفي نوم .. بيكفي نوم .. اصحى حرام عليك

انتبهت

طيب انا امي ماتت من سنوات

انا بحكي مع مين ..؟؟؟ بحكي مع حالي

لأول مرة اكتب وابكي ... لاجل القدس

وربما لانني كلما اتذكر امي  التي كانت تحلم بالعودة .. ابكي

اكرر نداء امي الله يرحمها

اصحوا .. افيقوا ... بيكفي نوم ..

صارلكم ستين سنة نايمين

صارلكم 8 سنوات منقسمين

بيكفي مناكفات ومهاترات سياسية

اطفال القدس اكثر رجولة من الجميع

بنات الضفة الغربية اكثر بطولة وشرف من الجميع

اعمال فردية ؟؟؟ بسيطة ؟؟؟ لا ترقى الى مستوى الحدث ؟؟

هذه الاعمال التي تزاودون عليها  تغسل عار الامة النائمة كلها

اذا لم نتفاهم الآن ونتفق ونتوحد لاجل القدس ... فمتى سنتوحد

مقاطع الفيديو المنتشرة بخصوص احداث التصفية لابنائنا وبناتنا في القدس والضفة الغربية تدلل بشكل واضح على مدى الاستهتار الصهيوني  بالدم الفلسطيني وبالشعب الفلسطيني كله .. يمكن بيعتبرونا صراصير ؟؟؟

للدم الفلسطيني حرمة يجب عدم انتهاكها ابدا ابدا

وما يحدث هو رسالة واضحة للعدو الصهيوني انه خلاص فقعت معانا

 لكن كيف نلوم العدو الصهيوني على انتهاك حرمة الدم الفلسطيني

ونحن انتهكنا دماء بعضنا البعض منذ 8 سنوات

ولازلنا نعيش في المهاترات والمناكفات في اصعب الظروف

اصحوا .. افيقوا .. تحركوا ... اتفقوا .. .. اعملوا وحدة وطنية بسرعة

او انصرفوا وبلاش يحسبوكم علينا قادة ..فشعبنا العظيم يستحق قيادات عظيمة
 
لا يوجد تعليقات!
اضف تعليق

التعليق الذي يحتوي على تجريح أو تخوين أو إتهامات لأشخاص أو مؤسسات لا ينشر ونرجو من الأخوة القراء توخي الموضوعية والنقد البناء من أجل حوار هادف