شو هاظا الأرق؟!٠
***********************
أنا مِستغرِبْ كيف إنُّو في ناس بيِشْكو من الأَرقْ٠٠٠شو هاظا الأَرَقْ؟!٠٠ عرِفتْ بعدين إنُّو يعنِي ; عدم القدرة عَ النُّوم٠٠٠قلت هَاي هِي الشَّغلِة٠٠٠ إييهْ بسيطَة !٠٠ أنا - واللهِ - كنتْ مفَكِّر إنُّو شِي تَاني ومِحرِزْ٠٠٠قلتْ لَحَالِي الحَمدُ لله أنَا هاظَا الشِّي غريبْ عنِّي وفشْ عِنَّا مِنُّو في البيت٠
وبعدينْ أنَا ، بينِي وبينكُو، قلِقِتْ، وخُفِتْ إنُّو شِي يومْ هِيكْ -مِنْ غيرْ إحِمْ ولا دَسْتُورْ- هاظَا الأَرَقْ يقرِّرْ ييجِي يزُورْنَا، ويتْسَلَّلْ لَعِنَّا فسَألِتْ /ومتِلْ ما بِيقُولوا ; اللِّي بيِسْأل ما بِيضِيعْ/ و مِنْ إيشْ دَخِلْكُو ، بيِيجِي الأَرَقْ؟!٠٠
رَدُّوا علَيِّ الناسْ الفَهمانِينْ وقَالولِي إنُّو بِيصِيبْ الواحَدْ ، بعِيدْ عَنْكُو وعَنْ السَّامعين، اللِّي بِيكُونْ رَاسُو تَعْبَانْ وعندُو مشاكِلْ كتيرْ ومَهمُومْ !!!٠٠٠ فرِحتْ وضْحِكِتْ بعبِّي وقلت ، الحمدُ لله أنا راسي فَاضِيّةْ متِل البَطيِّخة المِخَوْخَة ، يعني المِستويِّة٠٠ قَالْ أرَقْ قالْ ، وعَلى إيش؟!٠٠ مَهِي كُلِّ الأمُورْ عنَّا مَاشْيِة ، زيِّ السَّاعَة و عَالْ العَالْ!٠٠ وكلْ شِي تمامْ ومافِي شِي ناقِصْنَا، والحمدُ للهْ ، بهَالبْلادْ !٠٠
أنا شخصيَّاً ،يعني متِل ما بيقولوا العَوامْ ; ''منِّي وعليِّ''، بدِّي أقُولْكُم شَغلة ، بَسْ ما تحِسْدوُني عَليها ٠٠٠
أنا ، ياجَماعةِ الخيرْ ، أَنامْ في اللِّيلة الواحِدةْ وأخُشْ في سُباتٍ عَميق 5-6 مرَّات ، ويمكِنْ أكتَرْ، يعني أنامْ وأصْحى وأرجع أنام وأصْحى عدِّة مرَّاتْ بالليلة الوَحَدِة!٠٠٠٠ بس قالْ في ناس مُغْرِضِين بيقولوا إنُّو هادا نوم ''غير مستقِّر'' و الحَاسدين بيقولوا إنُّو ''نوم متقطِّع''!٠٠٠٠ مُشْ مُهِمْ ، أهمْ شِي إنُّو ما يقُولُوا إنُّو أَرَقْ!!٠٠٠ أصْلاً هَايِّ الكِلْمة بصَراحةْ مَا عَجْبَتنِي ومرَّاتْ بتأرِّقْنِي ٠٠٠قالْ أرَقْ قالْ٠٠٠
نَامُوا تَصِحُّوا وما فازَ إلَّا النُّوَمُ٠٠٠
تِصْبحُوا عَ خيرْ ، فعَلَى ما يَبْدُو - ياسَيدِي إللِّي مو إنْتِ- إنُّو أَجَتْنِي كَبْسةْ نُومْ، وامِشْ مْنِيحْ أكسِرْ بخَاطِرها ،الله يجبُر خَاطِركو ولا يِقْرِقُّوُا٠٠٠٠
