من بني عبيد الي ريال مدريد
بقلم: السيد علي موسي
عشان يبقي عندك في بلد واحدة كل معالم الجذب السياحي الي تتمناها اي دولة في العالم من موقع ومناخ ممتازين و سياحة متاحف و اثار و سياحة شاطئية و علاجية و سياحة مؤتمرات و سياحة دينية و ثقافية و ترفيهية
بعد كل دا يا مؤمن يبقي ترتيبك رقم 32 علي العالم بعد دول اقل حجما و تاريخا من شبرا و حلوان
مع كامل احترامي و تقديري لدور قناة السويس العظيم و لمجهودات الدولة العظيمة في تطويرها و جذب الاستثمارات الخارجية و الداخلية اليها بس السياحة ممكن تحقق اضعاف ما تحققه القناة دا في حالة لو البلد حكومة و شعب بقي عندهم الارادة لتحقيق الهدف دا
كل الثروة السياحية الي عندنا دي و اكبر دخل حققناه من السياحة كان 2010 بمعدل 12.5 مليار دولار و من ساعتها واحنا في النازل
صحيح تنشيط السياحة الداخلية له اثار ملموثة و النزيل المصري بقي منتشر في كل مكان بس الحقيقة ان دا مش كفاية خاصة ان الاقتصاد المصري منهك و خارج من ازمات شديدة و الناس يادوب بتدبق عيشتها بالعافية و الي طالع رحلة يومين تلاتة حاسبها بالورقة و القلم عشان يقدر ينفس عن نفسه و عن اسرته يومين و اول ما يروح الفندق يبقي عايز ياخد قصاد الي هيدفعه الطاق عشرة و هاتك يا استغلال و مراوغة .
الحقيقة ان الكل مشدود و محدش مبسوط سواء كانوا نزلاء او موظفين او اصحاب استثمارات
الكل مضطر يجاري المرحلة و الكل بيقدم تنازلات عشان يمشي حاله بس الحقيقة ان روح الاستمتاع الي هي الغرض الاساسي من السياحة مفتقدة
علي السادة القائمين علي الاقتصاد في مصر االاستيقاظ من حالة الغيبوبة المفرطة الي عايشينها دي و البحث باخلاص و ضمير عن مراكز دعم و انعاش للاقتصاد المصري و علي رأسها قطاع السياحة
في الحقيقة يا سادة قطاع السياحة بقي متردي اوي و دا باين اوي في غياب الوعي السياحي عند السائح المصري و نقص التدريب الشديد عند العامل و الموظف و هروب الخبرات الحقيقية الي الخليج عشان بيلاقوا تقدير مادي و ادبي هناك اكبر
كمان اصحاب الفنادق و الشركات لجاوا لسياسة شد الحزام و التوفير عشان العجلة تمشي
الحقيقة كمان ان البنية التحتية في مصر و هي عنصر مهم اوي للسياحة بقت بعافية اوي من طرق و كباري و مرافق
عارف كمان ازمتنا في ايه؟
في الابتسامة الصفرا الي مبقتش من القلب و في الفهلوة و تفتيح الدماغ
من اول مضيفة مصر للطيران الي راسمة الوش البلاستيك بابتسامة مصطنعة و هي بتقولك (نورت مصر ) و هي تقصد (ايه الي جابك) مرورا بسواقين التاكسي الي واقفين حوالين صالات الخروج بيخطفوا الزباين من بعض و علي استعداد انهم يقطعوا بعض و يقطعوا االزبون نفسه بس المصلحة ماتضيعش و عشان ياخدك مشوار لحد فندق او اي مكان يضربلك البنديرة في عشرة اه ماهي العيشة بقت صعبة يا بيه و الدنيا غلا امال هناكل عيش منين؟ دا طبعا كوم و موظف الاستقبال و المرشد السياحي الي اول ما يشوف السنيروة بتضحك له علي طول يعقد العزم علي رمي شباك الهوي ماهي ضحكت يعني قلبها مال علي رأي عمر دياب
مرورا بقي بالساحة اصحاب البازارات الي مربطين م سواقين الباصات عشان يحدفوا الزبون قدامهم و هم بقي عليهم الباقي
دا غير بقي العيال الي شغالين في البازارات نفسها و هم واقفين لك في عرض الشارع بيشدوا الزبون بالعافية عشان يشتري
و شركات السياحة الي فتحت تحت السلم من غير اي قيود او التزام باشتراطات و بتعمل للناس البحر طحينة و مش مهم المصداقية ماهو اول مايروح الفندق يبقي يتصرف معاهم المهم السبوبة اتظبطت
طب والله اعرف ناس مدروين الشركات الوهمية دي من علي كنبة الصالة في البيت و اهي صفحة علي الفيسبوك و حساب في البنك و بقت كدة شركة و كله تمام و الف الف مبروك
يا راااجل داحنا في مولد وصاحب نايم كل واحد بيعنل ما بداله و محدش بيحاسب حد
كله بقي ناصح و كله بقي فهلوي و كله عايز ينتش المصلحة مش مهم صورته و صورة بلده و لا مهم ان الزبون يجي تاني المهم انت وشطارتك و اهي ماشية و سيب الناس تاكل عيش
