مصباح يا مهدي
كلام/ سمير الأمير
*****
مصباح يا مهدي...خُش ف الموضوع
انا بسألك هوه السؤال ممنوع?
الِشعر أحسن والا صحن عصيدة?
تخفي القصيدة لو نموت م الجوع.
مصباح يا مهدي ماعادش حد عبيط
ما كانتش ناقصه لا هيصة ولا تخبيط
والشُعرا غِلبوا ف أزمة الاسكان
مالقوش مكان و الضهر بقي للحيط
مصباح يامهدي اكيد كلامي غريب
وانا عمري اصلا قولت شئ مفهوم?
دي بلاد قتلها الجهل والتهليب
والخوف أخدها لبؤسها المحتوم
واهو يا ما قولنا ف كل كارثه قصيدة
لا الدنيا راقت ولا شبعنا كلام
حكمت علينا المحكمة بتأبيده
نقضيها نرفع صخرة الأحلام
تقع علينا الصخرة نرجع نقوم
وكل مره كأننا ف أولها
قولناالخيال حيغير المقسوم
ودنيا سايقة العوج بالشعر نعدلها
مصباح ماتيجي نخف عنها الِشعر
دي بلاد تجارة وكل حاجه بسعر
مااعرفش ليه عاشقه اللي يخنقها
شافط عرقها العيّارين والزُعر!!
كلام/ سمير الأمير
*****
مصباح يا مهدي...خُش ف الموضوع
انا بسألك هوه السؤال ممنوع?
الِشعر أحسن والا صحن عصيدة?
تخفي القصيدة لو نموت م الجوع.
مصباح يا مهدي ماعادش حد عبيط
ما كانتش ناقصه لا هيصة ولا تخبيط
والشُعرا غِلبوا ف أزمة الاسكان
مالقوش مكان و الضهر بقي للحيط
مصباح يامهدي اكيد كلامي غريب
وانا عمري اصلا قولت شئ مفهوم?
دي بلاد قتلها الجهل والتهليب
والخوف أخدها لبؤسها المحتوم
واهو يا ما قولنا ف كل كارثه قصيدة
لا الدنيا راقت ولا شبعنا كلام
حكمت علينا المحكمة بتأبيده
نقضيها نرفع صخرة الأحلام
تقع علينا الصخرة نرجع نقوم
وكل مره كأننا ف أولها
قولناالخيال حيغير المقسوم
ودنيا سايقة العوج بالشعر نعدلها
مصباح ماتيجي نخف عنها الِشعر
دي بلاد تجارة وكل حاجه بسعر
مااعرفش ليه عاشقه اللي يخنقها
شافط عرقها العيّارين والزُعر!!