ملاحظة ; إذا ما فِي كِلمةْ '' قَرَقْ '' باللغة العربيِّة فَدَخْلُّوها وإستَعِمْلوها ، بَسْ لا تِنْسوا تسَجْلوها بإسْمِي٠٠٠ ومْشَان الأمانِة العلميِّة يمكن تكون كلمة '' قَرَقْ '' هي نَفْسها كلمة ''أرق'' بس مكتوبة بلغة أهل ''الطِّيرة'' أو ''لُوبيّة'' أو حتَّى ''صَفُّورية''٠٠٠شو بيعرِّفني أنا!٠٠٠أنا إللي علَيِّ قُلتُو، وإنشالله يتفقوا عَ أصِلْ هالكلمة بينَاتْهِنْ، وبالتَّوفِيئ إنشالله وهاي ''التَّوفِيئ'' هي نفْسْ كِلمِةْ ''التوفيق '' بَسْ ، بلغة أهِلْ صفد والجاعونة و حيفا والأُدِسْ يعني إيلياء أو يور سالِم أي القدُسْ!٠٠
بيكفي لحَدْ هون لإنُّو يمكن تكُونوا مَلِّيتو أو إنُّو ،لا سَمحَ الله، تروح نَعوُستي أو- من غيرْ شَرْ- تِنكْسِرْ٠٠الله يستُرْ، بِيصِيرْ بدنَا مْجبِّرْ وهلأ بيقولوا ما في جَفْصِين أو جَبْصِين ''جِبسْ'' بِـ هَالبْلاد!٠٠٠ وبَعْدينْ خَلِّينَا سَاكْتِينْ أحسَنْ٠٠٠٠أصْلاً مَا بحِبْ الحَكِي الِكْتِير واللَّتْ والعَجِنْ٠٠٠٠يييي!٠
سَلامَاتْ ،يا حَبَايِّبْ، سَلامَاتْ!٠
محمد طرزان العيق
28.04.2014
***********************
أنا مِستغرِبْ كيف إنُّو في ناس بيِشْكو من الأَرقْ٠٠٠شو هاظا الأَرَقْ؟!٠٠ عرِفتْ بعدين إنُّو يعنِي ; عدم القدرة عَ النُّوم٠٠٠قلت هَاي هِي الشَّغلِة٠٠٠ إييهْ بسيطَة !٠٠ أنا - واللهِ - كنتْ مفَكِّر إنُّو شِي تَاني ومِحرِزْ٠٠٠قلتْ لَحَالِي الحَمدُ لله أنَا هاظَا الشِّي غريبْ عنِّي وفشْ عِنَّا مِنُّو في البيت٠
وبعدينْ أنَا ، بينِي وبينكُو، قلِقِتْ، وخُفِتْ إنُّو شِي يومْ هِيكْ -مِنْ غيرْ إحِمْ ولا دَسْتُورْ- هاظَا الأَرَقْ يقرِّرْ ييجِي يزُورْنَا، ويتْسَلَّلْ لَعِنَّا فسَألِتْ /ومتِلْ ما بِيقُولوا ; اللِّي بيِسْأل ما بِيضِيعْ/ و مِنْ إيشْ دَخِلْكُو ، بيِيجِي الأَرَقْ؟!٠٠
رَدُّوا علَيِّ الناسْ الفَهمانِينْ وقَالولِي إنُّو بِيصِيبْ الواحَدْ ، بعِيدْ عَنْكُو وعَنْ السَّامعين، اللِّي بِيكُونْ رَاسُو تَعْبَانْ وعندُو مشاكِلْ كتيرْ ومَهمُومْ !!!٠٠٠ فرِحتْ وضْحِكِتْ بعبِّي وقلت ، الحمدُ لله أنا راسي فَاضِيّةْ متِل البَطيِّخة المِخَوْخَة ، يعني المِستويِّة٠٠ قَالْ أرَقْ قالْ ، وعَلى إيش؟!٠٠ مَهِي كُلِّ الأمُورْ عنَّا مَاشْيِة ، زيِّ السَّاعَة و عَالْ العَالْ!٠٠ وكلْ شِي تمامْ ومافِي شِي ناقِصْنَا، والحمدُ للهْ ، بهَالبْلادْ !٠٠