افيقوا يرحمكم الله
بقلم: السيد علي موسي
عشان يبقي عندك في بلد واحدة كل معالم الجذب السياحي الي تتمناها اي دولة في العالم من موقع ومناخ ممتازين و سياحة متاحف و اثار و سياحة شاطئية و علاجية و سياحة مؤتمرات و سياحة دينية و ثقافية و ترفيهية
بعد كل دا يا مؤمن يبقي ترتيبك رقم 32 علي العالم بعد دول اقل حجما و تاريخا من شبرا و حلوان
مع كامل احترامي و تقديري لدور قناة السويس العظيم و لمجهودات الدولة العظيمة في تطويرها و جذب الاستثمارات الخارجية و الداخلية اليها بس السياحة ممكن تحقق اضعاف ما تحققه القناة دا في حالة لو البلد حكومة و شعب بقي عندهم الارادة لتحقيق الهدف دا
كل الثروة السياحية الي عندنا دي و اكبر دخل حققناه من السياحة كان 2010 بمعدل 12.5 مليار دولار و من ساعتها واحنا في النازل
صحيح تنشيط السياحة الداخلية له اثار ملموثة و النزيل المصري بقي منتشر في كل مكان بس الحقيقة ان دا مش كفاية خاصة ان الاقتصاد المصري منهك و خارج من ازمات شديدة و الناس يادوب بتدبق عيشتها بالعافية و الي طالع رحلة يومين تلاتة حاسبها بالورقة و القلم عشان يقدر ينفس عن نفسه و عن اسرته يومين و اول ما يروح الفندق يبقي عايز ياخد قصاد الي هيدفعه الطاق عشرة و هاتك يا استغلال و مراوغة .
الحقيقة ان الكل مشدود و محدش مبسوط سواء كانوا نزلاء او موظفين او اصحاب استثمارات
الكل مضطر يجاري المرحلة و الكل بيقدم تنازلات عشان يمشي حاله بس الحقيقة ان روح الاستمتاع الي هي الغرض الاساسي من السياحة مفتقدة
علي السادة القائمين علي الاقتصاد في مصر االاستيقاظ من حالة الغيبوبة المفرطة الي عايشينها دي و البحث باخلاص و ضمير عن مراكز دعم و انعاش للاقتصاد المصري و علي رأسها قطاع السياحة
في الحقيقة يا سادة قطاع السياحة بقي متردي اوي و دا باين اوي في غياب الوعي السياحي عند السائح المصري و نقص التدريب الشديد عند العامل و الموظف و هروب الخبرات الحقيقية الي الخليج عشان بيلاقوا تقدير مادي و ادبي هناك اكبر
كمان اصحاب الفنادق و الشركات لجاوا لسياسة شد الحزام و التوفير عشان العجلة تمشي
الحقيقة كمان ان البنية التحتية في مصر و هي عنصر مهم اوي للسياحة بقت بعافية اوي من طرق و كباري و مرافق
عارف كمان ازمتنا في ايه؟
في الابتسامة الصفرا الي مبقتش من القلب و في الفهلوة و تفتيح الدماغ
من اول مضيفة مصر للطيران الي راسمة الوش البلاستيك بابتسامة مصطنعة و هي بتقولك (نورت مصر ) و هي تقصد (ايه الي جابك) مرورا بسواقين التاكسي الي واقفين حوالين صالات الخروج بيخطفوا الزباين من بعض و علي استعداد انهم يقطعوا بعض و يقطعوا االزبون نفسه بس المصلحة ماتضيعش و عشان ياخدك مشوار لحد فندق او اي مكان يضربلك البنديرة في عشرة اه ماهي العيشة بقت صعبة يا بيه و الدنيا غلا امال هناكل عيش منين؟ دا طبعا كوم و موظف الاستقبال و المرشد السياحي الي اول ما يشوف السنيروة بتضحك له علي طول يعقد العزم علي رمي شباك الهوي ماهي ضحكت يعني قلبها مال علي رأي عمر دياب
مرورا بقي بالساحة اصحاب البازارات الي مربطين م سواقين الباصات عشان يحدفوا الزبون قدامهم و هم بقي عليهم الباقي
دا غير بقي العيال الي شغالين في البازارات نفسها و هم واقفين لك في عرض الشارع بيشدوا الزبون بالعافية عشان يشتري
و شركات السياحة الي فتحت تحت السلم من غير اي قيود او التزام باشتراطات و بتعمل للناس البحر طحينة و مش مهم المصداقية ماهو اول مايروح الفندق يبقي يتصرف معاهم المهم السبوبة اتظبطت
طب والله اعرف ناس مدروين الشركات الوهمية دي من علي كنبة الصالة في البيت و اهي صفحة علي الفيسبوك و حساب في البنك و بقت كدة شركة و كله تمام و الف الف مبروك
يا راااجل داحنا في مولد وصاحب نايم كل واحد بيعنل ما بداله و محدش بيحاسب حد
كله بقي ناصح و كله بقي فهلوي و كله عايز ينتش المصلحة مش مهم صورته و صورة بلده و لا مهم ان الزبون يجي تاني المهم انت وشطارتك و اهي ماشية و سيب الناس تاكل عيش
افيقوا يرحمكم الله