أنا شخصيَّاً ،يعني متِل ما بيقولوا العَوامْ ; ''منِّي وعليِّ''، بدِّي أقُولْكُم شَغلة ، بَسْ ما تحِسْدوُني عَليها ٠٠٠
أنا ، ياجَماعةِ الخيرْ ، أَنامْ في اللِّيلة الواحِدةْ وأخُشْ في سُباتٍ عَميق 5-6 مرَّات ، ويمكِنْ أكتَرْ، يعني أنامْ وأصْحى وأرجع أنام وأصْحى عدِّة مرَّاتْ بالليلة الوَحَدِة!٠٠٠٠ بس قالْ في ناس مُغْرِضِين بيقولوا إنُّو هادا نوم ''غير مستقِّر'' و الحَاسدين بيقولوا إنُّو ''نوم متقطِّع''!٠٠٠٠ مُشْ مُهِمْ ، أهمْ شِي إنُّو ما يقُولُوا إنُّو أَرَقْ!!٠٠٠ أصْلاً هَايِّ الكِلْمة بصَراحةْ مَا عَجْبَتنِي ومرَّاتْ بتأرِّقْنِي ٠٠٠قالْ أرَقْ قالْ٠٠٠
نَامُوا تَصِحُّوا وما فازَ إلَّا النُّوَمُ٠٠٠
تِصْبحُوا عَ خيرْ ، فعَلَى ما يَبْدُو - ياسَيدِي إللِّي مو إنْتِ- إنُّو أَجَتْنِي كَبْسةْ نُومْ، وامِشْ مْنِيحْ أكسِرْ بخَاطِرها ،الله يجبُر خَاطِركو ولا يِقْرِقُّوُا٠٠٠٠
ملاحظة ; إذا ما فِي كِلمةْ '' قَرَقْ '' باللغة العربيِّة فَدَخْلُّوها وإستَعِمْلوها ، بَسْ لا تِنْسوا تسَجْلوها بإسْمِي٠٠٠ ومْشَان الأمانِة العلميِّة يمكن تكون كلمة '' قَرَقْ '' هي نَفْسها كلمة ''أرق'' بس مكتوبة بلغة أهل ''الطِّيرة'' أو ''لُوبيّة'' أو حتَّى ''صَفُّورية''٠٠٠شو بيعرِّفني أنا!٠٠٠أنا إللي علَيِّ قُلتُو، وإنشالله يتفقوا عَ أصِلْ هالكلمة بينَاتْهِنْ، وبالتَّوفِيئ إنشالله وهاي ''التَّوفِيئ'' هي نفْسْ كِلمِةْ ''التوفيق '' بَسْ ، بلغة أهِلْ صفد والجاعونة و حيفا والأُدِسْ يعني إيلياء أو يور سالِم أي القدُسْ!٠٠
بيكفي لحَدْ هون لإنُّو يمكن تكُونوا مَلِّيتو أو إنُّو ،لا سَمحَ الله، تروح نَعوُستي أو- من غيرْ شَرْ- تِنكْسِرْ٠٠الله يستُرْ، بِيصِيرْ بدنَا مْجبِّرْ وهلأ بيقولوا ما في جَفْصِين أو جَبْصِين ''جِبسْ'' بِـ هَالبْلاد!٠٠٠ وبَعْدينْ خَلِّينَا سَاكْتِينْ أحسَنْ٠٠٠٠أصْلاً مَا بحِبْ الحَكِي الِكْتِير واللَّتْ والعَجِنْ٠٠٠٠يييي!٠
سَلامَاتْ ،يا حَبَايِّبْ، سَلامَاتْ!٠
محمد طرزان العيق
28.04.2014